關於雪狼湖SACD嘅一點感想
話說上個禮拜終於入左雪狼湖SACD版，依家聽緊，又手痕系76度search返以前關於呢隻碟舊版本嘅一D posts，其中有個post問到舊版本“等了又等”中段有pop一聲電流聲嘅事，有位Ching當時問左環球工程部嘅同事，得到嘅答復話呢隻碟系Live recording，原本母帶就有呢聲pop聲，話只系原汁原味收錄咁樣，但我想話俾大家聽，第一，呢隻碟絕對唔系live recording，而系一隻studio album，因為憶蓮當年屬於滾石唔可以入碟，所以搵原班人馬加陳嘉露錄呢隻原聲大碟。第二，我當年好中意呢隻碟，所以買過普通size嘅頭版，後來出嘅DSD remasterd版，K2HD無NO.版，同埋一隻後來系二手市場買返嚟嘅普通size第二版，發覺果聲pop聲系從普通版第二版開始出現，頭版我清清楚楚記得系無嘅，相信有01版嘅Ching可以證實呢件事。再者今次買返SACD之前都糾結緊呢件事，專門問左買左SACD嘅Ching，證實無呢個問題，先放心購入，由此可見，環球嘅各部門同事系幾咁不負責任。呢隻碟好明顯系出第二版嘅母帶出問題，而之後嘅各大版本都係用呢個母帶嚟做（我甚至好懷疑K2HD係咪真係有再remaster過？因為聽起身同DSD版本毫無區別！），今次出SACD先搵返頭版母帶出嚟做remaster，所以SACD就咁聽普通CD層已經好靚聲，用好普通嘅器材都聽得出明顯區別，層次感空間感好好，甚至比頭版更勝一籌。亦無K2版嘅味精感覺。甚至比同批出嘅SACD例如With聲都要好！（With用普通CD層聽，完全聽唔出同之前K2HD有咩分別！）。希望有呢隻碟嘅Ching都分享下聽後感啦！尤其系SACD層嘅表現！{:1_259:} 整體quality ok. 用耳筒聽 sacd layer 唔錯, 比普通版清同靜, 遲D用hi fi 再聽清楚. 如果雪狼湖肯出視頻，出番bluray 更好！這是經典！呢隻碟喺我心目中係超高水準製作！ 無論編曲、作曲、作詞、演唱都是高水準，百聽不厭！
愛 "雪狼湖"
stonyli 發表於 2014-8-24 13:01 static/image/common/back.gif
整體quality ok. 用耳筒聽 sacd layer 唔錯, 比普通版清同靜, 遲D用hi fi 再聽清楚.
多謝Ching嘅feed back！！！ jjjppp111 發表於 2014-8-24 17:24 static/image/common/back.gif
如果雪狼湖肯出視頻，出番bluray 更好！這是經典！
呢隻碟喺我心目中係超高水準製作！ 無論編曲、作曲、作 ...
呢個就真係非常渺茫啦。。。。。。據聞當時寶記系有拍，不過都係版權問題而無出街，其實前年憶蓮簽環球嘅時候都曾經有諗過既然憶蓮依家入埋環球，滾石香港版權又歸埋環球，按道理係咪有可能出返DVD呢？（Blu ray就唔敢諗啦，比較大工程，當年都未有高清）。不過睇環球依家嘅作風，都係唔好對佢有期望啦。。。。。。1000%對環球心淡，從Y100衰聲同埋憶蓮MMXI出唔到Blu ray開始！！！ 多謝jason兄分享精彩文章{:6_193:} 本帖最後由 byingfung 於 2014-8-25 12:37 編輯
其實有時環球D碟經常性出問題，根本可能係有心咁做，等D炒家or收藏家買左原版，又買修正版，再買修正修正版，因為隨時攞去換既人都唔及再買過既人多 試過譚詠麟SACD1、梅艷芳4CD、陳慧嫻3CD+DVD、林憶蓮2CD出事後，我已經唔會再第一時間買碟，等CHing報告真係無事先夠胆買。 c6001445 發表於 2014-8-25 13:34 static/image/common/back.gif
試過譚詠麟SACD1、梅艷芳4CD、陳慧嫻3CD+DVD、林憶蓮2CD出事後，我已經唔會再第一時間買碟，等CHing報告真 ...
四隻環球瀨兩隻，都咪話唔係嘢bor！XDDD byingfung 發表於 2014-8-25 12:34 static/image/common/back.gif
其實有時環球D碟經常性出問題，根本可能係有心咁做，等D炒家or收藏家買左原版，又買修正版，再買修正修正版 ...
依家仲要唔止環球一間係咁lor！蛋記容小姐精選衰聲，東亞王菀之CD拆聲，華納唔使講，百代滾石依家歸埋環球，都唔好旨意會有好結果。真係唔明呢班“老闆”點可以咁樣對待我地呢d僅存嘅用真金白銀買CD嘅真正老闆，其實真正整死香港樂壇嘅根本就係呢班急功近利同埋無職業道德嘅唱片業人士。唉...
頁:
[1]
2