迎接愛毛士
本帖最後由 TYLEEDON 於 2015-7-28 00:02 編輯為左迎接atmos光臨, 天花穿線已做好...
說時遲那時快, 假天花已封好, 補一張比大家批評下
銀根短缺之下，只好一步一步向上扒，但玩愛毛士，重點之一係個天，而且只有開始時可動手，之後先穿線就只有明線先解決問題，小弟愛干淨，所以預先set好線位，決心5.1.4或7.1.4或7.2.4，天花4個大窿就係喇叭位置，係按kef 10吋既CI200QR or CI200rr THX黎開既，因為佢兩隻野尺寸只差2mm，但未決定用邊款，石膏板天花可以再開大啲都唔係問題，位置上唔完全跟哂atmos建議既梳化頭頂4隻，始終空間所限，跟佢既話其實放2隻都夠，所以平均在客廳4角排列，從高度及喇叭聲音角度，包圍感我諗尚可，而且應該分得到前後天花動感走向。
耳仔水平喇叭就唔會入牆喇，入牆喇叭想upgrade都唔係貢容易，當初係好想用埋kef in wall CI3160，但裝修會令牆身浪費左啲位，只好放棄啦，暫時都係用返好鐘意既LS50先。
Amp本身用緊入門lx56，相信搞掂哂啲擺位，就會換，O記3030, p記lx88, denon 5200，唔知點簡，仲有唔識玩前級，o記5530又好似好正，好引誘。。。
2015
終於有時間放上黎分享一下, 後級未到唯有用住舊AMP推住先
終於7聲道後級都埋位,各師兄弟歸位,可惜太忙未有時間睇戲試機 {:6_136:}
2015-02-12
就過年了,終於係公司無咁忙既時候可以分享下成果:
千等萬等終於SET好哂套架餐, 從美國訂返黎既EMOTIVA果然係性價比一流, 包裝又勁穩固, 可以話完美, 最後決定用5530都係因為知道錢係用黎任性的, 反正日後都升CUP,不如早升早享受,而且下一步目標係玩膠膠, 5530有PHONO INPUT咁又多個籍口, 線材方面前中置3隻喇叭用上NEOTECH XLR既廠線, 講真就唔捨得比幾千至上萬銀買勁靚線, 3條廠線計落3千有找, 其他就用11001, 個人覺得暫時SURROUND線唔使花費太多, 餵飽前面3隻野先係重點, 其餘配件唔係一流器材, 只用2隻隆宇206-2, 牆身因新房唔需要做獨立電, 所以只係換左牆身兩個雙位插座, 秋記買既MK CYRO冷凍處理, 阿姐話算係中性無添加, 信佢架咋, 當係有DD優化下就算.
開爐作法, SET好哂收音MIC, 正式先係聽下歌, AMP SET STEREO同埋又試下PURE DIRECT, 可能R900未熱身, 雖然聽感係柔和過以前用LS50聽, 始終多兩個低音源, 但未算係超誇張, 我已經收貨, 聽左1個月左右而家都開開地聲, 慢慢改善緊.
睇戲方面, 真係咩都唔SET已經同以前5.1好大分別, 最明顯係天上落黎既聲場係好有壓迫力, 睇美國巨腸2同XMEN FUTURE PAST真係炸到阿媽都唔認得, D聲由上下左右飛黎飛去真係好拿過癮, FEEL到自己成個人沉醉左, ATMOS碟我就未試, 仲等緊想睇既戲出ATMOS, 最驚喜係天花把吊扇竟然無受共震影響, 實在始料不及, 賺左, 同埋石膏板天花都無共震, 相信係因為裝左天花喇叭後重量聚左而令到D龍骨與石膏板之間既空隙貼實, 消失的共震, 又賺左, 因為最討厭就係屋內既物件影響哂聲音, 而家0干擾,開心哂~
寫到依度先, 開工做野{:6_237:}
2015-07-27
話說有D影響到樓下街坊,所以就網購搵左AURALEX幫下手, 因為懶得行街搵, 今日收到中置MOPAD即刻返屋企搞搞, 開箱原來得2組海綿(每組2舊,底&面), 有分件既, 比你睇下自己想要咩角度, 即管睇下有咩料到, 人聲感覺清脆左咁, 仲有個WOOFER用既未到, 月底前應該到手, 期待ING 早日成功{:6_149:} kc275 發表於 2014-11-6 14:30
早日成功
師兄！你好勁呀 勁{:6_149:} Ching-good!!{:6_134:} {:6_183:}
不過而家未決定用邊隻喇叭 {:1_335:}{:1_335:}{:1_335:} 8-Man 發表於 2014-11-6 19:55 static/image/common/back.gif
{:1_343:} {:1_343:} 入墙喇叭 祝師兄早日完成！