終於做咗超級戇膠膠 - TEAC TN-300 開箱文
本帖最後由 ykluk 於 2015-2-16 11:32 編輯係咁既.....上年10月尾同咗外父外母去京阪旅行, 咁喺京都食完晚飯行街街時見到間CD鋪, 小弟諗住入去睇吓有無嘢執啦~~!! 突然老婆大人同外父捉咗小弟落另一層, 嗰度放咗一大堆黑膠唱片, 外父就好似見到老朋友咁同我講邊隻正邊隻好聽等等等....跟住老婆大人就問外父啲黑膠唱片仲喺唔喺度, 我外父話全部喺外家呀(但當時我見外母個樣有異我就心知不妙....) 返咗香港之後, 小弟同老婆大人就去外家尋寶, 結果.....兌現咗我外母面色有異, 由過千隻變咗淨返百幾隻....仲要大部分我都唔識佢既, 啲譚校長張國榮等等等等全部都應該喺TBB電視城隔離.....{:8_401:}
拎咗一大堆黑膠唱片梗係要拎埋外父個sansui p-l45超陳年直驅盤返去, 點知返到屋企聽到一堆零件聲, 隻臂變咗完全殘廢既時候, 心諗真係死得.....{:6_129:}
小弟玩黑膠既經驗值係零, 但玩唱頭既經驗值係100, 因為細過淨係識玩爛老豆啲唱頭~~!! 乜春都唔識既情況底下, 見到呢期好hit一隻黑膠超新手入門盤 - teac tn-300, 唱盤唱臂唱頭全包仲有USB錄音同mm phono, 價錢仲: {:6_134:}
http://www.price.com.hk/product.php?p=179961
等手頭鬆少少, 決定入門啦....{:6_128:}
一個箱 + 唱片水及擦 +洗唱頭水, 其實我乜都唔識, 買時淨係問sales佬有咩要用要買, 總之啲嘢用晒最入門就得
三千幾蚊嘢有2個箱仲包裝得幾好, 連箱7KG重
呢塊叫放喺金屬盤面既墊膠
有RCA線同USB線, 小弟無晒多餘RCA線, 所以用住佢先
有重鎚, 有唱頭, 有火牛, 有唱片鎮, 唔好理咩level, 總之要有既都比晒你
呢塊就係金屬轉盤
底部造工都唔錯, 喂, 都係嗰句, 3千幾蚊嘢真係交晒貨仔
下面仲有得微調轉速, 我望吓算
patpat有RCA out, phono eq就係build-in phono (for mm only), 我梗係戇啦. USB係比電腦錄音用, 不過無driver無software比, 即係要用返window usb錄音模式(咁即係算吧啦), 12V直流電入同開關
放上架既盤
送咗個audio technica唱頭, sales話呢個頭值3-4舊水啦, 又係嗰句, 3千幾蚊包羅萬有, 係咁啦
裝上唱頭都算易, 插入, 扭實
放上金屬轉盤
係用皮帶既, 要自己"了"條帶入去
放埋膠墊
呢個對於小弟就最難喇, 入隻重鎚上臂, 搞咗粒幾2粒鐘都唔知咩叫平水, 最後搞到個唱臂水平喇. 之後將重鎚刻度歸零, 然後轉到2.0位置(根據說明書講audio technica係2.0喎), 再搞返臂旁個刻度又係2.0
終於聽到有聲出~~!!
講真, 呢個超入門盤乜嘢都係超入門就無謂講咩聲感喇, 更加無謂同自己CAS/CD比較, 不過都叫做知道黑膠既自然聲音同順滑既感覺係乜, 對超級戇膠膠既小弟嚟講, 好開心架喇~~!! {:8_368:}
唔好叫小弟換乜換乜, 家下乜都係入門嘢(小弟都係), 等吓玩吓enjoy吓咩叫analog聲先~~!! {:8_400:}
多謝觀看~~!! {:8_387:}
小寶老豆 發表於 2015-2-2 10:51 static/image/common/back.gif
... 好多人硬膠左就不能自拔...只有不停奉獻...
睇你忍得幾耐.........
