猶豫梗應該買下載版定係實體版
Raphael 發表於 2015-7-25 23:52 static/image/common/back.gif
猶豫梗應該買下載版定係實體版
數字版for便利， 實體版for收藏
我會揀後者，之前兩個平台都儲開實體版，唔掙在黎個三代同堂。
7.29
更新Polygon提供的50分鐘多人遊戲演示。仲有一個月就可以玩喇。
6H3E-xm8Xjk
Polygon釋出重份量特輯，內容有關於Gears UE及Gears 4的幕後故事。當中最矚目莫過於系列整容最多次的Anya，黎到重製版依舊搵錯整容師父。
http://www.polygon.com/2015/7/28/9005697/gears-of-war-present-future
7.30
新一支幕後花絮 — "GAMEPLAY" 釋出，大家可以對比新版同舊版的相異之處
rUCACACjYCQ
本帖最後由 nicebeebee 於 2015-8-1 15:08 編輯
gow123的確係好玩{:6_193:}不過ps4都玩唔哂....暫時唔會因一隻重製game買x-box one{:6_211:}加上連羅拉都會出ps4
本帖最後由 @肥狗仔@ 於 2015-8-19 11:45 編輯
考慮到有朋友可能唔知本作係乜黎，所以特意整咗個Q&A:
問: 《Gears of War Ultimate Edition》(下稱Gear UE)係乜黎? 係咪即係收錄哂X360時代1~3集的高清合集?
答: 簡單黎講Gears UE就係2006年第1集的重製版黎。
問: 即係冇2, 3集?
答: 冇啊冇啊
問: 所謂重製版係咪類似PS4最近出嗰隻《God of War III Remastered》咁?
答: 《God of War III Remastered》只係HD化遊戲黎，即係純粹提高解像度同幀數，而Gears UE係將舊作完全翻新，你當係《biohazard remake》嗰種。
問: 吓? biohazard喺PS1時代同GC時代係兩隻唔同的game黎，今次Gears UE的重製程度如何?
答: 以劇情模式為例，原作中有大約3000件3D物件(遊戲場景，人物，特效)，這幾千件3D物件都得到製作團隊逐一重製。當中包括重畫達4K解像度的貼圖，全新的物理材質﹑ 光影特效以及多邊形建模。好似原作中的蘭姆將軍就由以往的一萬四千個多邊形增加到三萬個多邊形。此外過場動畫亦推倒重來，新的過場動畫在分鏡﹑對白內容及細緻部份都會有所提升。
0zpt931_kj8
問: 提到蘭姆將軍，哩條友應該係我遇過最勁的BOSS之一，請問是次重製版會削弱這個BOSS的實力嗎?
答: Gears UE在原著的三個難度上再加入一個叫做"easy"的難度模式，但若果你慣咗打瘋狂難度就真係Good Luck喇。此因製作團隊冇改動過劇情模式的任何代碼，原版係點，新版就係點。
問: 意思係除咗畫面之外，原版的AI與動作都唔會得到任何修正?
答: 可以咁講，劇情模式入面所有武器的威力亦同9年前係一樣的。
問: 本作花咗幾多時間重製?
答: 因為唔洗大幅重寫program的關係，所以據說由開發到完工大約花了16至18個月。假設由0做起的話，咁應該會係一個需時兩至三年的大project。
問: 343工作室的Halo重製版可以一鍵切換原版及新版畫面，今次Gears UE做得到嗎?
答: 唔得喇，加載兩個版本的圖像意味住同一時間要運行兩個引擎，想畫面靚就要有所取捨。
上為X360版，下為XONE版。
問: 當年PC版收錄咗巨龍獸章節，無奈自己部電腦又唔掙氣玩唔到，今次Gears UE會收錄返嗎? 內容大概係講咩架?
答: 當然會，再講巨龍獸章節本來就係X360版出街之前被刪走的，如果你冇玩過PC版，今次係你了解1代完整劇情的好機會。這5個章節係講述D小隊與巨龍獸糾纏的內容，當中會解釋到點解D小隊要去搵光子列車的劇情...
問: 我記得《Gears of War 4》係用緊最新的Unreal Engine 4引擎製作的，咁Gears UE都會用這個引擎重製嗎?
答: 非也，Gears UE仍然用緊Unreal Engine 3(UE3)，原因據說係怕麻煩... BTW，因為06年的UE3同2015年的UE3已經好大分別，新版的畫面水平目測係喺第三集之上。事實上，今次的重製規模已經拍得住3A大作喇，在開發過程中產出的概念圖甚至比起以往任何一集仲要多。
問: 我好鍾意玩持久戰呢，想問Gears UE會加入返持久戰嗎?
答: 唔會，持久戰當年係由第2集開始先引進，冇係正路。而且開發團隊 — The Coalition聲稱2代獸人種類較多，玩家被擊倒後亦會有爬行動作，要將有關內容加入Gears UE上不太可能，所以自然唔會有持久戰。
問: 作為影音發燒友，我已經唔再滿足於Full HD喇，今次Gears UE會引入3D或者HD音效嗎?
答: 會有DD7.1音效。
問: 話說點解重製後的人物睇上去仲後生咗?
