本帖最後由 leo25 於 2015-2-3 00:15 編輯
ilavbnm 發表於 2015-2-2 13:14 static/image/common/back.gif
唔使用靜電槍/靜電風扇
唔係話無用...只不過隻碟夠乾淨就已經好好
想好D...靜電擦可以選一D有地線連接就O ...
玩膠膠可以好簡單...6-70年代D人無咁多設備咪又係咁玩
只不過...依家年代唔同...大家就覺得膠膠麻煩
跟住又唔知點解膠膠又變左高級象徵
<==講得好啱, 想當年讀書時我地聽黑膠, 基本只得一個擦加一支清潔劑咪又係咁聽.
都不知幾疏肝{:9_407:}
不過我讀書時只係80年代, 唔係6-70年代 {:6_174:}
Congratulation!{:6_149:}
ykluk 發表於 2015-2-2 09:55 static/image/common/back.gif
轉速得33同45揀, 有個制去轉~~!!
係講個微調轉速
本帖最後由 ilavbnm 於 2015-2-4 14:14 編輯
ykluk 發表於 2015-2-2 19:35 static/image/common/back.gif
我不嬲份人就係咁, 一係唔掂, 一掂我就想研究吓, 玩得掂開心就繼續玩, 玩唔掂就唔玩~~!!黑膠 ...
如果真係好想玩落去
我提議首先要裝好唱頭 & 唔好太在意VTA
唔係話VTA唔重要...而係永遠都無法校得完美
因為...每隻唱片厚度都唔一樣...尤其依家興出180g/200g唱片
哩d唱片會比普通唱片厚
所以調教VTA適宜搵一隻你手上嘅唱片中
厚度為中等嘅一隻唱片嚟調校(除非你打算每隻碟都獨立調教VTA)
教好之後就唔好太在意...否則只會不斷鑽牛角尖
裝好唱頭嘅定義...就係唱頭安裝角度 & Overhang
只要攪好哩兩樣野...其餘就會簡單好多
唱頭安裝角度...由唱頭正面睇
一定要保持垂直...唔好邊高邊低
有d唱頭殼與唱臂接點有少少虛位可調校
如果無得校...而個唱頭又真係唔直的話
就要搵野"攝"返正...咁就好差煩
Overhang...唱頭由唱片最外圈移至最內圈時
唱針與唱片坑紋接觸左右角度係會改變
所以要搵到一個外圈內圈都可接受循跡範圍
如果Overhang唔正確...有可能出現外圈與內圈唔同聲
甚至有機會出現拆聲
新買唱盤應該有張紙可以比你跟...所以要做到可以的話未必好難
當然...要做到最fit可能要d時間...不過跟張紙作起步都係一個方法
攪掂哩兩樣...其餘就方便好多(唔代表容易)
因為臂壓/針壓/抗滑/VTA/唱盤水平/唱盤避震
全部都唔會再影響到唱頭嘅安裝(其實Overhang都係安裝唱頭嘅一部分)
所以...我個人經驗...裝好個唱頭會係第一步
其餘果d...慢慢舞啦...{:1_253:}
可能有人話...我都未校好唱臂...點落針呀
點教Overhang呀
我意思係...果D可以大約校下先
主要先攪好唱頭安裝距離&角度問題
攪左唱頭距離&角度之後...然後先再仔細教其他啫
另外...唔好過份迷思於唱片鎮
跟機果個應該唔係唱片鎮(張相睇得唔清楚)
因為唱片鎮...太輕嘅無作用...重嘅又會對唱盤摩打做成負擔
所以...唱片鎮...我都係比較主張用於犘打扭力較大嘅重型轉盤
以上只係我個人睇法/做法...未必每個人都認同
而且...有人會將調校唱盤每部份都分得更仔細
不過...無論點都好...我意思只係...儘管放手去玩膠膠吧
唔好以為膠膠係咩洪水猛獸
要玩得專/玩得盡...唔只膠膠...咩都可以玩死人啦...{:6_174:}
blackcolor 發表於 2015-2-2 16:39 static/image/common/back.gif
恭喜師兄！
其實呢部同 pioneer pl-30k 差幾多？
how about this one?Project Elemental, about $2k
http://www.amazon.co.uk/PRO-JECT-13202-Project-Elemental-Silver/dp/B00EL6RJ08/ref=sr_1_2?ie=UTF8&qid=1422889146&sr=8-2&keywords=pro-ject
6爺...我見你加左我分...咁我就當你睇左我之前所寫嘅野
亦都當你已經消化左...稍後我會再寫多少少作補完
因為...我之前果篇其實係概括+不盡不實嘅寫法...{:1_339:}
晏少少我再寫多d啦...{:1_253:}
ilavbnm 發表於 2015-2-3 08:45 static/image/common/back.gif
6爺...我見你加左我分...咁我就當你睇左我之前所寫嘅野
亦都當你已經消化左...稍後我會再寫多少少作補完
因 ...
