本帖最後由 lkljason 於 2016-5-1 19:51 編輯
睇前任何影評或什麼生果報都唔敢睇以免任何劇透，期望非常之大，果然無令人失望，內戰理由合理兼充份，每個角色都有發揮，跟本就係另一套復仇者聯盟，但比復2出色好多！幾位新角色亦有不小戲份，笑料亦係佢地帶出。片尾有兩段彩蛋，記住睇埋至走，期待後續Marvel 其他角色嘅電影！
十個理由 美國隊長K.O.蝙蝠俠
http://hk.apple.nextmedia.com/realtime/supplement/20160501/55044757
1.人多蝦人少。就係咁簡單，看《美3》，令我想過以前看福星片，又似睇《龍虎門》漫畫。尤其在無人機場大混戰一場，簡直可以用目不暇給來形容。跟《復仇者聯盟》打嘍囉有很大分別，今次是高手互劈，各出絕招，蜘蛛俠噴完絲，輪到蟻俠變大，還未計紅女巫的超能力，比去惠顧自助餐更多選擇。《蝙蝠俠》？唔好意思，來來去去只得兩男一女拳打腳踢。
2.愛情線夠曖昧。《蝙蝠俠》中，神奇女俠暫時只屬性幻想對象，真正愛情線是超人與Lois Lane，打風打唔甩，像老夫老妻，閒來最愛在浴缸浸浴。咁咪悶囉。《美3》不同，大佬美國隊長跟Agent13 Sharon Carter終於打到茄輪，固然令觀眾老懷安慰。幻視與紅女巫處於曖昧的萌芽期，也是一段愛情關係中，最富懸念的階段。鐵甲奇俠與女友瀕臨分手，原因也相當貼地，一般男女可以輕易找到共鳴。
3.友情線有層次。蝙蝠俠似一個做開主角的中年大叔，不甘風頭被搶，跟超人根本毫不相識，何來結局的所謂友情。美國隊長跟寒冬戰士相識超過八十年，跟鐵甲奇俠出生入死至少兩次，夾在兩個好友中間，你真係會feel到黎明金句「左手又係肉，手掌又係肉。」難得電影還可以繼續關注鐵甲奇俠與War Machine、黑寡婦與鷹眼同埋黑寡婦與美國隊長之間的微妙友誼。咁細緻，加晒分。
4.親情線好合理。《蝙蝠俠》睇到人最火滾的，首推超人老母好彩同蝙蝠俠老母同名，世界先和平。臨死都要叫聲阿媽，超人好似好孝順。其實，條女出事，超人立即感應到，並救命。而阿媽被脅持被虐待，超人係完全無知覺。咁叫孝順？學吓鐵甲奇俠啦，一見到殺母仇人，即時甚麼道理也不講，只講復仇。這才是有血有肉有人性。
5.搞笑。當黃子華都話社會灰到無笑話可以再講，你就知搞笑有幾重要。蝙蝠俠跟超人日日口黑面黑，本身已經唔夠鐵甲奇俠同蟻俠討好。何況，在《美3》，連寒冬戰士都會失驚無神有笑位？突然之間，我很明白點解鄭嘉穎會以元華造型現身。
6.懂得尊重新人。兩套戲都有帶新角色登場的任務。《蝙蝠俠》的方法是將閃電俠、水行俠、鋼骨閃一閃，交差了事，《美3》則花費篇幅好好交代黑豹跟蜘蛛俠的出處，仲有機會畀兩位打鑊勁。高下立見。
7.馬田費曼。馬田費曼（Martin Freeman），即是《新福爾摩斯》（Sherlock）的華生，有份在《美3》客串一角，主要是為了2018年上畫的《Black Panther》留定伏線。飾演主角黑豹的Chadwick Boseman不算大牌，跟對家幾位扮演閃電俠、水行俠、鋼骨的演員一樣。不一樣是，黑豹早早已有知名度高的幫手支援。
8.真真正正內戰。同樣講英雄因不同價值觀和做事手法而反目，《美3》夠貫徹，直到最後，依然是美國隊長大戰鐵甲奇俠。雙方各有支持者，誰勝誰負誰生誰死都不會大團圓，未到最後一秒都估唔到結果。《蝙蝠俠》的結局，不是內戰，是英雄聯手大戰石頭爆出來的超強勁怪物，無靈魂的，無背景的，必定唔夠打的，吸引力遠遠不及好兄弟或好姊妹反轉豬肚。看過《G-1格鬥會》，會明白。
9.團隊精神壓過個人主義。最衰都係基斯杜化路蘭（Christopher Nolan）。堅持用自己方法拍攝《夜神》系列，拍到瘋癲地好。搞到DC Comics的老闆華納更迷信個人主義，請來拍攝過《戰狼300》（300）而出名充滿個人風格的薩克薛達（Zack Snyder）擔大旗。獨裁思想很危險，可以製作出《黑夜之神》（The Dark Knight），也可以製作出垃圾。Marvel向來重視團隊，用的導演全部不算名氣響亮，也不能獨行獨斷，要分工，要集體創作，要互相制衡。由Jon Favreau等開國功臣打出一條血路後，已發展出一套完善機制，今時今日換任何工兵落去執行，差距也不致太遠。可憐基斯杜化路蘭只得一個。
10.老闆。講到尾，Marvel的最強武器，是老闆。DC Comics的最大敗因，也是老闆。明明手執蝙蝠俠、超人、神奇女俠等著名漫畫人物，DC Comics短視，從沒有正式發展《正義聯盟》，直到眼見對家Marvel的《復仇者聯盟》大成功，又急進，未學行先學走，搶住拍攝《蝙蝠俠對超人》，以為照單執藥，擺晒班英雄上枱，必定人見人愛。點解唔先拍賓艾佛力（Ben Affleck）的中年版蝙蝠俠？點解唔先解釋羅賓之死？點解唔先拍電影交代神奇女俠出處？因為驚執輸。如果老闆的眼界夠遠，心胸夠闊，膽識夠大，即使用上比Zack Snyder更差的員工，成績都肯定比現在好。不過，就算真係老闆要負最大責任，又如何？難道你以為真會有老闆承認力有不逮然後退位讓賢？咪玩啦。
撰文：方俊傑
Um-sOpL8FMI
http://www.boxofficemojo.com/franchises/chart/?view=main&id=avengers.htm&sort=opengross&order=DESC&p=.htm
player 發表於 2016-5-3 14:15 static/image/common/back.gif
http://www.boxofficemojo.com/franchises/chart/?view=main&id=avengers.htm&sort=opengross&order=DESC&p ...
Let's see if it can exceed The Avengers at the box office{:1_343:}
J_tNdTLEtOQ
4taiDNSdCSE
2SdTl_XhfEQ
RLMH_bakXck
