ToySoul 2014 ..... J J簡介
襯尋日有d時間，last day去九展Toy Soul 逛逛，其實之前都係15,16去唔去，咁岩舅仔o係 hot toy抽到個黑兵同Ironman個hot rod限量版要去裸貨，因利成便就 join 埋去襯下熱鬧，順便睇下 Playstation 有無平野執。去到真係嚇左一跳，乜最後一日都咁虛撼呀，睇真d原來咁岩同人誌都有event o係果度搞，D Cosplayer 多過黎睇展覽既人，進佔晒成個九展各層位置，都叫做有幸見識到香港既Cosplayer，其實講真都幾Pro，但礙於自己年紀唔輕，自問唔多好意思走埋幫佢地影相，唯有將畫面收藏係心底裡面啦！XDDDDDDD講返會場裡面，其實都比兩大陣營Hot Toy同Playstation 頭尾搶晒鏡，其他既booth相對遜色，無玩開 Figure既我，都係係咁二睇下d Figure幾咁detail，係咁二睇下囡囡高唔高質數，係咁二踩幾個圈影下相就算勒 (其實真係唔算大，如果唔detail逐個逐個Figure睇，一個鐘真係乜都行完)。去到Playstation陣營，講真都幾失望，試玩PS4新Game區，我3點幾到，裸籌要排到5點 (尋日6點結束)，自問就無咁神心等勒，而其他位置都係PS3同Vita試玩舊game區，吸引力欠奉，而銷售區可能係last day，基本上大部份同捆版全部sold out，特價PS3, vita game都有d，由38 -88 都有，不過自問買左都未必會開黎玩，所以都係做慳d啦baby好過，game list相就無影到，憑記憶記得有以下：小小小星球賽車、Sony果隻Golf、God of war1,2.....等等！另外見到台上有Street Fighter對打，由達哥 (其實我唔認識佢，都係聽講打街霸好勁既gamer) 同有個女仔對打，講真悶過o係機鋪睇人打，因為個女仔連波都唔識出，你話有乜好睇丫！最後有幸見到Playstation 吉祥物Toro貓貓同殭屍既錢小豪，後者係o係一個booth聽緊個負責人介紹吳耀漢殭屍個Figure佢睇，我就梗係唔迫埋去啦！
其實今次o係我首次去呢d toy show，動漫展自從Playstation進注後都好小入去迫，今次之行好彩係叫做有d目的，如果唔係都真係幾無謂，唯一有d安慰係意外見識到 Cosplay 既玩家，有d扮相造型真係唔錯 (註：唔係o係toy soul裡面架)，當然有d蕃薯扮公主都為數不小，不過我相信日本都有呢d情況發生 ~~XDDDD，最後期望香港會搞多d更大型既game show，當然最好有埋其他game廠，一齊黎搞旺香港既電玩業啊！
投訴, 我要多D MODEL相~~~{:6_176:} 會展? 應該係九展!!!! 一個唔錯的玩具展~~ {:6_193:}{:6_193:} 隻肥ironman好正 想問下，星戰果隻黑兵可以在那買到 好吸引。{:6_193:} 星戰黑兵應該係限量要抽的，不過聽講炒價都係一般 小瑟 發表於 2014-12-23 11:28 static/image/common/back.gif
投訴, 我要多D MODEL相~~~
無啦！賤晒能力架啦！{:6_176:}
頁:
[1]
2