VR虛擬現實設備可能要5年時間先成為主流 Oculus如是說
近一兩年業界都在討論VR(虛擬現實)技術，不過除咗少數開發者之外，大部份的玩家都只能夠睇住人地玩。究竟該設備會幾時正式對外發售呢?早排Oculus Rift創造者Palmer Luckey就好冇信心地噏咗一個日期出黎 — 2015年尾。不過當被問到究竟VR要花幾長時間先成為主流時，廠方嘅答案就相對保守喇。
在GamesIndustry的一則訪問上，Luckey指Oculus Rift可能一推出就成為玩家之間的新寵兒，又可能5年後先可以普及: "或者VR現階時的確未能與消費者進行0距離接觸，不過好消息係我地有著強大嘅靠山(Facebook)，使到我地可以進行持續的開發工作，而唔係等錢開飯咁樣強行將VR推出市面，被他人佔盡優勢。我地有本錢去選擇最合適式的途徑進行長期的VR開發"
Oculus Rift DK2現在的定價為$350美金，這並非一個好高昂嘅價錢，不過Luckey所擔心的並唔係定價，而係遊戲陣容: "VR這個平台成功與否，取決於內容"。佢表示作為產品發行，公司一味靠騷技術係冇用，更重要係點樣令消費者購買產品: "舉例好多人哩家都入咗Oculus Rift DK，但你若然走去跟風最終會發現根本冇game玩。而我地嘅工作就係去掃除製作人的風險，確保VR的生態系統能夠正常運作。"
同樣的話題，Oculus VR已經同傳媒講咗上百次，雖然Facebook之前已經與數間獨立工作室簽約以開發Oculus Rift的遊戲作品，不過哩種戴喺頭上面嘅沉重設備能否繼Wii之後掀起另一股電玩熱，@肥狗仔@對此並不感樂觀...
Source
頁:
[1]