2014秋季日劇總結
本帖最後由 lkljason 於 2014-12-22 11:47 編輯好耐未試過一季內追咁多套日劇，暫時除左信長未完外，其他果三套都完左，黎個小總結：
今天不上班 - 睇佢係因為餓左綾妹拍愛情片既戲好耐，加上漫畫改篇，又有俊男美女，當中情節可能略帶婆媽，但綾妹既傻更更演譯加分不小，好此道者應該會收貨，有時間都想睇下佢個漫畫版睇下佢改得厲唔厲害，有睇過既朋友可以單聲。
Taxi - 預計麻麻地，所以諗住睇下第一集就算，點知唔睇尤自可，一睇就停唔到，類似人生交差點加回到未來，故事雖然係單完，但當中情節人物又有d關系，加上套戲裡面d女主角show far都唔錯，而竹野搞笑亦都有一手，結尾亦有d驚喜，原來竹野係頂更，真正既的士司機係..........好耐未試過睇套戲有驚喜，我個人推介。
Doctor X 3 -黎到第三季，講真第一季睇完唔錯，第二季睇左頭兩集覺得太重覆stop左，到第三集見佢收視都keep到，加上睇開日劇既引會順延，所以亦都煲埋佢，呢集基本上所有疑團差唔多解晒，結尾果兩集亦都係最好睇，相信呢季應該真係完勒，好慶幸無放棄呢季既Doctor X，阿晶叔真係好戲呀！
信長 - 雖然未到結局，但劇情已經進入白熱化階段，整體唔算有驚喜，但追看性不俗，唔好深究佢死靚仔點解返到戰國會忽然勁抽，好運既野我地呢d凡夫識條鐵咩~~XDDDD，但求有感動位又幾緊張，加上柴妹雖然戲份唔多，但都算做到果種含羞得黎有帶點d愛慕既演譯，同埋我覺得佢同小粟旬都算有火花，我個人就收晒貨勒。
題外話：而家部車既唱機同Iphone，都不停Loop緊呢四套劇既主題曲，好洗腦呀~~XDDDD！
最後亦都要好多謝CCTVB，如果唔係佢d劇咁廢，我都唔可能騰空到部電視黎煲日劇呀！~~~多謝樂小姐！XDDDDDD 多謝樂小姐{:1_352:} 返八十年代买日剧充戚无线电波 哈哈~~~果時睇同一屋簷下或者LV, LG...等等，真係一出就飛撲落信和買vcd架！XDDDD 点止～信和仲有隔晚日剧，日本音乐节目VHS一餅一旧
同场空运3寸single，什志件件一百几十，入一入去荷包出血程度嚴重过去砵兰街{:6_136:} 我都睇左TAXI...DoctorＸ...地獄老師...{:6_177:}
頁:
[1]