本帖最後由 @肥狗仔@ 於 2014-12-4 13:07 編輯
kl122002 發表於 2014-12-4 08:18 static/image/common/back.gif
雖說黑5可能是世界最平的日子, 不過我想再望望今個聖誕日,. cyberMon 好似無咩特色, 不似之前的黑5有後續的 ...
唔能夠搵PC同console比的。兩個平台的營運模式唔一樣。
家用機新舊機交接，就算SONY同MS想話馬上放棄對舊機的支援，第三方都唔肯，好簡單一條數，上一代機唔計Wii，單單係PS3同X360的裝機量全球有成一億六千萬部，你新機上場PS4同XONE首發頂都盡先得果三四百萬，我係發佈商會唔會只係出PS4/XONE版?當然要出埋上一代機的版本先能夠保證銷量。
與PC唔同，遊戲大廠唔會希望家用機咁快改朝換代，因為玩家唔會咁快換機，過度上起碼要等好幾年先有相約的裝機量。哩點就係點解智能手機愈出愈勁，但卻冇3A大作登陸的原因，一講到要換機，遊戲公司都怕怕，至少佢地知道即使玩家願意兩三年甚至更短時間換一次手機，都唔願意花59美金買一隻遊戲，薄利多銷在3A大作上等同自殺。當中仲未計數字下載版比實體版賺少幾多的問題。
相比起第八代機，第六代到第七代其實係向前踏出左一大步，包括高清遊戲及體感遊戲。而X360發售初期，亦因為上述原因，部份廠商都會推出埋PS2版本。但出到黎的效果就有著天壤之別，機能係個問題，但主要係當年歐美廠的技術漸趨成熟，所以好似Gears of War, Splinter Cell哩類畫面一下之有幾倍飛躍。玩家見咁大分別，當然會買新機。但黎到第八代機，機能故然更強，但開發成本已經成為樽頸，PS4/XONE首發第一年，真正達到次世代畫面的其實唔多，反而唔少都係基於上一代機然後高清特效強化。部份好似COD,Titanfall哩啲主打multiplay的玩家玩遊戲多於畫面，所以既然有出X360/PS3版，唔少玩家覺得仲頂到的。
其實PC亦一樣，若果哩家PC有好似07年Crysis咁，畫面異常突出的遊戲。要玩家拋開家用機去upgrade電腦，起碼都覺得值。哩家唔好話PC冇哩類遊戲，就連PS4/XONE的遊戲同上一代機比都冇壓倒性的優勢。所以我就話MS唔應該再推X360，自己部機已經唔夠人賣，仲要將啲獨佔大作出埋喺X360上面。想人keep機就唔好推ONE啦。睇返PS4，13年第一方大作在PS3上爆發，而過去一年PS4第一方只有LBP3一款非核心向遊戲登陸了PS3。哩個才是正道。
如果講到PS2同PS3，價位係個問題。仲要考慮，當年PS2基本上都係一面倒獨大。競爭少咗，玩家的金錢自然會流向某一部主機，而第七代機出現咗洗牌，PS3, X360同Wii可謂平分秋色，若果我地將第六代主機即DC, PS2, GC及XBOX的銷量加埋，大概都係二億部左右，而第七代機加埋就可以上到二億六千萬部，即使唔計非核心向的Wii，PS3及X360的玩家大概填平咗PS2的裝機量(計埋雙機黨)。可見玩家其實冇點少到，只不過係被分流咗。
至於PSV，的確不值一提，對比返兩部機的遊戲陣容還有智能手機的掘起，PSV未出已經不被睇好。哩家SCE第一方都冇大作出喇。
