《未來戰士 Terminator》系列4部曲"懷舊影評" 慢慢講~
小弟是個未來戰士fans, 當年仲係小學生時, 每逢小息時都同同學仔玩"角色扮演", 大家扮"中槍食子彈, 無事", 或是扮T-1000用手刀插人肚腩~ 仲有學o左幾句外語 "hasta la vista baby"見黎緊今年會有新的未來戰士電影上映, 所以借呢個機會將成個系列的故事/ 影評/ 分析都簡單介紹下, 等之前未睇過未來戰士的朋友, 如果想入場睇新作之前都可以加深了解~
電影前後有4集, 加埋仲有電視劇, 小說, 漫畫等. 但我只集中在介紹電影的故事, 電視劇由於同電影的timeline分別都幾大, 所以我就唔多提了. 而且我打字比較慢, 所以4集會分開4個post慢慢講~
由於每集故事都有提及"時空旅行", 所以唔多唔少都會有d矛盾位. 所以某d內部係我自己估計的.
今個post就由第一集講起:
Terminator, 港名: 未來戰士 (其實我喜歡呢個名多過台灣所譯的<魔鬼終結者>), 是1984年上映的, 當年我仲係一個BB, 所以睇o既時候已經是TBB明珠台重播唔知第幾次的時代.
故事一開始是講2029年的時代, 當時人類正在面臨被機械人消滅的危機. 控制機械人的是一個叫skynet的人工智能系統. 佢係美國軍方同cyberdyne systems 研究的國防系統, 佢會控制軍方的無人機進行任務等工作. 由於唔需要人的參與, 大大降低了由於"human error"而做成的影響, skynet的成績十分顯著. 在1997年8月29日, 佢突然變得有人性, 開始唔聽得指令, 而且更加認為所有人類都是威脅而需要消滅, 於是發射核彈, 最後令到多於30億人死於呢一次"核戰", 生還者稱呢一日做"Judgement Day". 雖然唔係所有人都死於judgement day, 不過生存的人其實面臨更大的威脅. 就係機械人的進迫. skynet利用人型機械人同埋飛機捉一d生還者來做苦工, 研究等, 最後更研究出一種同真人外表幾乎無分別的cyborg T-800來進行潛入同暗殺人類反抗軍的行動. T-800是一個由金屬骨架造成, 外圍由有機的"皮"包住的仿真人. 在外表上同真人幾乎分別唔出, 而且更會同真人一樣, 有汗, 口氣等. (電影中kyle有提及過T-600系列, 但由於表皮是膠做, 因此好易被人睇穿, 但T-800就好難分別得到) 去到大約2029年, 人類終於清除了skynet最後的防線, 勝利終於在望. 於是臨打敗的skynet決定利用時光機, 將一部T-800送返過去, 企圖藉著殺死人類反抗軍(resistance) 的領袖 John Connor的媽媽Sarah Connor, 令佢無法出生而改變歷史.當2029年的John Connor知道了之後, 都利用時光機將佢的戰友Kyle Reeves送回同一時空去保護佢媽媽.
轉眼我地去到1984年, 當時的 Sarah Connor是一個女侍應. 而且仲未懷有John BB. 有一日佢從新聞得知有2位跟佢同名同姓的人被殺害了, 於是佢開始擔心. 加上感覺有人正在跟蹤佢, 於是便報警求助. 差人叔叔叫佢去d比較多人的地方等候, 同時會派人去接佢. 可惜一個唔小心, 佢的位置被想追殺佢的 T-800(阿諾豬華生力啤) 知道, 於是前去殺佢. 去到Sarah所在的disco, 正當T-800用槍對準Sarah預備殺佢時, 突然有一個型男殺出, 佢就係John派來保護佢媽媽的Kyle, 仲同T-800互相駁火. 在一輪混戰之後, kyle同sarah成功逃脫. 當 kyle 同sarah講佢來的目的, 同埋點解sarah會被人追殺, 再加埋將來會發生的事, sarah一開始都唔相信. 其後T-800同kyle再次在街上追逐, 最後kyle撞車而被警方捉住, sarah都同時被送到警局協助調查. 但T-800就在混亂間消失了.
T-800的唯一目的就係要完成佢任務, 所以佢又點會咁易放棄? 因此佢再一次去到警局, 同警員駁火, 殺了唔少警員. 最後kyle同sarah再一次成功逃出. 之後kyle講出其實佢一直對sarah有意思, 大家經歷過幾次危機之後都情不自禁咁...做o左d成年人會做的野. (無錯, 佢就係將來的John Connor啦~) 之後在kyle的教導下學會了一些基本的製造武器的技巧, 仲有未來將會發生的事情等等.
