《等一個人咖啡》……… J J快評 (無內容)
本帖最後由 jayjay 於 2014-8-30 18:58 編輯挑起我睇呢套戲既原因，係因為由九把刀既小說改篇，咪誤會我係佢既小說Fans，佢既小說我一本都無睇過，極其量係睇完那些年後，去書局揭佢本小說睇左兩頁放返低果隻，相信我同一般既朋友一樣，都係因為那些年而睇呢套電影，因為話晒係九把刀既愛情三部曲既第二套電影 (其實同那些年一d關系都無)，所以點都要睇下，加上荷里活早排搞慈善活動，廿蚊就換到兩張戲飛，有善事做又有戲睇，直頭一舉兩得啦，廢話講完講返套戲。
如果硬要將那些年黎比較，實在不太合適，雖然同為愛情片，那些年就puppy love, 而呢套就比較天馬行空，感覺到九把刀係將佢自己喜歡，或者後生時接觸過既原素放o係套資電影裡面，所以有某d喜劇成份可能會覺得無厘頭，但對我我呢d雖然係70後既年紀，但心態仍然保持在90後，所以就算較無厘頭既野都可以接受，而到戲既中尾段知道個故事來龍去脈，就算其他人覺得同之前既無厘頭有d格格不入，但我自己又覺得安排尚算不俗。另外我覺得九把刀幾識選角，上套那些年爆紅左男女主角 (雖然出文時，柯生因為吸大麻而被拉…..妖~~~~關咩事呀！)，而呢套選角我覺得都不俗，無論主角、配角，甚至乎請周慧敏黎客串，九生既盤算都係到位，我可以講呢套”等”唔可以話係一套什麼神作，但睇完舒舒服服開心離場你仲想點！我黎講2個鐘冇悶場屬滿意之作！
又有d朋友話套戲有犯駁位，都係那些年好d，那些年冇乜扭橋平鋪直序講故仔當然犯駁會小，亦相對較易入屋，而你話呢套 ” 等” ，係就係老土橋段，但接受程度就真係因人而異啦，唔接受就老土，接受就叫集體回憶啦！
總結：建議千其咪睇任何含結局既影評去睇呢套戲，雖然結局唔係咁難估，但都會影響睇套戲既感覺嘛。
散場後記得睇埋片尾片段，有某d熟悉既人黎客串一o下！
我已經睇了兩次!!喜歡男女主角的單純. 喜歡天馬行空的愛情故事(愛情更係多幻想喇).
我同女友都覺得[咖啡]好看[那些年]一點點 , 看得舒服!!!{:6_149:} 睇完,呢套戲麻麻, 笑料低俗,感情線弱,套戲好似分開左前半部及後半部,完全唔連貫,電影成績比較差 影評寫得好好。絕對認同不要將劇裡的內容透露。 kittycheung 發表於 2014-8-20 00:46 static/image/common/back.gif
睇完,呢套戲麻麻, 笑料低俗,感情線弱,套戲好似分開左前半部及後半部,完全唔連貫,電影成績比較差 ...
Kitty姐
好多人都知道vinsckan係你啦
(Post76 Android 手機版送出)
頁:
[1]