WallerHomie 發表於 2014-12-3 00:29 static/image/common/back.gif
主觀下5個「廣東歌已死」既原因：
1. 廣東歌市場萎縮，聽眾口味早已改變，日韓流行樂強佔亞洲音樂市場一席 ...
幾時再興起番{:1_260:}
我都係聽開陳慧嫻、譚詠倫嗰 d。但係我又唔覺得近年廣東歌真係咁不濟，王菀之、張敬軒都十分不錯的。
我覺得最主要係香港人既欣賞能力下降，咁俾屎你都食得津津有味，我做咩要俾飽魚你食？唱片公司真係冇必要做好好既音樂。好音樂基本上係靠音樂人自己既要求。自己有要求又要同現實妥協。
我反而覺得，科技進步令音樂質素下降。Melody 未得，靠特效，靠配樂，落足味精搞掂。詞未得，煽情 d，深奧 d，夾硬填。唱未得，逐句錄，逐隻字執到得。80 90 年代既歌係好單純，就好似青紅蘿蔔瘦肉湯；而家既歌係好多野，就好似麥記超級隊長包。
講真 我覺得有幾個理由令廣東歌沒落
1. 即食文化: 黎天王開始到伊面; 玉女敏到TWINS. 令到各大唱片公司發現, 其實唔駛識唱歌, 只要外表殺食就可以賣碟 (雖然我係GIGI FANS 但都要講), 咁仲有咩人去陪訓新人 同去吸一班忠實歌迷. (校長, 劉華, 學友 D FANS到宜家都仲好忠心)
2. K歌文化: 自從卡拉OK流行左後, D歌就要求易唱易上口又可以叫, 令到歌曲變化小, 來來去去都係果D歌...........
3. 下載文化: 我真係試過同朋友行CD鋪買碟, 佢一句飛埋黎"上網DOWNLOAD咪得囉"
4. 歌手 歌曲: 先兩日因為全家打牌睇東華, 開頭唱嘅居然係80年代舊歌, 但唱到勁難聽. 到尾段有幾個唱番自已歌, 有D唱到劏豬咁 有D唱到好似讀書咁, E個唔係只係歌手問題 歌曲亦有問題 (唱得最好係吳若希 起馬似唱緊歌)
個人討厭
悲情歌文化: 日日夜夜都喊苦喊忽 聽到心情好都變差啦
精選碟文化: 我唔知幾時開始香港唱片公司好中意出新曲加精選, 我個人覺得好討厭, 如果我係支持開果個歌手 我本身已經齊歌 我真係覺得好搵笨, 唔夠歌咪出EP 再唔係就出SINGLE(90年代有出過唔小EP, 先兩年那誰出過SINGLE) 精選碟幾年出一隻就得 比D非FANS去買就得
PACKAGING: D碟SIZE好多時都放唔入櫃 好難收藏
至於日韓風潮, 好大程度係因為自己不濟先比外人入侵.
另外想問大長老, 想問日本係咪好小人DOWNLOAD老番?
廣東歌已死,不過唔聽冇損失兼唔駛死!
(Post76 Android 手機版送出)
{:1_336:}我覺得最難頂既係90年代尾英皇果班唔識唱歌果班所謂歌手.
果段時間亞豬亞狗求其出得聲既都可以出碟既後遺症. 未就係攪到呢家咁囉.
嗰班跟本唔係做音樂，全部為做代言人，拍戲，揾快錢。
最慘係嗰時開始聽廣東歌嘅後生好多都接受哂。
1只CD19件赠品，真系抵过入七仔{:1_352:}
有個當今唱唔少大台劇主題曲嘅女歌手係FB話曲奇阿姐係佢由細到大嘅女神，唱歌好有感情{:1_255:}
唔怪得佢自己次次唱現場又走音又無一個音準啦！
咁落去廣東歌點會唔死！
再聽埋“賣飛佛”同“幸移”唱播緊嗰套飲醋劇隻主題曲，廣東歌真係安息啦{:6_186:} {:6_192:}
本帖最後由 victor_wong 於 2014-12-9 07:24 編輯
我就比較簡單，我只是唔想聽太多電腦編排的音樂，感覺上好懶惰，即歌手可能唱一段唔夠氣或走音，就咁執走嗰段，補唱返嗰段，點解唔一氣呵成，唔得，就應該要全首歌再錄過。
最重要的是，樂器就用樂器，唔好用電腦彈出來，古琴，口琴，木結他都要真人彈出來，唔好電腦怪聲嚟搞搞震。
提攜多 D 有潛質的新人，要有潛質的，不是得個樣的，幕後也要有新血，不可以來來去嗰幾個。
(Post76 Android 手機版送出)
我真係睇唔到過多十至二十年後, 宜家呢一代D新歌會有復刻嘅價值