本來佢地無咁易被T-800發現, 可惜sarah唔小心打了電話比佢家人報平安, 而T-800其實一早預計佢會咁做, 所以預先殺了佢家人仲扮埋佢地把聲. T-800去到kyle同sarah所在的motel之後又再一次展開追逐, 最後在公路上雙方撞車, kyle同sarah就只有用雙腳跑了, 不過T-800就搵到架貨車追佢地. Kyle利用手中的炸藥令到T-800的貨車爆炸. 正當sarah同kyle以為已經消滅了T-800之際, 原來T-800佢仲未死! 由於表面的人造皮已經被燒掉, 因此T-800只剩下了內部的金屬骨架. 大家又再一次追逐. 最後kyle同sarah走入了一間工廠, 在反抗T-800的途中, kyle不幸地戰死了, 但到最後, sarah都利用油壓機壓毀了得返"半條人命" (因為佢下半身被炸散了~)的T-800而終於獲救. 生存下來的sarah最後就走去墨西哥邊境, 去搵一d對軍備有研究的人, 預備將來教育佢個仔成為人類的領袖.
個人影評:故事內容上其實唔算太複雜, 基本上都係A方追殺B方, B方不斷逃走等等. 不過有幾點值得研究就係當中由時空旅行所產生的"time paradox" (時空悖論). 因為未來的人類領袖John Connor原來是由kyle同sarah所生的, 即係如果skynet唔派T-800返去殺sarah, john就唔會派kyle去保護sarah. 如果kyle無回到過去, sarah就唔會生到John出來了. 就無人對抗到skynet. 但係另一點就係, 在第一集中其實最尾仲有一段deleted scene, 是講cyberdyne system的工程人員在被壓扁的T-800中起出的一塊受損了的晶片同埋T-800的手臂. 塊晶片就係比cyberdyne的工程師利用reverse engineering而研發出來的"skynet"了. 即係如果skynet唔派T-800回到1984年, skynet都無可能被研究出來. (等於自己老豆原來係自己回到過去所生? 咁本身自己又點黎?) 但如果skynet要派T-800回去先可以"出世", 咁即係佢同時又會令到john出現, 而最終被佢打敗, 即係無論點skynet佢都會輸了~ (好明顯連超級電腦都計唔掂time travelling的可能性而做o左錯誤決定哈哈~ 都可能因為咁先有第2集都唔定~)
另外有人會問, 咁唔殺sarah, 殺sarah的媽媽甚至佢的祖先又得唔得? 當然現實中無人試過所以無一定的答案, 不過我自己的想法就係, 如果當時間係一條河流, 原本是由A點流去B點. 如果你想改變流向的方向, 最好就係在B點附近作修改. 如果太早就修改, 咁條河就有足夠的距離去修正而流回返去B點. 所以如果太早殺死john的祖先, 就有可能令時間線有足夠的buffer做回修正了.
James Cameron講過故事的創作係因為有一次佢出trip時由於病得好勁, 在酒店休息時, 迷迷糊糊之間腦海中就出現了半人半機械的畫面. 最後成為terminator呢個故事. 另外當時搵阿諾拍呢套電影時, 原本是想佢做kyle reeves呢個角色的. 不過阿諾睇完劇本反而更加想做terminator (想當年一個演員如果做開正派的話, 會好少可做反派的) 於是劇本作了些許修改, 加重了阿諾的戲份. 當然呢一個決定都令阿諾 T-800形象深入民心好多年, 30年之後已經成為"T-伯伯"的佢又再次扮成T-800了~
(印象中阿諾做反派除了第一集的T-800外就係batman and robin的mr. freeze)
有時間再寫埋第2集先~
本帖最後由 gashapon 於 2015-1-23 00:13 編輯
未來戰士第2集是1991年上映的, 故事時間上也是發生在T1之後的1995年. 上次skynet派出大隻佬T-800追殺sarah唔成功. 於是再次派出另一機械殺手, 今次唔追殺sarah, 而係已經10歲的John Connor. 未來的"45歲John"知道細個的佢會被追殺, 於是都派人去保護10歲的佢. 至於佢媽媽就因為企圖炸毀電腦廠而被捕, 因此John寄養在養父母家中.
新的一集當然都有新的terminator啦~ 阿諾今集做返好人, 再次成為T-800不過今次唔係去殺John而係保護佢. 而skynet就派出了試驗型T-1000行動. T-1000比T-800更先進. 首先佢係由"液態金屬"而成, 可以隨意改變形象, 面貌等. 當然太複雜的結構就做唔到, 所以一般來說都係變成"手刀"作基本的攻擊.