無錢咪有得忍囉~~!! {:9_436:}
講真, 我開呢個post唔係為咗比人話富貴(入門盤都叫富貴就幾痴筋).....{:8_384:}
最主要目的係想多啲人分享吓點樣黑膠入門, 因為我諗都可能會有師兄好似小弟咁, 屋企老人家有一堆黑膠碟, 但自己唔識又唔想拎去送去填海或SSP, 浪費咗一堆好碟真係心傷......{:6_128:}
但係小弟都曾經上網搵過文, 爬過吓都係見啲人分享吓幾萬一隻唱頭幾十萬一隻唱臂之類(AV展都係咁)......{:8_369:} 大佬搞到個入門檻咁高, 即係無錢就唔好掂黑膠啦, 一係就去HXV買隻唔知紙造既玩具玩啦.....{:6_194:}
小弟深信玩音響聽音樂純係個人喜好, 最重要係自我感覺良好, 唔係拎嚟同其他人比拼. 所以希望更加多既識玩膠既師兄可以多少少無私分享~~ {:6_190:}
講真, 唔同牌子既電源線都有人分享吓咩聲底, 但唔同牌子唱頭唔同牌子唱臂唔同牌子phono等等等等點夾, 除非你有幾十萬嚟玩, 入門器材真係無人理無人講架......{:8_395:} ykluk 發表於 2015-2-2 12:37 static/image/common/back.gif
"其實最好唔用唱針水&唱片水
就咁用絨擦&靜玩擦...擦吓隻碟就好"
唔使用靜電槍/靜電風扇
唔係話無用...只不過隻碟夠乾淨就已經好好
想好D...靜電擦可以選一D有地線連接就OK
唱片水/唱針水...化學野...有破壞無建設
唱針啫喱...係細細盒...可以放喺唱針下面
清潔唱針果陣...輕輕落針點吓就可以
千祈唔好成支唱針隊落去...亦唔建議常用...{:1_352:}
洗唱片嘅唱片水...同噴灑式唱片水唔同
不過...洗唱片就最好有吸嗦式洗碟機(效果比較乾爽)
玩膠膠可以好簡單...6-70年代D人無咁多設備咪又係咁玩
只不過...依家年代唔同...大家就覺得膠膠麻煩
跟住又唔知點解膠膠又變左高級象徵
其實玩具係比人玩...唔係玩具玩人
平常心一D啦...CAS / CD / 膠膠...都係要嚟聽歌啫...{:1_253:} 本帖最後由 ilavbnm 於 2015-2-4 14:21 編輯
ykluk 發表於 2015-2-3 10:04 static/image/common/back.gif
睇就睇咗, 大約都知你講緊邊一急嘢, 係咪消化到當然就係實踐時再望多幾次recall memory啦~~!! ...
如果問店員/唱盤用家/上網搜尋有關唱盤/唱臂調校
會發現好多名詞...最常見有以下幾個
VTA=Vertical Tracking Angle(垂直循跡角)
LTA=Lateral Tracking Angle(橫向循跡角)
VTF=Vertical Tracking Force / TF=Tracking Force(針壓)
ASF=Anti-Skating Force(抗滑)
Overhang=唱針超距
Azimuth=方位角
但係留意一下...其實其中大部分(紅字)都係講緊角度&距離...{:1_345:}
首先我講返之前我提過唱頭安裝要垂直唔好邊高邊低
哩樣就係Azimuth(方位角)
調校方法...搵一塊細細塊嘅鏡...放喺唱頭下面
然後從鏡中倒影可判斷唱頭是否垂直
我手上無鏡...攞個電話頂住先...{:1_352:}
我個唱頭...上半部銀色位置...其實只係安裝支架
下半部黑色部分先係唱頭...而兩者只係用膠水黐實
唔係講笑...Shure真係咁做...{:1_260:}
所以要留意嘅只係黑色部份
圖1...倒影中可以見到唱頭有輕微偏側
圖2...倒影中可以見到唱頭今次比較垂直
喱種做法...首先要支唱針本身都係無歪先比較準確
所以有人會裝埋唱針嚟調校(MC頭就一定連唱針)
因為真正要調校嘅係唱針角度
我就為免唔小心會傷到唱針...我只會先針連頭一齊目測一下
目測過覺得唱針OK...我就會拆左唱針...只裝唱頭
最後...裝好唱頭再裝埋唱針目測多一次就算
Overhang...意思係指唱針同轉盤軸芯嘅距離
將唱臂(裝左唱頭)向轉盤軸芯移動
會發覺唱針並唔會落喺轉盤軸芯上面
兩者之間嘅距離就係Overhang
簡單公式..."唱臂有效長度" 減 "唱臂軸芯至轉盤軸芯嘅距離"
至於每支唱臂有效長度...請參閱該唱臂相關說明書...{:1_253:}
不過...我通常都唔計...我讀得書少...識條鐵計咩...{:1_253:}
所以我都係用返跟盤嚟果張唱頭校正紙去裝就算
由於唱臂長度 & 唱頭校正紙果兩點都係固定嘅
所以...附合到唱頭校正紙上果兩點
Overhang應該都唔會相差太遠...懶...{:1_352:}
