《救參96小時 3 》…… J J小評 (含內容)
本帖最後由 alleelarry 於 2015-1-2 20:17 編輯https://fbcdn-sphotos-d-a.akamaihd.net/hphotos-ak-xpf1/v/t1.0-9/s526x395/10847766_1035207183172352_2200559136145717152_n.jpg?oh=85e8c1ace0f73a30a90dfacf9f13f85e&oe=5536669F&__gda__=1429379380_2ed688a19c247aafc6c21aec3c0a26f4
救參96小時終於黎到第三集，呢個系列始終都打破唔到續集既宿命，我只可以講一集比一集差，救參之所以成功，除左劇情緊湊節奏爽快外，父親為救妻女不惜一切，話之你大賊又好，差人又好，正所謂遇神殺神，遇佛殺佛天王都無面比，加上一班退休猛人做back up幫男主角拖，造就成第一集既成功。第二集雖然有d跌Watt，但都叫做貫徹救人行動，係就係尾段略較重覆，但整體可觀性都算不俗。
到第三集黎個大變身，講真有變化係好事，一開始就變左猜猜誰是凶手，男主角嵌入殺妻成為頭號通輯犯，去到呢度相信都估到男主角係被老屈啦，ok~~fine有變化係好事。到目前為止初段都尚算緊張，起碼覺得男主角四面受敵，就睇下佢點樣拆解。套戲最敗筆我覺得就係奸角設定，一路睇都諗住都係上集個final boss個唔知第幾個仔設局屈佢，再殺佢老婆幫老豆報仇，之後咪講捉左個囡引個男主角出黎激戰，咁咪合乎晒救參囉。點鬼之呢集竟然殺出個而家個老公至係大奸角，因做d黑市生意爭人好多錢，搞到要佈局搵人隊淋老婆再老屈男主角呃保險金，順便誤導男主角剷除埋個假大佬底衭男，睇到呢刻真係O晒咀。而男主角同個黑人警長講句Good Luck~~太過刻意有點兒造作啦。
男主角已經到花甲之年，動作場面替身就預左，但初段被警察追逐既場面都唔使轉得咁緊要丫，睇到眼都花。另外話就話原班人馬，但無記錯之前做佢老婆個有錢老公應該換左男演員，另外個女個男朋友都換左角，雖然影響唔大，但始終覺得有點不太連戲。而黑人警長相信係想做到同男主角惺惺相惜，識英雄重英雄果隻，但出黎效果完全係你個仆街殺人走路追你九條街，知就知你勁架啦，但我點都會捉到你架，最後黑人警長交代話個餅仲暖我就開始估你唔係凶手架啦，屌~~~~咁好心你就咪追到咁緊啦，好似殺左果個係你老婆仔女咁！真係激死。
總結：唔係救參fans，建議等出碟租黎睇o下算勒，如果你係救參死硬派，快d去睇啦！因為有變化其實真係好事黎架！XDDDDD
Then...may not go to watch... ltho5c 發表於 2015-1-2 12:16 static/image/common/back.gif
Then...may not go to watch...
睇戲既野好個人既，同埋有d野叫唔瀨過野又點知叫瀨野呢，仲有睇完齊齊上黎彈下吹下水都係一種另類樂趣嘛！{:6_176:} lkljason 發表於 2015-1-2 12:18 static/image/common/back.gif
睇戲既野好個人既，同埋有d野叫唔瀨過野又點知叫瀨野呢，仲有睇完齊齊上黎彈下吹下水都係一種另類樂趣嘛 ...
同意，所以爛片大多也看到尾（天機係唯一例外）！
(Post76 Android 手機版送出) 最差今集,冇晒特色
頁:
[1]