求淺嘗毒品入坑
小弟本來想求求其其買個Cubox駁返落舊MD Deck做DAC出主動式喇叭起廳播歌。但睇睇下把心一橫，決定成套買。
今日上友誠行過下，因為之前見百記套Onkyo HT-S3700特價好平又去八過一下。上到友誠，埋去睇睇時同sales先生提起百記做特價部amp，竟被白鴿眼，之後都費事起嗰間試。雖然小弟確唔係預一橦樓個首期價去買嘢，不過都算係open budget。因為都未知自己要洗幾多錢會得到D乜，所以請各位師兄指點一下。另外又有好多迷思想師兄點一點通小弟。
去到另一層有位哥哥好友善同小弟解釋而家買中下價（佢厚道，其實我睇親都係下價）Stereo amp同AV amp其實表現差唔得幾遠，叫小弟可以買隻Marantz或Denon聽埋歌。
迷思1：小弟以前（大約10-15年前）買入門級聽歌，Int. Amp點都比AV Amp好。AV Amp一般都係粗聲。而家嘅AV Amp已經咁好？定係低價Int. Amp來來去去都係咁無乜進步？
哥仔話如果買AV Amp，Denon就好力水，Marantz就聽音樂好少少，不過其實都係差唔多。請問係唔係咁揀？小弟見而家好似已經無乜Marantz機。
迷思2：其實係唔係我睇嘅價位太低，真係無乜分別，又或者見小弟副窮酸相無乜好sell，所以叫我求其揀返套是但執幾舊commission？
喇叭方面，小弟見B&W CM-1都係八千幾一對，試聽過覺得算係唔覺，比較肥厚，但亦又唔會impressive。另外哥仔叫我試咗對Dali Lektor 1，聽落算係一般，不過四千幾一對算中規中矩，但低音收埋咗同埋高音標標地，樂器聲亂亂地。
其實有乜邊幾款入門喇叭小弟可以先試試睇下自己鍾意邊隻口味先呢？請各位師兄俾少少意見。另外介紹下有咩地方可以去聽一下，但唔希望白鴿眼。小弟唔名牌，唔金撈，玩音樂嘅錢都係應洗得洗嘅窮鬼。{:1_258:} 資料：
小弟個廳約170平方呎（方形舊樓廳）
小弟大學時代已有一套CA 640C＋CA 640A＋Wharfedale 8書架。坐低十年未著過，因為一段時間又買樓又結婚，無錢無時間掂唱響。返過舊時間房望過下套嘢，塵晒兼台Amp生晒銹（似係呀媽好心用清潔劑抹過），未知套嘢是死是活。 本帖最後由 terryc 於 2015-1-23 00:27 編輯
小弟估計樓主得對喇叭可以用得返～
而我覺得Int. Amp 唔會差過av amp 囉{:8_399:}
其實我都係窮新手入門，請多多指教{:8_387:} terryc 發表於 2015-1-23 00:24 static/image/common/back.gif
小弟估計樓主得對喇叭可以用得返～
而我覺得Int. Amp 唔會差過av amp 囉
師兄，你批器材都唔係真・窮新手可以擁有嘅⋯⋯咪玩小弟啦⋯⋯
對喇叭出到聲都唔奇，但膠圈好可能硬化晒⋯⋯所以今日出去都試埋喇叭。 ntony 發表於 2015-1-23 00:30 static/image/common/back.gif
師兄，你批器材都唔係真・窮新手可以擁有嘅⋯⋯咪玩小弟啦⋯⋯
對喇叭出到聲都唔奇，但膠圈好可能硬化晒 ...
小弟有能力洗鬼玩二手古董咩{:6_146:}
其實師兄唔需要太擔心對喇叭邊，除非你目視已經見倒有爛有烈……而怕佢老化戓硬化都等你煲返佢幾十個鐘先知～
除非師兄你有新目標啦{:8_390:} 本帖最後由 ADA 於 2015-1-23 09:08 編輯
師兄你套 CA640C+640A 絕對唔差得過今時今日的新機,
但配Wharfedale 8 就好像錯配了, 所以小弟覺得要換的就換喇叭啦.
ada 兄/姐， 點解錯配，謝
(Post76 Android 手機版送出) hq1 發表於 2015-1-23 12:30 static/image/common/back.gif
ada 兄/姐， 點解錯配，謝
(Post76 Android 手機版送出)
因為我以前有一對.
低音反應慢帶曚, 高音唔夠聽.
話時話, 樓主你平時聽開咩歌~~?? {:9_419:} ADA 發表於 2015-1-23 13:39 static/image/common/back.gif
因為我以前有一對.
低音反應慢帶曚, 高音唔夠聽.
認同。小弟以前都覺得有呢種情況。覺得隻Wharfedale唔易推得好，應該要隻更大力、風格爽猛嘅Amp去推。隻640A推出去好似唔多detail。
不過小弟唔打算拎返嚟用㗎，執好佢如果用得返留俾呀爸聽金曲。