LTA...橫向循跡角
即係唱頭偏向左/偏向右嘅方向
但係一般只要跟足唱頭教正紙上刻度(橫直線/十字)去校好唱頭
應該唔會有太大偏向問題
錯誤示範...{:1_339:}
後加補充:
由於樓主同我個唱盤都係盤+臂配好出售
即係廠方已預先計好...唱臂有效長度/唱臂安裝距離位置等等
所以先可以用一張唱頭校正紙去調教Overhang + LTA
如果唱頭校正紙無格線的話(只有兩點)...LTA都係要自己調校
盤臂分開玩的話...就唔好靠一張紙校幾樣野
不過...盤臂分開玩...都係發燒友啦...應該唔使我多講啦...{:1_343:}
VTF / TF...針壓
哩樣野就唔難攪...因為通常唱臂都有晒刻度顯示
只要知道邊個鉈/邊個掣係用嚟調校就識玩啦(說明書幫到你)
唔識又無說明書點算
首先要知道支臂係"靜態平衡/動態平衡"
靜態平衡...即係尾鉈有刻度圈...而個刻度圈又可以獨立轉動果款
動態平衡...請睇返我之前貼嘅Rega臂嘅相啦...{:1_262:}
靜態平衡調校方法...將尾鉈轉到唱臂維持水平位置
然後將刻度圈歸零...跟住再轉個尾鉈...刻度圈所標示嘅數字就係針壓
動態平衡調校方法...同樣將尾鉈轉到唱臂維持水平位置
然後用唱臂旁邊有刻度嘅掣嚟調校
ASF...抗滑
由於唱臂向唱片內圈移動嘅時候...會產生向內移嘅慣性動力
抗滑就係要平衡返哩種動力
通常調到同針壓差唔多就ok
仔細嘅...就要自己慢慢聽聲收貨
至於唱盤水平/唱盤避震
唔講啦...唔明我都幫你唔到...{:1_262:}
其實攪得掂上面幾點...基本上可以話已經學左膠膠調校入門
至於其他要再細分/十分仔細嘅調校...我都無能為力
因為...我一直都講...玩具嚟啫...千祈唔好比佢玩返轉頭
所以...我只學左幾點我覺得重要嘅野就算...又係懶...{:1_253:}
要再深入研究/想成為大師...就要睇下有無高手願意出手啦...{:6_174:}
陸師兄，我又係呢個盤喎，你篇開箱文{:1_326:}
本來同色，可惜舖頭條友，俾錯紅色我，當日又又特別check, 返到屋企，咩配件都開晒出黎，最後拎個盤出黎，頂！紅色....喺費事pack返晒拎出去換時，唯有麻醉緊自己，紅色夠火熱啦 你竟然入件咁野...{:6_121:} andy7fai 發表於 2015-1-31 12:59 static/image/common/back.gif
陸師兄，我又係呢個盤喎，你篇開箱文
本來同色，可惜舖頭條友，俾錯紅色我，當日又又特別check,...
我以為得木, 黑同白, 乜原來仲有紅~~!! {:9_426:}
我見你已經咁快換phono, 我就咁玩住先喇, 慢慢先諗吓係咪真係要入門.....{:9_428:} ilavbnm 發表於 2015-1-31 12:59 static/image/common/back.gif
你竟然入件咁野...
你想話我cheap啫.....{:9_422:} ykluk 發表於 2015-1-31 13:13 static/image/common/back.gif
我以為得木, 黑同白, 乜原來仲有紅~~!!
我見你已經咁快換phono, 我就咁玩住先喇, 慢慢先諗吓 ...
身痕je, 無喇upgrade 喇叭嘅budget 俾呢兩個箱用晒，自動止痕 本帖最後由 ilavbnm 於 2015-1-31 13:24 編輯
ykluk 發表於 2015-1-31 13:13 static/image/common/back.gif
你想話我cheap啫.....
Technics...rega...pro-ject...{:8_390:}
teac...自己高興就ok啦...{:6_136:} 頂, 比你入左我個曾經目標添, 不過我諗唔掂個位擺佢{:9_440:}
睇過review 普遍都講呢部野抵玩, 你就好啦, 有膠玩{:6_139:} andy7fai 發表於 2015-1-31 13:19 static/image/common/back.gif
身痕je, 無喇upgrade 喇叭嘅budget 俾呢兩個箱用晒，自動止痕
玩膠真係一闊幾廿大.....所以我會忍忍忍忍忍忍忍忍忍忍忍忍忍忍忍忍忍忍~~!!! {:6_148:} ilavbnm 發表於 2015-1-31 13:22 static/image/common/back.gif
Technics...rega...pro-ject...
teac...自己高興就ok啦...
都話窮人恩物咯, 唔買明器唔係人呀~~~!!! {:6_124:}