談一談Heir Audio 10.A — 被埋沒的好東西? (對比K10及LAYLA)
本帖最後由 windwolf447 於 2015-2-1 23:21 編輯最近因為口味改變而出售了用了1年的靜電耳機系統，想話換下新玩具咁。而自從layla出左之後我就比佢毒到頭暈暈，好想買，但冷靜d諗2皮野仲有咁多選擇，聽多d唔同野先好。之後見到有d師兄提起一隻叫Heir audio 10a的，好似幾好，見官網賣緊$1399USD ，但感覺好冷門，都揾唔到咩資料，又冇demo。
結果今日約了一位師兄去試試他的10a CM。本來我是打算套2節膠上去按住落耳仔度聽，點知意外地我的耳型同果位師兄好接近，我可以直接戴到佢對10a，亦都幾密實好隔音所以我諗應該都聽到有實際嘅9成質素嘅。
我的dap係ak240，亦都有帶部aclear porta 淨化器接上去聽。果位師兄聲稱heir audio有針對過ak240作10a的調音，係真定假我唔知啦，但至少呢套我聽落又真係幾好聽幾均衡舒服，不過最令我surprise嘅係佢質素之高。冇demo係香港令更多師兄認識呢對野真係可惜{:8_367:} 。
講一講我對10a的聽感吧。聽左一陣我首先係腦海浮現嘅係K10。點解咁講呢?因為我覺得10a比我一種「K10進化版」嘅感覺。不過Heir audio同Noble本身就係同一間野拆分出黎，搞artwork果個做noble，搞技術果個去左Heir，如果話10a基於k10改進我都唔覺得出奇。而以下我都會用K10同Layla嘅對比黎描述10A(我地約左係某耳機店試，同時我借左對Layla黎對比)。
對我而言10a同layla至少係同一水平的耳機，10a最令我留下深刻印象嘅係音場，Layla本身已經比我一種音場規模好大好立體嘅感覺，亦都冇咩其他耳機比過咁嘅感覺，但估唔到10A嘅音場可以比layla規模更大更立體，而且係好明顯果種。闊度唔差得多，但更加深，亦更加高，定位亦好清晰，嘩我頂你個掣，感覺聽緊開放式旗艦咁。
低音方面呢，Noble K10嘅低音係一種好有衝擊力，結像大而震撼但下潛唔算去到非常深嘅低頻，Layla呢我覺得佢嘅低頻比K10修身，更有線條有質感，下潛亦比K10深，但就冇咩K10果種震撼嘅衝擊力。而HEIR 10A嘅低頻呢，我就覺得係2者之間，有一定嘅衝擊力(但唔夠k10勁)，亦有一定嘅質感細節(但唔夠Layla清)，算係一種折衷嘅調音吧，雖然個人就比較喜歡Layla果種低頻。
人聲方面我覺得K10同Layla都係比較靠前的，10a嘅人聲比我感覺係K10拉後少少，然後再補充番D質感同細節，微細節上如口水聲同氣聲個人覺得甚至要比LAYLA清一些，但講感情同味道LAYLA就表達得比10A好。
高音上係我對LAYLA其中一個唔太滿意嘅地方，感覺佢ROLL OFF得早(算唔算係JH特色?)，偏暗，雖然已經好過ROXANNE但都係偏DD暗蒙，順帶一提雖然ROXANNE差LAYLA一些但我都仲係好鐘意ROXANNE的音色到底我隻CM幾時到呀呀呀!!……咳咳，講番正題，K10相對LAYLA而言會較通透明亮，但高頻依然係有做到柔順化D嘅修飾啦。10A呢，高頻會比K10伸延得再去得盡一D，感覺更靚，分析力聽落比LAYLA好一點，尤其弦樂聽起來比LAYLA更像真(但其實仔細聽，10A和LAYLA的細節表現其實都係一個水平，只不過10A高頻嘅野會更明顯一點)。
整體而言10A聽落係好coherent的，而用10A聽完一D得一兩支樂器嘅純音樂再用LAYLA去聽番同一首，會覺得LAYLA有好隱約的結像唔係好連貫嘅感覺，不過好輕微，對我而言可忽略(印象中論壇上好似有人講過類似嘅問題?) 。10A的冷暖調性和K10很接近，而個人覺得LAYLA比2者暖一點。10A同LAYLA一樣好反映音源，錄音MASTERING唔好會聽得出。聽古典同純音樂會係10A的強項，聽流行人聲，部分歌我覺得10A好聽D，但大部分都係LAYLA比較討好。
我對LAYLA及10A的喜好程度是一致的，所以也吧10A加到我的考慮清單上吧哈哈哈哈(不過10A便宜好多哦……{:8_365:} )XD。
以上。
果位師兄今日真係唔該哂你，THX A LOT{:8_387:}
PS: 師兄走左之後我又聽左下店內的FOSTEX TH900 + A8西裝，感覺幾唔錯喎! 其他頂班耳牛都聽過下，但HD800, T1暫時都冇咩特別聽過覺得好上癮嘅組合。反而K812我直插AK240我又覺得幾好聽(係呀我手提直推你吹呀{:8_368:} )。LCD-X LCD-3又太過重，唉都知買咩好，冇錢果時又煩，有錢又身痕果時原來仲煩~_~ 正
10a k10 LAYLA 三隻對比
10a black friday個價真係好吸引
始終係新野同cm關係 無入到{:1_332:} “我又聽左下店內的FOSTEX TH900 + A8西裝，感覺幾唔錯喎! 其他頂班耳牛都聽過下，但HD800, T1暫時都冇咩特別聽過覺得好上癮嘅組合。反而K812我直插AK240我又覺得幾好聽(係呀我手提直推你吹呀 )。”
師兄真係好幸福，你既評論令我對呢對cm的理解更深 Very details and accurate comments.....Agree that 10A resolutions and soundstage nearly the top of ciem right now. {:1_326:} let me check K10 again later {:1_339:}{:1_339:}
(Post76 Android 手機版送出) k10我就唔多o岩,人聲薄得濟,當初試o個平反而覺得平平無奇{:6_136:}
goodabc2010 發表於 2015-2-2 07:27 static/image/common/back.gif
k10我就唔多o岩,人聲薄得濟,當初試o個平反而覺得平平無奇
每個人聽感有出入吧，但K10我覺得人聲算厚厚地 windwolf447 發表於 2015-2-2 11:06 static/image/common/back.gif
每個人聽感有出入吧，但K10我覺得人聲算厚厚地
Yes ar...K10 vocal not thick and also not thin...quite netural..... 我都留意緊對10a, google search過哂除左kicksound之外就係得post76有講哩對野, 仲要ks都冇demo... 會唔會有好心師兄肯出來借我聽幾首歌? 我用緊AP100出DAC, 想造cm好耐但係一直都聽唔啱, 感激不盡! Heir Audio 10A好評如潮，睇黎相當厲害。不過因為以往經歷，對於定制實在抗拒。唔知Heir Audio遲下會唔會出10A Universal Fit版本呢? 其他師兄又有無聽過IEM 8.0係咩聲咩表現呢?