睇就睇咗, 大約都知你講緊邊一急嘢, 係咪消化到當然就係實踐時再望多幾次recall memory啦~~!! {:9_407:}
你keep住寫啦, 個post係我既, 我直情當係記錄架喇~~!! {:9_423:}
本帖最後由 ilavbnm 於 2015-2-4 14:21 編輯
ykluk 發表於 2015-2-3 10:04 static/image/common/back.gif
睇就睇咗, 大約都知你講緊邊一急嘢, 係咪消化到當然就係實踐時再望多幾次recall memory啦~~!! ...
如果問店員/唱盤用家/上網搜尋有關唱盤/唱臂調校
會發現好多名詞...最常見有以下幾個
VTA=Vertical Tracking Angle(垂直循跡角)
LTA=Lateral Tracking Angle(橫向循跡角)
VTF=Vertical Tracking Force / TF=Tracking Force(針壓)
ASF=Anti-Skating Force(抗滑)
Overhang=唱針超距
Azimuth=方位角
但係留意一下...其實其中大部分(紅字)都係講緊角度&距離...{:1_345:}
首先我講返之前我提過唱頭安裝要垂直唔好邊高邊低
哩樣就係Azimuth(方位角)
調校方法...搵一塊細細塊嘅鏡...放喺唱頭下面
然後從鏡中倒影可判斷唱頭是否垂直
我手上無鏡...攞個電話頂住先...{:1_352:}
我個唱頭...上半部銀色位置...其實只係安裝支架
下半部黑色部分先係唱頭...而兩者只係用膠水黐實
唔係講笑...Shure真係咁做...{:1_260:}
所以要留意嘅只係黑色部份
圖1...倒影中可以見到唱頭有輕微偏側
圖2...倒影中可以見到唱頭今次比較垂直
喱種做法...首先要支唱針本身都係無歪先比較準確
所以有人會裝埋唱針嚟調校(MC頭就一定連唱針)
因為真正要調校嘅係唱針角度
我就為免唔小心會傷到唱針...我只會先針連頭一齊目測一下
目測過覺得唱針OK...我就會拆左唱針...只裝唱頭
最後...裝好唱頭再裝埋唱針目測多一次就算
Overhang...意思係指唱針同轉盤軸芯嘅距離
將唱臂(裝左唱頭)向轉盤軸芯移動
會發覺唱針並唔會落喺轉盤軸芯上面
兩者之間嘅距離就係Overhang
簡單公式..."唱臂有效長度" 減 "唱臂軸芯至轉盤軸芯嘅距離"
至於每支唱臂有效長度...請參閱該唱臂相關說明書...{:1_253:}
不過...我通常都唔計...我讀得書少...識條鐵計咩...{:1_253:}
所以我都係用返跟盤嚟果張唱頭校正紙去裝就算
由於唱臂長度 & 唱頭校正紙果兩點都係固定嘅
所以...附合到唱頭校正紙上果兩點
Overhang應該都唔會相差太遠...懶...{:1_352:}
LTA...橫向循跡角
即係唱頭偏向左/偏向右嘅方向
但係一般只要跟足唱頭教正紙上刻度(橫直線/十字)去校好唱頭
應該唔會有太大偏向問題
錯誤示範...{:1_339:}
後加補充:
由於樓主同我個唱盤都係盤+臂配好出售
