《寄生獸》… J J 簡評 (含內容)
本帖最後由 alleelarry 於 2015-1-28 23:56 編輯知道又一套日漫改篇既電影，講真一D期望都無，加上漫畫睇左頭幾頁已經頂唔順放棄了，原因係原作者手畫實在唔係我杯茶，就算故事幾正都好都吸引唔到我睇落去，而今次點解又會一上畫就仆去睇，原因亦都好簡單就係76阿定既影評 (所以唔上76 review下真係會睇小好多正戲~~哈哈！唔係賣廣告呀~~XDDDD)，所以今次睇呢套戲純粹作為新戲咁睇，毫無原著既包袱。
先簡單講講睇完套戲我第一時間既舉動，就係唔理三八廿四，即刻走去巢本原著漫畫黎睇先，而家睇到第5話，暫時都覺得佢拍得幾忠於原著，當然當中既細節有些小改動，暫時覺得都改變不大，往後會唔會改動大D等我睇多小小本漫畫再詳談。今次我o係睇三級版本，雖然話就話III級，但對睇開喪C片既我黎講，D血把把聲咁流，D死人頭一槍就爆開，呢d血腥畫面真係濕濕碎，CG效果以日本片算係高水準，我收貨有突，差唔多兩個鐘無悶場，氣氛情節形造得好好，男主角o係學校勇救女主角果part睇到好緊張，加上佢出色既表現實在對套戲生色不小 (不過某d角度竟然有d似王祖藍~~XDDDD) ，由佢一開始發現隻手有異樣爻底到唔知點算，到佢最後親手解決佢老母 (其實軀體已經被外星虫虫侵佔) 既表現，感覺到佢既演譯係般若兩人，其他角色好似深津繪里，亦都係我好喜歡既演員，雖然呢集戲份唔算多，所以表現中規中矩，期待佢下集有更出色既表現。
出Credit 後記住留底，因為有下集續篇既預告片，非常期待4月25日既來臨。
Good Report!!
4月23號《復仇者聯盟2：奧創紀元》Avengers: Age of Ultron{:1_253:} 精彩報告 原著漫畫我超鐘意, 返睇左 10 次都有.
但係睇完套戲o既 trailer 反而唔係幾想入場..... D 選角唔係我杯茶..... 尤其係男主角..... bsky666 發表於 2015-1-26 21:14 static/image/common/back.gif
原著漫畫我超鐘意, 返睇左 10 次都有.
但係睇完套戲o既 trailer 反而唔係幾想入場..... D 選角唔係我杯茶.. ...
我係睇左戲再一口氣追哂全套漫畫 (雖然唔係正式.......方法....{:6_201:} )
男主角真係一幅欠打樣, 由之前初初被附身到後期同米奇逐漸有融合都係好想打佢一鑊{:6_199:}
漫畫版睇到第五期尾聲，可以再講多小小，大圍故事改動其實唔大，當中d人物及出場次序會執一執過位，整體真係改篇得幾好，如果因為選角唔吸引而放棄睇有d可惜，希望呢個禮拜KO埋套漫畫。
jayjay 發表於 2015-1-26 16:26 static/image/common/back.gif
Good Report!!
4月23號《復仇者聯盟2：奧創紀元》Avengers: Age of Ultron
《復仇者聯盟》一宜都沒興趣 <寄生獸>睇左兩次, 整體超正 !! 年度之選, 期望下集
頁:
[1]
2