今晚被朋友拉咗去睇,不睇尤之可,一睇把幾火,101分鐘片長著咗一小時悶到我閤咗兩次,全片最精彩可算是片初由俄羅斯飛機內鬨至女主角Kate Beckinsale香艷沖涼為止嗰五分鐘,之後就搭雞棚交待劇情,但去到最尾半小時前都全無緊張可言,作為一套困獸鬥式片類故事,應予觀眾與戲中角色同氣相連,使觀看者為戲中角色擔憂,但在此片我真係搵唔到任何劇情可以令觀眾有聯成一線的感覺,整套片一啲都唔緊湊,同埋故事編排都好大問題,戲中其中一個奸角喺套片開頭無耐已出現,令到神秘感完全冇晒,故事簡介話南極冬天來臨會停留半年之久,呢啲會令影片呈現緊張的氣氛時間因素,但個殺手出得太早,連基地內還有百幾人仲喺度,個殺手只係殺戲中嗰幾個關鍵人物,就算直至去到末段才真正踏入所謂冬天時間,你話觀眾點會覺得套片有危機感呢?可能導演唔想套片成為《黑色星期五》呢啲無常由亂殺一通的變態殺人片,但我寧願你咁拍都好過整晚冇嘢睇咁閹悶吖,跟住冇耐個殺手被活捉仲揚埋個樣,我睇到呢度都即刻笑咗出嚟,喂咁快穿晒點得架,仲有大半個小時要做個喎.......去到尾段當然仲有另一個幕後黑手出嚟啦,但都唔使觀眾好詑異咁知道,因為套片來來去去得嗰幾個角色,唔係呢個就係嗰個,再加上冇再俾任何驚喜的劇情,呢個幕後黑手的出現只是為套片打了個圓場而已。
我會給此片50分 (100分為滿分) 《極度冰慌》定《極度悶慌》? (含內容劇情)
今晚被朋友拉咗去睇,不睇尤之可,一睇把幾火,101分鐘片長著咗一小時悶到我閤咗兩次,全片最精彩可算是片初由俄羅斯飛機內鬨至女主角Kate Beckinsale香艷沖涼為止嗰五分 ...
劉一舟 發表於 2009-10-15 01:53 http://www.post76.com/discuss/images/common/back.gif
我尋日星期三晚都睇咗,除咗開頭Kate Beckinsale香艷沖涼精神一振之外,
只係一套小偷偷嘢殺人嘅戲,真係比佢戲名老點咗以為係科幻片!
40分比哂女主角..... 女主角Kate Beckinsale香艷沖涼嗰五分鐘
唔該淨係呢part丫!{:6_174:}
頁:
1
[2]