即係廠方已預先計好...唱臂有效長度/唱臂安裝距離位置等等
所以先可以用一張唱頭校正紙去調教Overhang + LTA
如果唱頭校正紙無格線的話(只有兩點)...LTA都係要自己調校
盤臂分開玩的話...就唔好靠一張紙校幾樣野
不過...盤臂分開玩...都係發燒友啦...應該唔使我多講啦...{:1_343:}
VTF / TF...針壓
哩樣野就唔難攪...因為通常唱臂都有晒刻度顯示
只要知道邊個鉈/邊個掣係用嚟調校就識玩啦(說明書幫到你)
唔識又無說明書點算
首先要知道支臂係"靜態平衡/動態平衡"
靜態平衡...即係尾鉈有刻度圈...而個刻度圈又可以獨立轉動果款
動態平衡...請睇返我之前貼嘅Rega臂嘅相啦...{:1_262:}
靜態平衡調校方法...將尾鉈轉到唱臂維持水平位置
然後將刻度圈歸零...跟住再轉個尾鉈...刻度圈所標示嘅數字就係針壓
動態平衡調校方法...同樣將尾鉈轉到唱臂維持水平位置
然後用唱臂旁邊有刻度嘅掣嚟調校
ASF...抗滑
由於唱臂向唱片內圈移動嘅時候...會產生向內移嘅慣性動力
抗滑就係要平衡返哩種動力
通常調到同針壓差唔多就ok
仔細嘅...就要自己慢慢聽聲收貨
至於唱盤水平/唱盤避震
唔講啦...唔明我都幫你唔到...{:1_262:}
其實攪得掂上面幾點...基本上可以話已經學左膠膠調校入門
至於其他要再細分/十分仔細嘅調校...我都無能為力
因為...我一直都講...玩具嚟啫...千祈唔好比佢玩返轉頭
所以...我只學左幾點我覺得重要嘅野就算...又係懶...{:1_253:}
要再深入研究/想成為大師...就要睇下有無高手願意出手啦...{:6_174:}
ilavbnm 發表於 2015-2-3 15:31 static/image/common/back.gif
如果問店員/唱盤用家/上網搜尋有關唱盤/唱臂調教
會發現好多名詞...最常見有以下幾個
VTA=Vertical Track ...
喂, 真係堅到爆~~!!! 錫晒你~~~!!! {:6_242:}
返工唔可以睇咁耐, 返屋企坐西鐵時慢慢嘆~~~~!!!!! {:6_139:}
本帖最後由 ilavbnm 於 2015-2-4 14:21 編輯
ykluk 發表於 2015-2-3 16:07 static/image/common/back.gif
喂, 真係堅到爆~~!!! 錫晒你~~~!!!
返工唔可以睇咁耐, 返屋企坐西鐵時慢慢嘆~~~~!!!!! {:6_1 ...
為左哩篇野...我都要做返唔少功課...{:6_161:}
因為我嘅記法係歸納+簡化
名詞/解釋...我一直都唔多記...{:6_134:}
記得要點做就算...{:6_174:}
Azimuth方位角...即係唱頭(唱針)角度要垂直
VTA垂直循跡角...即係唱臂可調高低
LTA橫向循跡角+Overhang唱針超距...就歸納用唱頭校正紙就算
我只記紅字果d...{:9_404:}
針壓...抗滑...可以照字面解...就直投唔會點記...{:9_407:}
