論壇 › 電玩天堂 › [通告] Post76電玩天堂 「Facebook拓展計劃」 (專頁即將建立)

@肥狗仔@ 發表於 2014-8-3 01:57

[通告] Post76電玩天堂 「Facebook拓展計劃」 (專頁即將建立)

本帖最後由 @肥狗仔@ 於 2014-8-20 12:57 編輯

"Post76電玩天堂拓展計劃"屬於我地嘅facebook專頁即將誕生

8.20

讓大家久等嘅電玩天堂facebook專頁將於一星期內建立。新專頁的名稱及LOGO已經整裝待發。有一新消息我會盡快通知各位。

各位76電玩天堂嘅版友大家好，今次突然開post其實係有少少事情要宣佈同埋諮詢各位。電玩天堂作為Post76的子區已經度過咗7年嘅時光，並見證住哩個由原本齋講發燒影音的論壇發展成為一個能夠談天說地嘅玩樂聖地。相起其他電玩專屬網站，喺過去一兩年76電玩天堂無論係新聞資訊或者係採訪活動上都不甘後人，不過喺"玩樂網"這個全新的框架下，身為本區版主@肥狗仔@亦意識到唔能夠再安於現狀，應該主動出擊，將電玩天堂的「9up」精神拓展到更高境界。
為此，電玩天堂近幾個星期已經不斷為本區的頂置欄目進行版面規劃及翻生，以達至一個電玩討論區應有的模樣。而最重要的係本區計劃在不久嘅將來(最快8月中)建立一個屬於「Post76電玩天堂」的facebook專頁，一方面使到本區網友所發佈的資訊及原創分享能夠讓更多人知道，吸引更多核心玩家入黎一同參與討論; 而另一方面則考慮要在發佈電玩資訊同時，確保以"發燒影音"作招來的Post76玩樂網不會因此而出現喧賓奪主的情況。是次拓展計劃的內容如下:
Post76電玩天堂拓展計劃藍圖:
革新電玩區頂部欄目分為"電玩區通告", “重點討論”及 "近期熱話"等三個主要區域 。其中"電玩區通告"是用作本區的各種官方大小事項的發佈之用。而“重點討論”就會張貼該月的焦點遊戲/電玩相關事項。最後是 "近期熱話"則是最近幾個星期大家都見到的欄目，目的是將本區的熱話或最新消息放在當眼處。@肥狗仔@亦考慮將一句起兩句止的版規放在"近期熱話" 下方。
電玩天堂facebook專頁為免與Post76的facebook專頁撞名，屆時本區的facebook專頁預計會被定名為"柒陸電玩"(暫名，但總知係哩類的東西)。"柒陸電玩"專頁的職能係發佈本區的遊戲資訊，包括官方資訊及版友分享或者有趣話題，以吸引核心玩家加入電玩天堂的大家庭。
正所謂三個臭皮匠勝過一個諸葛亮，即使本人都只不過係個臭皮匠，但集合各人力量@肥狗仔@有信心今次嘅"電玩區拓展計劃"會實行得盡善盡美。所以本人希望電玩天堂的各位版友可以針對今次的拓展計劃表達意見。有關建議可以包括並不限於是次拓展計劃的方式 ﹑ 內容，甚至係電玩區大小事項。你地嘅意見對我地在電玩區發展路途上有著舉足輕重的意義，在此@肥狗仔@衷心希望各位版友能夠踴躍支持，各抒己見，為電玩天堂的未來出一分力。萬分感謝!

heloleo 發表於 2014-8-3 11:24

快D 推出,,支持~,, 黎緊各大遊戲慢慢出售大排野講,,

@肥狗仔@ 發表於 2014-8-3 11:38

heloleo 發表於 2014-8-3 11:24 static/image/common/back.gif
快D 推出,,支持~,, 黎緊各大遊戲慢慢出售大排野講,,

多謝Ching支持，都知道9月開始會有一大堆遊戲，加上XBO行貨發售... 我地會盡快架喇。{:6_176:}

michael.t 發表於 2014-8-3 23:54

@肥狗仔@ 發表於 2014-8-3 11:38 static/image/common/back.gif
多謝Ching支持，都知道9月開始會有一大堆遊戲，加上XBO行貨發售... 我地會盡快架喇。...

Exactly 而家唔搞 9月開始同時打機AND處理版務都咪話唔辛苦{:6_136:}

但都係果句加油同大力支持

@肥狗仔@ 發表於 2014-8-4 00:25

michael.t 發表於 2014-8-3 23:54 static/image/common/back.gif
Exactly 而家唔搞 9月開始同時打機AND處理版務都咪話唔辛苦

但都係果句加油同大力支持 ...

明白，始終開個page容易但係前期工作都要花少少時間的，我地會盡快，喺度先多謝Ching支持。至於打機嗎，有好幾隻我唸住留返出年暑假先補啦，魚與熊掌不能兼得{:6_138:}

阿定 發表於 2014-8-4 14:28

到時希望大家可以幫手宣傳下 76電玩FB專頁，毒多d人

jamesbond168 發表於 2014-8-4 21:48

9月開始遊戲黃金月、期待各方c兄報料和報價！

@肥狗仔@ 發表於 2014-8-5 00:10

jamesbond168 發表於 2014-8-4 21:48 static/image/common/back.gif
9月開始遊戲黃金月、期待各方c兄報料和報價！

哩個可以有，不過都係留返你地開啦{:6_138:}

SonSon 發表於 2014-8-6 10:58

柒陸電玩................個名感覺好似粗咗D{:6_136:}

@肥狗仔@ 發表於 2014-8-6 11:08

SonSon 發表於 2014-8-6 10:58 static/image/common/back.gif
柒陸電玩................個名感覺好似粗咗D

其實我都有唸過哩個問題，可以用細寫"七六電玩"，但又好似唔知點咁，用阿拉伯數目字又肯定同Post76果個撞...

兩睇啦，"柒陸"係真係粗咗少少，不過應該比其他更爆更吸引眼球。

查看完整版本: [通告] Post76電玩天堂 「Facebook拓展計劃」 (專頁即將建立)