jimmywan_200 發表於 2014-11-13 04:38 static/image/common/back.gif
Eric 有用不盡嘅金錢！
{:6_200:}有用不盡金錢,窮人一名就真啦{:6_203:}
本帖最後由 pac 於 2014-11-13 10:41 編輯
小弟玩了ATMOS也有一段時間，ATMOS本身跟以前的杜比很不同。
密度高，連貫性強，定位準。
昨晚出席安橋的3030試聽會，雖然尾四隻surround喇叭未能
放到跟人耳水平，影響了上下音場的一些連貫性，但整體上已達到
以上ATMOS的特點。
而且此部合拼機推11隻喇叭也亳不腳軟，對喇叭的控制能力足，迅變快速，
不會有失控的現象出現。{:6_193:}
而新推出的pure direct analog path更是一絕，播兩聲道背景明顯更靜，
有人聲更厚潤的感覺。足以跟中階合併兩聲擴音機抗衡‧
對一些不想影音分家而又不太要求高的朋友確是一個好選擇‧{:6_178:}
可惜昨晚未能試試用 convert to ATMOS的方法去播演唱會,小弟在用安橋5530純前,如用此方法去播演唱會
的話,你會覺得好像坐在紅館睇陳慧嫻表演一樣,建議安橋下次插入比項目一試,更能特顯ATMOS的優勢.
題外話.小弟極力推介試播陳慧嫻演唱會的"凌晨舊戲",那種空間感非常正‧{:6_193:}
I have a suggestion for Onkyo showroom
Change the surround back speakers to top rear as they are mounted on ceiling at back of room
Add two floor stand speakers at back as rear surround
大王可以提供安裝四隻天花喇叭嘅角度參考資料嗎?
ATMOS加咗頭頂喇叭做成個空間包圍感強,
一部合併機要嚟推哂11ch,絕對有板有眼,
最後用Pure Direct Analog聽歌, 比之前Pure Direct進步很多{:6_193:}
等小弟又分享吓呃吓分先~~!! {:9_422:}
首先真係唔好意思咁多位(尤其是第一場既朋友), 小弟作為工作人員遲到, 未能及早鎮壓失控大王, 希望第一場既朋友無比佢嚇襯~~!! {:8_379:}
今次除咗試今年Onkyo旗艦TX-NR3030(長寫好啲, 費時同Y記3030撞名)之外, Onkyo大中華銷售大佬KK同嘉耀製作既michael大哥都分享咗唔少有關Dolby Atoms既玩法, 特點同要求, 等小弟綜合少少, 等大家或者無去活動既朋友了解多啲先(如有錯漏請指正): {:8_374:}
有關Onkyo TX-NR3030:
1. 好多人都想知點解今年Onkyo旗艦唔再係5字頭, 而係3字頭, 會上KK解釋過, 之前Onkyo出既5系既全球銷售數字其實唔係太理想, 反而3系好賣啲, 以全球比例去計, 香港賣出5010既數字係比起日本同北美都好, 所以今年Onkyo將旗艦set做3系(當然唔好計PR-SC5530). 而今次3系既用料絕對比以前既3系好, 一部可以推足7.1.4成11隻喇叭既合併AV AMP, 佢隻牛雖然唔係環牛, 但隻牛size係非常之大(尋晚唔記得摸吓熱唔熱), 尋晚活動純推11隻喇叭真係唔失禮~~
2. Onkyo既AV AMP一直以嚟小弟都覺得係做得最"乜都有"既牌子AMP, 力水足, 聲音中肯有力, 唔係話走分析勁高包圍勁圍低頻勁潛路線, 今次TX-NR3030玩Atoms都比到小弟呢個感覺. 用開Onkyo或者想乜都有或者新手嚟講, TX-NR3030既聲音唔會比你失望, 除非你有特別喜好.
3. 而家除咗play Dolby Atoms聲效有一個Dolby Atoms mode之外, 其他DTS-HD, Dolby true HD等等都會歸納做一個叫做Dobly surround mode, 部AV AMP會選取碟內揀選既聲效去出返DTS-HD, Dolby true HD等等, 而唔再需要喺AV AMP再揀. 呢樣嘢唔止Onkyo, 上次天龍活動小弟都留意到, 咁即係以前大部分既AV AMP都會走Dolby surround mode既路線.
4. 尋晚天花4隻喇叭全部都係全頻(低頻大約去到45Hz), 而尋晚個分頻點係set做50Hz, 呢個係KK之前set時由100Hz一直試落去得出最好既效果. 4隻喇叭既擺位最好係包住個皇帝位4隻角.
5. 試咗"Pure Direct Analog Path"模式用嚟聽歌, 的確比以前既"Pure Direct"好. 個原因非常簡單, 2CH聽歌既原則就係越少干擾越好, 而本身AV AMP裡面因為要解決大量數據, 好多電子嘢既運作都會做成一定既干擾. 而"Pure Direct Analog Path"就係需要專登關閉部機本身大部分既電子clip同數碼線路運作, 簡單講就係熄咗部機留返嚟處理DAC同前後級放大部份, 咁干擾少咗就自然係好聲啲, 呢樣諗法喺AV AMP嚟講的確係好成功, 而出嚟既效果都好明顯既~~!!
