MS銀彈攻勢未見成效先惹罵戰 SONY期望羅拉最終重返PS4懷抱
本帖最後由 @肥狗仔@ 於 2014-8-20 00:58 編輯次世代主機發售大半年市場已經出現一個明顯嘅領導者: 憑住更優秀嘅畫面，更親民嘅定價，更大規模嘅發售地區，還有更加溫和嘅主機政策，SONY旗下的PlayStation4遊戲機喺剛過去嘅GC2014上面宣讀出勝利宣言，公佈PS4發售至今已經賣出一千萬部。不過本應值得開心嘅事在玩家之間已經被一股憤怒的氣氛所掩蓋，皆因微軟早前在展會中宣佈Square Enix的羅拉新作《The Rise of the Tomb Raider》將會獨佔登陸XBO及X360平台。雖然期後MS老總Phil Spencer及SE代表都分別出面解話並澄清遊戲只係"限時獨佔"，玩家嘅怨氣依舊未能平熄，反而進一步將火頭帶到開發公司Crystal Dynamics及一眾主創身上。喺過去一星期唔少相關製作人的twitter遭受到源源不絕的言語攻擊，被直指開發公司與MS狼狽為奸無視對玩家最基本的尊重。火爆程度就連當CD Projekt Red最近公佈《The Witcher 3: Wild Hunt》的XBO珍藏版獨家收錄數款贈品後都同樣受萬箭穿心。
眼見風頭火勢，無論係MS或者PS都唔敢亂咁講野，免得再刺激玩家神經。早些時候，當被CVG問到與XBO的限時獨佔大作相比，而PS4只公佈大堆獨立遊戲，SCEE大頭Jim Ryan恃住SONY旗下的龐大第一方工作室，以最簡單嘅句子釋出最大嘅抱怨: “你問我地係咪要去買遊戲獨佔?明顯唔洗啦...”有暗諷MS塞錢之意。至於SCE全球部門總裁吉田修平在接受Eurgamer訪問時亦大表無奈，指出自己根本唔清楚羅拉係幾時被人"挖走"，亦從來冇預計會發生此等大事 —
Eurgamer: 你竟然會唔知佢地會公佈有關消息?
吉田: 試問我點會知道?
吉田又表示有關PS第三方遊戲發售統籌工作一向交由SCE的第三方團隊負責，而自己全不知情，所以先會感到意外。而被問到會否希望《The Rise of the Tomb Raider》最終會在PS4上推出，吉田反叫記者問問SE同MS:
"我個人當然希望遊戲最後會登陸PS4，不過家下消息都係出自Phil Spencer口，我可以講啲咩?"
PS4的獨佔大軍未能在第一年順利搶灘可能係該主機至今的唯一盲點。考慮到明年PS4會推出《The Order 1886》，《Bloodborne》及PS國民遊戲《Uncharted 4: A Thief's End》，MS今次嘅絕地反擊可見雙方深明獨佔遊戲係主機吸引力的關鍵所在，相信亦替現時正處於上風的SONY響起咗第一下警號，此因其對手出年仲有一款怪物級軟件《Halo 5: Guardians》... 真傷心！ps4冇得玩……可能遲D！
頁:
[1]