答: 電視唔係成日賣神仙水廣告嗎? 用完阿嬸都可以自稱美少女... 在構思階段時Coalition曾經煩惱究竟新版的人物造型係咪需要更加寫實，但經過研究後佢地發現哩套係唔work的，所以最後決定將人物外表打造得更生動更有說服力而非更真實，如此一來，適當的調整係必須的。但話說你唔覺得原版啲人類同獸人好似樣嗎?
問: 我fd玩過BETA之後話好失望，新版的移動速度好似被刻意降低了。
答: 其實只係第3集加快咗而已，1代原本就係哩個速度。
問: 之前我都抱住什麼"重製版"的心態入咗《Halo: The Master Chief Collection》，最後發現被欺騙咗感情。入面所謂《Halo 2 週年版》的多人遊戲原來只係揀咗原版中的6~7幅地圖去重製。唔知今次Gears UE會翻新幾多幅多人遊戲地圖呢?
答: 放心吧，原著中的19幅地圖都會得到全面重造。新版仲會引入PC版的山丘之王模式及全新的2V2納許處決模式與其相關地圖。
問: 我仲可以通過主動填裝方式，用Sniper秒殺敵人嗎?
答: 唔得喇，哩招太過勁所以被Coalition加以修正。不過散彈槍的威力仍在。
問: 咁咪即係唔夠原汁原味? 點解佢地可以咁做?
答: 事實上Gears UE的多人遊戲部份仲加入咗第3集的特色，例如介面﹑ 視點仲有敵我雙方的高亮顯示等。最得意係新版更引入多名第3集的遊戲角色。係咪原汁原味就真係見仁見智。
問: 即係話今次Gears UE的多人遊戲會加入大量第3集的元素，而製作團隊又基於第一集冇持久戰所以唔加返有關模式入去?
答: 係...真係吹脹。
問: 好吧，至少遊戲真係堅重製。話說今次有專屬server未?
答: 有喇，你可以自定私人遊戲以及設定每場遊戲的參數。
問: 叫得做"終極版"，仲有冇其他特別收錄? 例如製作特輯。
答: 製作特輯就自己上網睇吧， 不過Gears UE會收錄返概念圖同埋原作所衍生的漫畫。
問: 聽講今次會送埋《Gears of War 4》的BETA測試資格。如果我唔買game的話，有冇機會從其他途徑取得有關的測試碼?
答: 根據暫時所得的資訊，要進入Gears 4的BETA，方法與上年Halo MCC一樣，玩家仍然要keep住隻碟/購買數字版本才能夠下載及登入BETA測試。而購買同捆版的玩家更可優先進入。
問: 咁豈不是要局住買game? 今年可以玩到Gears 4 BETA嗎?
答: 出年秋季
問: 不過我真係想玩第2集多啲，想問會唔會有第2集重製版?
答: 係都整好第4集先啦。而且只要喺12月31號之前連線入game，就可以免費獲得360版本的1至3代及Judgement，並能通過將於11月推出的XONE向後兼容功能遊玩有關舊作。
問: 我見XBOX賣場度除咗有基本版賣之外，仲有一個叫做"Deluxe Edition"的版本，賣四百幾蚊的係咩黎?
答: "Deluxe Edition"純粹就係額外收錄咗兩個角色的多人遊戲皮膚同一大堆武器裝飾包。我就唔會買喇，如果你買的話，你就係真粉絲。
問: 嗯，重製劇情/過場/多人遊戲+1080p/60fps都算抵玩。
答: 要注意，本作的劇情模式係行30fps， 多人遊戲先會去到60fps。
問: 吓? 一款炒冷飯居然行唔到60fps? 有咩理由?
答: 理由就係單人遊戲畫面比多人遊戲要好，再講Gears UE係以次世代遊戲的標準開發，唔好搵Halo 2週年版相提並論。如果想玩4K或者60fps的話，PC係你的最佳選擇。
問: 真係灰，XONE啲獨佔遊戲成鬼日移植去PC，今次又係咁!
答: 當年1代本來就係有PC版的。
問: 咁隻game幾時出?
答: XONE版就8月25日，而PC版就預計年尾吧。不過基於PC版對應DX12，所以多數係Win10專用遊戲黎。
問: 又係有PC，又係要同一年出，咁我點解要買XONE版先?
答: 因為你部XONE已經封咗塵幾個月喇。
(Post76 Android 手機版送出)
@肥狗仔@ 發表於 2015-8-1 21:59 static/image/common/back.gif
考慮到有朋友可以唔知本作係乜黎，所以特意整咗個Q&A:
問: 《Gears of War Ultimate Edition》(下稱Gear U ...
會唔會有GEARS OF WAR REMASTER套裝機呢?{:6_210:}
@肥狗仔@ 發表於 2015-7-29 12:33 static/image/common/back.gif
7.29
更新Polygon提供的50分鐘多人遊戲演示。仲有一個月就可以玩喇。
新地圖?{:9_419:}
momolee 發表於 2015-8-2 01:14 static/image/common/back.gif
新地圖?
有一個改良自War Machine的新地圖。