6. 尋晚Onkyo試音室唔算係一個好正確既Dolby Atoms試聽室, 最主要原因係當初Onkyo好幾年前做呢個試音室時(當時小弟去過呢度聽Onkyo 2CH係幾好聲架~~)無諗過要做Dolby Atoms, 宜家要裝天花喇叭同改裝後邊4隻surround都有難度....所以基本上尋晚坐第一行既CHING先至真係品嚐到Onkyo TX-NR3030 Dolby Atoms既真正威力...尋晚小弟作為工作人員行前行後一聽已經發現坐後排既朋友係受罪兼完全無試到既, 而大王當機立斷既調位真係醒呢~~!! {:8_368:}
有關Dolby Atoms:
1. 作為全球暫時唯一拎到Dolby Atoms認証既製作公司(呢樣真係好很勁~~!!), 嘉耀製作既michael大哥講咗製作Dolby Atoms碟時既點滴, 都幫到唔少朋友認識家用Dolby Atoms係點. 其實大家可以將Dolby Atoms既聲音製作分為2部分咁諗, 一個係傳統既5.1, 7.1或9.1既channel-based(即係DTS-HD, Dolby true HD等等); 另一個就係天花既Dolby Atoms, 佢以一種將天花聲音範圍界開咗幾十個發聲原點既原則出發(object-based), 當某一發聲原點需要出聲時, 天花喇叭就會一齊去"製作"呢粒聲, 即係如果你有4隻喇叭, 就4隻喇叭一齊去造呢粒聲, 而戲院有36隻喇叭, 都係一齊製作呢粒聲.
等小弟做幅圖簡單講吓:
2. 呢個Dolby Atoms既發聲原則基本上係同戲院用既一樣, 咁即係話根本就無所謂既"家用版", 只要你有位有錢買多啲天花喇叭, 可製作出更連貫更準確既天花聲音, 就會比戲院好喇.
3. 根據呢個情況, 引申到其實玩Dolby Atoms除咗AV AMP既需求之外, 喇叭既要求都係高, 一來要將原本既5.1/7.1/9.1作皇帝位水平擺位(第一層channel-based layer); 二來天花聲音原點其實係咩聲都要出(尋晚老變4吸會展一幕啲低音由上而落), 咁天花喇叭已經唔再係製作效果, 而係"真正"發聲, 所以全頻喇叭係必需既(唔係點出低頻...). 同時要製作聲音原點既關係, 聲音定位係要準確, 所以指向性既單向喇叭係最合適, 而非擴散性或者雙向三向性喇叭.
4. 喺製作Dolby Atoms聲音時, 因為全部天花聲都係object-based, 所以唔會同傳統5.1/7.1/9.1咁需要做5條7條9條channel比bluray碟, 而係比一堆資料等AV AMP作數據分析去話比喇叭現有天花喇叭去製作聲音. 因為咁所以製作Dolby Atoms bluray碟其實需要既容量唔會比傳統bluray多好多, 所以一隻50GB碟係一定夠用.
5. 既然全頻既天花喇叭係最合適, 咁如果行足7.1.4, 推天花4隻喇叭其實係吃力過本身既surround喇叭, 如可以既話加後級去推係好啲. 所以小弟話尋晚一部Onkyo TX-NR3030推晒11隻喇叭真係算唔錯喇~~!!
個人感受:
經過尋晚既Onkyo TX-NR3030活動同之前Denon AVR-X5200W活動, 玩Dolby Atoms既空間設計同喇叭要求其實遠比以前重要, 因應2間試音室用既嘢完全唔同, 所以2部旗艦機其實係無咩可比性. 當然2部機都可以出到唔錯既Dolby Atoms效果, 而你屋企只要設計得好, 的確係可以好過試音室....只要有錢有位同老闆肯比你搞....{:8_395:}
P.S. 口水太多, 唔好意思, 唔啱唔好打頭, 請指正~~!! {:8_387:}
qaz123 發表於 2014-11-12 23:48 static/image/common/back.gif
雖然小弟遲了但仍然可以享受O記+鴨毛的威力,實在不枉此行~
亦多謝戴黑色眼鏡為講師令講座增加不少氣氛~謝 ...
戴黑色眼鏡?? 即係邊位?? {:9_419:}
Rakehell 發表於 2014-11-13 00:17 static/image/common/back.gif
我係第二場，一入門口，見到wil總，竟然記得我留言講過乜，哈哈，厲害厲害！
成個試聽會一班男人吹下水時 ...
小弟無lead過, 一直企喺旁邊之嘛....{:9_434:}
ykluk 發表於 2014-11-13 11:53 static/image/common/back.gif
等小弟又分享吓呃吓分先~~!!
首先真係唔好意思咁多位(尤其是第一場既朋友), 小弟作為工作人員 ...
如想玩5.1.4或7.1.4，請問是否後置的喇叭都係用單向好呀？
andyc 發表於 2014-11-13 12:18 static/image/common/back.gif
如想玩5.1.4或7.1.4，請問是否後置的喇叭都係用單向好呀？
正如michael所講, 其實5(channel-based).1.4(object-based), 所以本身surround同surround back可以當返5.1/7.1咁設置已經OK, 當然喺高度上最少要同天花喇叭有1米至1.2米距離會好啲~~!! {:9_423:}
小弟本身9.1既surround係用三向, surround back就用單向.
