《星際啓示錄》Interstellar 觀後感【無劇透!!】
本帖最後由 jayjay 於 2015-7-10 12:30 編輯今日同朋友睇咗《星際啓示錄》(Interstellar)。
Christopher Nolan絕對係一位喺荷里活鋒芒畢露嘅大導演,拍嘅每一套戲都係神級之作,拍電影嘅風格從來與眾不同,劇情有血有肉,故事深奧、人性化，並留下一大片空間畀觀眾思考; 相反，一啲電影如MARVEL STUDIOS的大片(除咗《美國隊長》系列)，瘋狂地拍、瘋狂地打，可惜故事千篇一律，毫無新意，唯一嘅可取之處就係有看不盡的打鬥、包羅萬有的官能刺激及一大堆CGI，除此之外，一點畀觀眾諗下嘢空間都冇。
比起MARVEL STUDIOS一年兩套戲嘅高產量,Christopher Nolan嘅產量唔算多, 但係佢每一套作品都係傑作,就好似佢近年執導嘅《蝙蝠俠夜神三部曲》(The Dark Knight Trilogy) 同《潛行凶間》(Inception) 咁, 不但票房好勁揪,仲好評如潮。《蝙蝠俠夜神三部曲》好賣座，成個系列收咗超過24億美元，賣座嘅程度令其他漫畫英雄片不斷轉型，搞到其拍漫畫英雄片嘅電影公司唔會再敢將劇情亂嚟，最重要嘅係完全轍底地改變以往《蝙蝠俠》拍到似賀歲片嘅模式，即使《蝙蝠俠》日後要重拍，都唔會拍到好似笑片咁。 《潛行凶間》無論喺商業同口碑上都好成功，全球收咗8.25億美元、仲橫掃咗4個奧斯卡金像獎(最佳視覺效果、最佳攝影、最佳音效剪接、最佳混音)。
言歸正傳,依家講番《星際啓示錄》。《星際啓示錄》嘅幕前、幕後陣容簡直係強到冇得再強; 幕後有Christopher Nolan執導同編劇、老婆Emma Thomas同導演個細佬Jonathan Nolan監製、之前已經同導演合作咗六次嘅Hans Zimmer做配樂; 幕前更加星光熠熠，有新出爐嘅《續命梟雄》(Dallas Buyers Club) 金像影帝Matthew McConaughey、《追擊拉登行動》(Zero Dark Thirty) 金像提名Jessica Chastain、拍過《蝙蝠俠 : 夜神起義》(The Dark Knight Rises)、《孤星淚》(Les Miserables) 嘅Anne Hanthaway、仲有之前已經同導演合作咗五次嘅老戲骨Michael Caine。
《星際啓示錄》嘅故事非常深奧而且非常感人,男主角同佢仔女嘅感情描繪得非常寫實、非常細膩、非常催淚,並且同人類探索太空扯上關係,最重要嘅係帶出滅世警示,十分值得觀眾反思。全體演員嘅演出都非常出色,尤其是飾演Matthew McConaughey 仔女嘅兩位童星,雖然佢地年紀輕輕,但係演䆁角色非常自然,並冇任何唔成熟嘅地方,值得加許!!
攝影方面,雖然今次冇咗導演嘅御用攝影師Wally Pfister,但係新加入嘅攝影師Hoyte van Hoytema 都做得非常稱職,拍攝效果令人非常滿意; 係喎, Hoyte van Hoytema有份參與下年年尾至上畫嘅《007: Spectre》,果然前途一片光明!!
配樂方面, Han Zimmer今次亦做得非常出色,畢竟佢今次係繼《蝙蝠俠夜神三部曲》、《潛行凶間》後第五次為導演嘅作品配樂兼作曲,所以已經有晒豐富嘅經驗,難怪今次《星際啓示錄》嘅配樂一如以往導演嘅作品一樣,配樂簡直同電影配合得天衣無縫,而且非常好聽; 冇錯,好嘅配樂真係好難揾,所以2016年上畫嘅《Batman v Superman: Dawn Of Justice》又有Hans Zimmer份做配樂,證明Hans Zimmer已拍得住John Williams啦!!我睇完戲之後,已經決定去HMV買番隻Original Sound Track番屋企聽!!
總結,雖然《星際啓示錄》長達169分鐘,但係演員演技精湛,故事感人肺腑,劇情流暢、節奏快,而且有超過70分鐘係用IMAX拍攝,絕對係值回票價!! 小弟極力推介大家去睇!!
評分: 95 / 100
最好去睇imax 非常Detail {:1_351:} 都話你哋寫返好D{:6_142:} 本帖最後由 jayjay 於 2015-2-15 09:52 編輯
MarkMak 發表於 2014-11-8 18:27 static/image/common/back.gif
最好去睇imax
Thanks for your advice{:6_195:} 本帖最後由 jayjay 於 2015-2-17 19:21 編輯
kc275 發表於 2014-11-8 18:31 static/image/common/back.gif
非常Detail都話你哋寫返好D
Thanks for your compliment{:6_195:} 夠詳盡。
預祝早日被編輯採用成為 官方新聞。{:1_351:} lamwaikit007 發表於 2014-11-8 19:21 static/image/common/back.gif
夠詳盡。
預祝早日被編輯採用成為 官方新聞。
多謝林兄祝福{:6_195:} 訂咗飛, 下星期日去睇IMAX,,,
SO FAR睇咗好幾編影評, 感覺有啲兩極化: 鍾意既好鍾意, 話"無悶場", 唔鍾意嘅好唔鍾意, 講到會"恰眼瞓"...
唔知我會係鍾意定唔鍾意果邊呢? 今日去睇左，唔係IMAX，的確有幾場會認為有IMAX好D，但又未到冇IMAX會唔好睇的地步。
始終唔係一套光靠場面的戲，雖然冇乜驚喜，但都有感動位，算好睇。 本帖最後由 jayjay 於 2014-11-8 21:58 編輯
mike384 發表於 2014-11-8 21:22 static/image/common/back.gif
今日去睇左，唔係IMAX，的確有幾場會認為有IMAX好D，但又未到冇IMAX會唔好睇的地步。
始終唔係一套光靠場面 ...
呢套戲真係有好多感動位
我都睇到眼濕濕㗎{:6_181:}