半價的 ~ 一壽司
小瑟同小肥都係幾鐘意食壽司既人, 不過我地一路都係撐元氣既, 而小肥就更加係元氣 FANS, 食親都例必係元氣既, 雖然佢依家款小價錢又唔係平, 不過每二年既會員 RENEW勁食, 佢都一定做足 QUOTA交哂功課既........咁點解呢日我地會走去食一壽司呢?? 原因就係佢10:00後既半價優惠, 我地約埋老友係圓方六睇完戲就飛的過黎, 30蚊的之後9:30左右去到金馬倫道呢間一壽司, 不過已經排隊排到轉入後巷........
而其間都有比紙我地預先點定食咩......小瑟都好多年冇咁等過食野, 事關一要排隊我例必走人既, 不過今日老友叫到, 唯有乖乖等位.
終於到 10:05分左右, 好快就可以有位入去, 好彩......
之後勁叫野食......唔理3 7 廿一, 叫哂想食既野先!!!
呢個的確好食, 夠哂啖啖肉!!
刺身都幾好, 事關D三文魚刺身如果唔夠厚, 就唔夠"豬匙", 三文魚刺身要夠厚先好食....不過講厚, 真係冇人夠以前灣仔"元神"果間野厚......起碼要食三啖先可以食哂.
曼魚壽司, 又係玩長......同SSP果間一樣.....
呢個黎多左一碟, 其實冇味同唔好食, 仲要埋單先知原來咁貴, 成 70蚊一碟(正價), 早知就話佢比錯左!!!
之後整個手卷先.
老友M話要飲埋"殺茄"先有風味........
最後就黎埋個和牛壽司, 反正未試過, 就一生人點都豪一次啦.....點知....冇味, 冇感覺, 冇野落肚咁......都唔知和左去邊.........唉!!!
總結, 好彩係半價, 如果正價我會想死, 因為呢單野咁樣我地都食左 $5XX(4個人), 如果正價呢餐就 此1XXX架勒, 所以唔係半價, 我係絕對唔會去食, 不過佢D刺食都幾好食, 如果有時間, 一試都冇防呢!!!!{:1_253:}
{:1_254:} 報告完畢!!! good report{:6_193:}
下次行前D去政壽司 好吸引, 不過我都係好怕要等.. {:6_157:}{:6_157:} 排餐死、咪攪我，無耐性等。 我都唔多鍾意食嘢要排隊,好洩氣......{:6_150:} good report{:6_193:}
下次行前D去政壽司
雷因 發表於 2009-9-23 16:03 http://www.post76.com/discuss/images/common/back.gif
正壽司好嗎?? 我見佢都係半價呀!! 不過就冇咁多人排隊~~~ 10點後好去處! {:6_193:} 排餐死、咪攪我，無耐性等。
aegysd 發表於 2009-9-23 18:15 http://www.post76.com/discuss/images/common/back.gif
o米就係 始終都係峰壽司最好
頁:
[1]
2