突然家訪鳥-PAC爺的地盒，補品和鴨毛啊！
話說PAC大爺係呢度一段日子，毒人無數，小弟都一直想拜訪一下領教領教咁尋日係呢度傾開計佢無啦啦同我講，今晚有人上嚟，你唔怕死就過埋嚟啦！！！好，我地啲師兄弟上得76，豈有怕死之理﹖
咁我就去咗黃大仙跟佢車去佢屋企
嘩，PAC一架黃色跑車，車如其人，型爆呀！{:6_157:}
上到去佢簡單地介紹咗佢既系統，呢度我不作詳細講解，詳情請參閱其他師兄既家訪文
我亦請教咗佢小弟比較關心既LPS呀LAN線呀嗰啲CAS補品，嘩！cubox又LPS，NAS都LPS咁買晒的話好大投資喎！咩話，fiber converter入同出都要AQ Diamond﹖暈了{:6_168:}
地盒係佢既系統上係有聽得出既分別既，都係嗰的分離度呀，密度呀既增長
佢亦示範咗話題之作PAC Jumper１２３號既分別，１號啲嘢會推後晒啲嘢離身派空間感派最啱，３號係最埋身最威猛，聽打鼓最勁，咁其實每條係有進步而係唔同方向既進步，要睇口味同系統配搭而定
鴨毛ＡＶ呢，我啲嘢係小學雞級，聽到呢啲直情嚇死我啦！ＤＤ１５加安橋前Lexicon後喎！包圍感呀，密度，連貫性呀，原來地盒對ＡＶ都咁有效，畫面都光咗少咗毛燥（好似用咗銀線咁）
不過小弟一來無位玩，二來無位擺，都應該唔會玩鴨毛
當然，地盒係有幫助，但係會唔會用完變咗一套超級系統﹖絕對唔會 (PAC兄請勿介意，小弟只實話實說而已)
一套系統好聲與否有好多其他因素，例如電源呀震動處理之類當然有其他，如果我話你知一個地盒可以蓋過每一方面既不足咁我都係呃鬼你架啦
但係就算你咩都未搞，我相信地盒都會有正面既幫助，我亦唔相信會有人鍾意聽多啲noise既，至於在某一系統上有多少幫助，值唔值回票價就見人見智。但平心而論，如果你連我頭先講既＂其他因素＂都未搞的話，我會建議你地向嗰個方向發展咗先因為個成本效益會較高
利申，我並無持有PAC任何產品，將來會唔會同佢買任何嘢亦係未知數，只係將我既感受寫出，報告完畢 多謝光臨寒舍{:6_182:} 中肯報導 聽得出分別吾係好事,
中毒的先兆! {:8_402:} edison133 發表於 2014-12-4 16:35 static/image/common/back.gif
聽得出分別吾係好事,
中毒的先兆!
{:6_138:} 咁又唔係啲咩分身家既玩意，如果俾個十皮富貴地盒我聽我寧願唔知好過知lu
不過講句老實說話，個盒無我想像中咁毒，而係pac屋企亦唔係一插上天堂之物，我比較欣賞既係各有特色既jumper可以輕易調校唔同既音色咁就唔洗下下都洗幾千幾萬去改嗰少少不足
而且我自己都有玩地盒一段時間，對我嚟講都唔係啲咩新玩具
如果我尋日真係嘩一聲的話我已經問咗佢"幾錢﹖攞你嚿返去玩得唔得﹖"
不過如果下次佢嚟俾我夾我套嘢時我先會再作定論，係第二度幾好聲都無用配件一定要合自己用先啱 係第二度幾好聲都無用配件一定要合自己用先啱{:6_193:}
頁:
[1]