《屍城》…J J簡評 (含內容)
本帖最後由 alleelarry 於 2015-1-2 01:19 編輯錢人豪導演之前領教過佢套棄城108，因為網上集資關系o係資金不足底下，所以出黎無論劇情、卡士甚至化妝特技，整體都係似實驗電影居多，所以唔足以判佢”死刑” 。而今次屍城，卡士都算不俗，加上喪屍題材，無理由唔比多次機會佢架，係咪？
喪屍為題材既電影其實不外乎幾度板斧，未感染前交代各個人物出場描寫關系....等等，之後病毒爆發各人點樣被襲，之後男女主角點樣排除萬難逃生，但呢次錢導演仲向埋Walking Dead “致敬” ，人性醜惡比喪屍更甚，溫純教師無厘頭因女兒被殺怪罪所有人已經好市長feel喎，之後再做埋大佬操控所有人類感覺只有一個~~~咁無厘頭既，好似乜都無交代喎。飛虎王敏德化身做緝毒隊長又係一個仆街，想像唔到點解佢會接套咁既破壞形像既戲。其實成套戲最敗筆就係故事無重心，講東講西描寫各人物又唔夠深，所以睇完套戲感覺除左係JC外，無錯，套戲唯一賣點相信係Jessica C既” 演出” ，佢d演技就無謂深究，但相信會滿足到JC既fans。
總結：唔知係咪因為今次有老細投資，感覺上玩得唔夠上個作品盡，cult片feel略欠，血腥同色情睇過前作應該都預左。唯一有點，拿~~~真係一點兒喜出望外就係睇Trailer時，d喪屍化妝造型都幾流下，但實際套戲裡面d喪屍化妝，以台灣同香港d喪屍片比較，都算數一數二，不過人物描寫空洞，劇情又膠膠地，所以除左JC同喪C fans外，個人唔多推介比朋友勒！
我嗰陣都有入戲院睇
我嘅結論係：袁嘉敏同Jessica C都好正{:1_344:} 的確好無厘頭. 後半部好夾硬, 只係為拍夠時間.
頁:
[1]