第一次寫影評 <德古拉伯爵：血魔降生> 觀後感
好耐都無去睇戲了, 今晚去了睇 <德古拉伯爵：血魔降生>, 自問對德古拉伯爵呢個人認識不深, 只知道佢比較"奸"(?), 唔知點解望到個電影名我反而聯想到<彊屍奇鴨> 的Duckula哈哈~ XD
講返電影先: 睇title相信大家都估到係"德古拉前傳" 咁上下, 講佢如何成魔之謎. 電影都去得幾快下, 由佢講成為國王, 到唔夠打而要借助外力 (開始變成吸血鬼) 只係好短時間, 之後就點樣利用佢呢個力量去保護自己的子民同擊退敵人.
如之前所講, 一直我對電影德古拉印象都係比較奸的, 而電影就好明顯地講佢係一個好人, 只係為了保護自己的兒子同子民, 又同時因為佢基本上無咩士兵, 根本唔夠人打的情況下而借助鬼神之力. (即係: 拿, 我唔係想變成吸血鬼嫁, 係社會迫到我咁嫁~)
講真個故事都無咩特別, 基本上係好"straightforward", 由: 佢成立了自己的國家, 一直希望維持和平-->土耳其軍去收陀地費, 點知今次要更多-->被迫反抗又唔夠打之下去搵山洞的怪叔叔-->無奈接受條件而得到神力-->利用神力打敗敵人--> 大結局, 基本上唔洗點用腦都知下一步主角會點做.
值得一讚的係場景同特技都唔錯, 可能自己對中世紀"古堡"都幾喜歡, 所以睇得幾開心~
如果同愛人輕輕鬆鬆2小時(唔知有無咁長?), 睇下靚仔靚景,特技都值得一睇, 反而如果要"有得著"咁離開戲院恐怕會失望了. 另外由於德古拉去山洞搵的怪叔叔主演的人就係拍SAW第一集果位男主角(即設計d game的果位), 所以佢講"let the game begin"時, 令我有種幾攪笑的感覺.
結局我覺得有d怪的, 不過一講就穿橋所以唔係度講太多了~
比分時間: 6.5 ~ 7/10 (故事如果再深入d講點佢無可奈何走上吸血鬼呢條路會更好)
寫得好。{:6_193:}
我都想睇 !! 影評寫得幾好{:1_351:} lw3000 發表於 2014-10-4 08:56 static/image/common/back.gif
我都想睇 !!
今日看了, 頭30% 訓著了{:1_333:} 尾段不過不失 !{:1_253:}
頁:
[1]