T-1000同T-800同時在商場內見到John, 雙方一輪混戰之下John借機逃走. 之後就係一輪貨車vs電單車的追逐場面. (仲有我好喜歡的chok槍動作~) 最後T-800射爆T-1000的貨車令佢發生大爆炸. 心水清的人可能會知道呢幕同T1最尾T-800的貨車爆炸有點相似. 不過分別就係T-1000咩事都無打返出黎, 而無被燒淨排"骨".
其後T-800向John解釋成件事, 最後John命令T-800陪佢去救關在精神病院的Sarah. 當然T-1000都計算到呢一下, 所以雙方第2次相見時就再次打上黎了.
逃離精神病院之後, 佢地一班人去到接近邊境的地方, 原來是sarah的"戰友" (佢學會軍事知識的地方) 攞o左一批軍火之後, sarah就自己一個走o左去想殺死研究skynet的主管Dyson. 由於Dyson命不該絕, 又或是sarah槍法太屎了, 一輪掃射Dyson都死唔去, 最後只傷了膊頭~ 還好John同T-800趕到, 最後從Dyson口中得知佢係在T1的T-800"屍體"上的chip利用reverse engineering去開發skynet的. 如果要改變歷史(即skynet不會出現), 咁就要消毀公司所有的資料了.
大家去到Cyberdyne, 開始消毀資料的行動, 但不幸地驚動了警察, 更引來T-1000的再次追殺. 雙方最後去到一個鋼鐵廠. 雙方激戰之下, T-1000令到T-800嚴重受損而關機. 之後T-800成功利用後備系統再次"活起來". 最後更突擊成功, 將T-1000炸o左落熔化金屬(雖然睇上黎似加o左橙色燈的水~), 成功消滅了T-1000. John將chip同T-800手臂掉落堆熔化金屬破壞佢. 正當sarah同john以為已經完成任務時, T-800卻對佢地講仲有一塊chip要破壞(指佢腦中的chip) 由於佢唔可以先毀, 因此sarah最終只好將佢慢慢送落熔化金屬內. sarah最後講: 如果連機構人都了解到生命的意義, 可能人類都可以.
個人影評: 第2集故事同上集可以說是同一條formula, 不過在特技, CGI上就加強了好多. 另外在director's cut內, 有一幕有講到T-800教John點樣開佢腦攞塊chip出來, 由"read only"改成 "可以學習新野. 另外仲有一個不同版本的結局, 講sarah已經去到老年, 佢坐在椅子上睇住其他人, 心在想, 佢地成功令skynet無法出現而唔會出現judgement day了.T2是成個系列中我最喜歡的一集. 因為T1人vs機械始終無乜得打, 成集只係人呢方不停的走佬. 而T2就多o左2部terminator互相打鬥, 感覺精彩d~ 不過有時會咁想:" 未來的skynet其實一派terminator回到過去之後, 其實應該馬上知道成唔成功 (因為skynet已經是2029年, 而1985/ 1995的事情對skynet來說已經早就發生了) 唔通因為咁而馬上補多一個? 另外時光機會唔會有限制, 例如第一次送去1984年, 第2次就只可以去1984年之後的時空? 又或者skynet可唔可以send一team T-800去殺sarah/john咪得lor?做咩一定只派一個人? skynet又唔洗計budget做人~
T-1000的設計對於當時仲係細路的我感覺好新奇, 所以一直以為T-1000都係我"10大最強奸角"好前的位置. 當然更會同同學討論, 每次射斷T-1000身體一部份之後就搵個膠箱入住佢, 等T-1000吸收唔返而"陰乾"佢~
留位 T3 rise of the machines~ 留位 Terminator 2018 salvation~ Good Good 未來戰士第一集超正
好合理咁拍出個反派前期點打都唔死{:1_253:} 粗人敵卡 發表於 2015-1-19 21:28 static/image/common/back.gif
未來戰士第一集超正
好合理咁拍出個反派前期點打都唔死
其實集集個反派都係打不死哈哈~ 我自己就最喜歡T-1000~ 不過睇小說原來佢地無chip, 所以可以唔聽從skynet指揮, 由於無full control, 加上好難量產所以skynet只造了10部左右就停產了. 而且T-1000本身係抵擋唔到T-X的"plasma死光"的~ 好明顯連超級電腦都計唔掂time travelling的可能性而做o左錯誤決定哈哈~ 都可能因為咁先有第2集都唔定~
比個like呢句. {:6_193:} {:6_178:}{:6_139:}