中古 X 古董 — Gears of War 限量珍藏版 出土小報告
身為Gears of War的粉絲，我同好多同路人一樣未見其game已經先買其機了。XBOX ONE入手四個月，所有的遊戲其實都係今年的小小前菜而已。除咗HALO 5之外，Gears of War的高清重製版據聞都係2015年面世。其實齋係前者一隻就已經夠我玩好耐，但好事成雙嘅野邊個會拒絕呢?
入返正題，早兩年本人入咗一隻Gears 1的PC版一完未玩過"巨龍獸戰役"的夢想，玩完之後未幾心中又吐出遺憾 — "X360的限量珍藏版" 。
不得不承認Gears這個系列在香港比起XBOX鎮山之寶Halo要受歡迎的多，當HALO3鐵盒版仲有全新品的時候，我想要的就反轉全港都唔見有，當中部份二手貨的賣相如十手貨無異，前路一偏黑暗。
幾近絕望之際，上星期行信和，途經一間細鋪見到有兩大盒中古鐵盒放在display，一盒就係上面所提到的經典蟹貨HALO3鐵盒版，另一盒就係我夢寐以求的心頭好 — 包裝極為搶眼的Gears 1鐵盒限定版。經過即場檢查之後發現該中古品的質素算得上十分高，外盒除咗一啲正常的歷史痕跡之外都冇明顯花痕，盒內大小配件一家齊齊整整的。再加上半百價錢，正所謂心動不如行動，哩個開箱文就係是次行動的結局。
正面加背面。如圖所見，上一手保存得其實還可以的，應該都係該系列的愛好者。之所以會低價出讓相信同轉會有關。
盒內環境
相對於包裝，光碟就keep得一般喇。遊戲碟好似沖過諒咁，連梘都未沖幹靜。好彩我嘅目標 — 製作特輯DVD碟面仲屬於可以照到鏡的級數。
珍藏版的重中之重，數十頁的設定集，入面有concept art及有關Gears世界觀的描寫。
最後補一補DVD的截圖，因為內容太多不能盡錄。何況未有時間睇。
最後最後補一張PC&X360珍藏版的合照，下次希望買埋HD合集及新作黎個五代同堂。
頁:
[1]