《Rise of the Tomb Raider》為100%限時獨佔 官方答覆一解粉絲疑慮
正所謂凡事留一線，他朝好相見。面對住粉絲嘅惡言及荷包裡嘅金錢，早前宣佈旗下遊戲《Rise of the Tomb Raider》2015年獨佔登陸XBOX平台嘅Square Enix在消息公佈冇幾耐已經澄清遊戲係限時獨佔。不過貌似唔係每個玩家都滿意有關答覆，因為佢地最想知嘅唔係限唔限時，而係遊戲會唔會登陸XBOX以外平台。或者SE都深明一兩句敷衍說話唔能夠擊退打爛沙盤問到督嘅玩家，本作開發公司Crystal Dynamics今日就放出咗一節Q&A，以官方式腔調回答玩家所關心嘅核心問題:
以下翻譯自Crystal Dynamics官方網站:
問: "XBOX獨佔"究竟係咩意思先?
答: 就係解作《Rise of the Tomb Raider》將會在2015年假期獨家登陸XBOX ONE及XBOX360主機。
問: 咁今次XBOX獨佔會唔會有期限?係咪限時架?又會獨佔幾耐?我地可以期待PlayStation 4或者PC版他朝有一日會推出嗎?
答: 冇錯，我地同微軟嘅獨佔協定的確係有限期，現階段我地唔會討論有關細節，只會集中精力製作出最佳的XBO及X360羅拉作品。
問: 查實Crystal Dynamics你地知唔知獨佔哩單野?
答: 知啊，Crystal Dynamics對於今次同微軟合作開發最正嘅遊戲感到超級興奮。正如Darrell Gallagher(Crystal Dynamics啊頭)話齋，我地與微軟本身就一直有長期嘅合作關係，以往佢地對羅拉品牌提供強而有力嘅支援。同樣今次微軟都會助我地孕育出史上最好嘅盜墓者遊戲。
問: 在決定獨佔之前你地考慮過粉絲感受嗎?Crystal Dynamics同Square Enix究竟有冇意識到羅拉與PlayStaion及PC平台嘅淵緣?
答: 當然，作出此等決定其實我地都有過內心掙扎。但我地嘅目標仍然係盡己所能去開發出最好嘅遊戲，而微軟嘅支持下我地有信心可以實現哩個目標。
問: 點解你地微軟，Square Enix同埋Crystal Dynamics當初唔好好地講清楚係限時獨佔而梗係要講到咁模凌兩可?
答: 我地真心唔係要混淆視聽，微軟Gamescom發表會係一個適合發佈重大消息嘅場合，唔係一個適宜討論細節嘅地方。
其實從SE以往嘅"戰績"去睇，獨佔一詞本身猶如笑話一則，要知道其今年已經將《Tomb Raider》及畫面上冇咩表現嘅《Sleeping Dog》移植到次世代主機，而從Crystal Dynamics今次嘅口吻更可以推斷《Rise of the Tomb Raider》好大機會會在獨佔期過後推出PS4及PC版本。各位憤怒到要撕爛海報嘅朋友可以落街買返卷膠紙喇。 其實我反而最想問係，過場個蘿拉同遊戲中嘅蘿拉係唔係又會唔同樣..... marcolau 發表於 2014-8-23 22:04 static/image/common/back.gif
其實我反而最想問係，過場個蘿拉同遊戲中嘅蘿拉係唔係又會唔同樣.....
有唔同樣咩~鬼妹同韓國妖精嘅分別?{:6_141:} 本帖最後由 marcolau 於 2014-8-24 23:34 編輯
@肥狗仔@ 發表於 2014-8-23 22:20 static/image/common/back.gif
有唔同樣咩~鬼妹同韓國妖精嘅分別?
咁樣樣
個樣都幾大分別，最大鑊髮色....PS4版(舊版唔記得)係烏黑色。 marcolau 發表於 2014-8-24 23:30 static/image/common/back.gif
咁樣樣
PS4果然強大... 講黎講去都係得個吉~ @肥狗仔@ 發表於 2014-8-24 23:33 static/image/common/back.gif
PS4果然強大...
咁PC版對奶明顯冇開角嘅... marcolau 發表於 2014-8-25 00:16 static/image/common/back.gif
咁PC版對奶明顯冇開角嘅...
玩起上黎就算佢突然變圓錐體都唔覺啦XDD 但PS4個樣都太犯規喇，係咪舊果個跌死咗搵另一個演員頂上^^ 上次羅拉唔同，移植去P4，同移植去X1，係兩間唔同的公司操刀！ 阿定 發表於 2014-8-25 00:31 static/image/common/back.gif
上次羅拉唔同，移植去P4，同移植去X1，係兩間唔同的公司操刀！
真係唔知...
頁:
[1]
2