整粒魚雷炸吓個牆蘇 - Jensen油浸銅箔瓷管0.47uf/630v
本帖最後由 ykluk 於 2014-12-6 10:16 編輯係咁既, 事緣小弟老闆有親戚原來都係玩音響人仕(正式嚟講佢以前喺外國賣喇叭幫人調音之類既嘢~~), 喺一次家庭聚會閒談之下發現大家係同道中人既時候, 佢問小弟插咗幾多支魚雷嚟玩~~????? {:9_419:}
喺完全唔知佢講乜春既情況下, 小弟又搵吓料又問吓人, 結果有一次去金雞搵源哥買銀線比PAC地盒(無錯, 無啦啦又關PAC地盒事, 鬼叫我係終極PAC地盒打手~~!!)既時候, 問吓源哥先知原來呢個係前輩們以前用嚟調音做濾波既方法~~!! 簡單嚟講就係直接喺電源前加唔同既電容, 濾走雜訊之餘又穩定電壓(可能係咁上下, 其實小弟真係唔清楚實際功能係咩....), 方法就係將電容2邊分別接上L同N就得, 而唔同容量(1uf, 0.47uf, 0.33uf, 0.22uf, 0.1uf等等)同唔同牌子裡面用咩都會有唔同效果~~!! {:9_428:}
今次小弟玩既就係呢粒Jensen油浸銅箔瓷管0.47uf/630v(DENMARK JENSEN 0.47uf 630V AUDIO SIGNAL CAPACITORS, CERAMICS TUBE, COPPER FOIL, SILVER LEADOUT, PAPER IN OIL TYPE), 大約1K咁上下, 如果有錢既話可以用audio note既銀箔cap, 根據源哥所講audio note既銀箔cap係Jensen專登做比audio note機用既, 堅係好嘢, 不過價錢大約係呢支既5-6倍......{:8_395:}
因為小弟會將支魚雷炸入個牆蘇裡面(費時見光比老闆鬧), 所以要造長少少銀接線入蘇, 用返WBT焊線, 不過焊得實在樣衰....
小弟既sine白金英式牆蘇:
關總制, 開蓋:
就咁將銀接線分別插入蘇既L同N位置就OK, 記得做呢個動作前一定要關總制, 跳制事少, 電到你入院就大很鑊.....(切記切記)
裝好開返總制, 無爆炸~~!! 坐低試一試先....{:6_128:}
源哥話都要煲返1個月咁上下, 不過其實一開機都已經聽到唔同咗, 聲底係有少少改變, 感覺溫暖厚實但又無失去本來既分析力, 三頻都圓滑咗, 啱晒一直掛住追分析力但器材生硬既小弟, 好似加咗膽機咁~~!! 之後又試吓睇戲, 將隻十仔插入魚雷牆蘇...嘩, 呢吓真係開心死, 小弟隻cheap cheap十仔由4K唔使既價錢去到JL110既程度~~!! 講笑啫, 邊有勁到咁, 但肯定既係低頻量多咗, 同埋下潛既最低浸嗰種實在感真係好咗好多~~!! {:8_377:}
源哥話general會用0.47uf係根據咁多年咁多人同佢買cap得返嚟既評論, 當然前輩們玩得熟既會再並聯唔同容量既cap嚟調聲, 例如數字細啲既(0.22uf, 0.1uf等等)既速度會快啲但可能會標, 所以要試要聽慢慢玩~~!! 其實個玩法仲有好多種, 除咗牆蘇又可以喺器材既IEC座到加, 之前富貴台都有師兄分享過用魚雷做咗隻好似QK2手雷既物體插排蘇, 不過小弟覺得直接用嚟牆蘇少咗個頭又慳錢又直接會好啲. {:9_408:}
P.S. 其實小弟玩魚雷都已經係個幾2個月之前既事, 而家先出post都係想睇吓呢排有無事先出.....小弟並非任何電工或專業人士, 如果想玩又想知清楚係點玩, 最好問返專業人士(例如源哥, 秋姐或SSP高X永X等等). 玩得開心又請各位小心危險, 如有任何意外小弟負責唔起~~!! {:6_122:}
又P.S. 如果有任何師享對呢樣嘢認識又可以指正小弟, 歡迎任何回復指教, 只要唔好打小弟頭就得....{:6_136:}
警告: 建議各位唔熟識電同DIY既CHING唔好跟住學, 始終玩電都有一定潛在危險, 有意外發生應付唔到就唔好啦~~!!
多謝觀看~~!! {:8_387:} 陸師兄你連魚雷都玩埋一份{:6_200:} 粒魚雷咁大粒，可以放得入牆蘇位入面咩{:6_131:} 本帖最後由 ykluk 於 2014-10-15 11:31 編輯
joelcan 發表於 2014-10-15 11:24 static/image/common/back.gif
粒魚雷咁大粒，可以放得入牆蘇位入面咩
好彩我以前裝修時除咗個蘇盒之外, 仲有一幅特色牆(其實扮晒吸音牆咁樣), 加厚咗個蘇盒深度咪入到囉~~!! {:9_407:}
比張相你望吓:
ykluk 發表於 2014-10-15 11:28 static/image/common/back.gif
好彩我以前裝修時除咗個蘇盒之外, 仲有一幅特色牆(其實扮晒吸音牆咁樣), 加厚咗個蘇盒深度咪入到囉~~!! { ...
六師兄你真醒{:6_193:} 大師考勁呢!! edison133 發表於 2014-10-15 12:07 static/image/common/back.gif
大師考勁呢!!
我呢啲DIY新手, 出吓post都係想各位大師指教吓啫.....{:8_374:} 看了還是不太理解，總之就是錢能解決的問題！ alleelarry 發表於 2014-10-15 14:15 static/image/common/back.gif
看了還是不太理解，總之就是錢能解決的問題！
唔緊要, larry兄如果唔係玩開DIY嘢, 小弟都唔會建議你玩, 始終最好對電有一定認識先好掂....{:8_395:} 我都想試玩,準備用粒cheap 1000v 0.1u黎試下先.