走了又想起你，於是回頭帶走你……AK240入手。
本帖最後由 windwolf447 於 2014-7-24 23:57 編輯今次可以話係重投AK的懷抱，當初係日本旅行，遇上AK100MK2，一試便愛上。用左一段時日，後來屎忽痕轉左DX90 MOD，然後耳機都轉左一大輪唔同野，到最後依家用緊加左半模矽膠耳塞的IE800(我喜歡動圈的聲音)，用DX90 MOD聽左半個月，然後我覺得——
悶。
無錯，DX90 MOD分析力係好高，分離度，音場同細節表現都不錯，低頻亦控制得好，但佢冇咩味道，係一杯水。而ie800呢?
都係一杯水。佢地起埋一齊，冇咩火花可言。
於是我係一班師兄的推介下，試完一部又一部AMP，一部又一部PLAYER，幾乎市面上買的都聽過哂，試到耳仔都攰，但都冇一部野令我完全滿意，講下其中幾部較突出的︰
HIFI ET MA9 ——我起初差D就買左佢，因為佢同IE800的確幾搭，有股模擬味，人聲毒，但無耐佢太大舊，我接受唔到放唔到係牛仔褲袋。
D100 —— 聲音質素好高，推IE800夠力，聽交響古典係一流，但同DX90一樣，冇咩味道，聽流行人聲太直白，而且都係放唔到係褲袋。
CALYX M —— JASON版主借左比我試左一陣之後，成為左除MA9外的另一個考慮，音樂感同包圍感好，甜暖，最緊要放到入褲袋，但音場不是很大。可是後來到某店中再聽久了之後，發覺味道對我來說重了一點，我想找杯果茶，但CALYX M係一杯LATTE。
我係冇用AK100MK2之後就覺得AK D新野價格太進取，冇咩點再理。後來係點解會試AK D野嘅呢? 因為試到冇野好試了~_~
最初係試AK120II，一開聲，我就回憶起我係日本試AK100MK2果時的感覺，我只係講個調音，AK調出黎的味道。
我覺得我又搵番果杯茶。
正所謂念念不忘，必有回響，我第日又走去再試，
今次就試AK240，聲底基本上是一致的，質素略有提升，主要係聲音密度更高更滑，音場表現更好。考慮到我有唔少DSD檔而硬解的效果確實好不少，同埋AK240更靚仔(個人認為啦，AK120II個額頭太高LOL)推力亦再好一點，我就分期左佢了。
我喜歡AK240表達出的果種鮮活的音樂感，佢嘅聲音好有層次，比CALYX M更有臨場感。我亦喜歡佢表達果種弦類樂器的震動感同泛音，下潛深，量足的低頻，微暖而甜的女聲——同埋輕鬆放到入褲袋:P
好啦講住咁多先，繼續嘆茶:)
BTW，玩AK240一定要用平衡，我覺得根本2個世界黎LOL
PS:總覺得我睇得太多甜師兄的文章寫野有影響~_~
小弟其實係睇緊d行native DSD既DAC同DAP, 唔想玩DoP過渡嘢. 不過AK240出價實在太進取 ..... 小弟一直忍手等DSD native個市場成熟d先出手 ..... {:6_193:} ghhf 發表於 2014-7-24 23:18 static/image/common/back.gif
小弟其實係睇緊d行native DSD既DAC同DAP, 唔想玩DoP過渡嘢. 不過AK240出價實在太進取 ..... 小弟一直忍手等 ...
早買早享受，聽住依家有嘅DSD先XD C兄240直推800係咪唔多掂?! 小弟都想轉800 windwolf447 發表於 2014-7-24 23:26 static/image/common/back.gif
早買早享受，聽住依家有嘅DSD先XD
AK240就簡單靚仔又可帶出街, 但都唔可以咁無道搶錢法, AK240個價可以入成套小弟心儀DAC行Native DSD, 加升級USB Cable同行純電池組, 一定正痺 .... {:6_188:} antony1104 發表於 2014-7-24 23:27 static/image/common/back.gif
C兄240直推800係咪唔多掂?! 小弟都想轉800
意外地我覺得幾掂喎，推得好好聽，當然加擴可以再好d，但我一部過都收貨了(起碼推得好過dx90先)。
其實用平衡插位力水會好好多，我整左個轉插黎試，整體都有不少提升，只係平衡插位的聲音偏冷，我會選擇係屋企插暖聲amp聽 ghhf 發表於 2014-7-24 23:42 static/image/common/back.gif
AK240就簡單靚仔又可帶出街, 但都唔可以咁無道搶錢法, AK240個價可以入成套小弟心儀DAC行Native DSD, 加 ...
又係嘅~
個人的話己經有套頗滿意的家用了(LKS AUDIO 9018X2 MOD版 + ifi iusbpower + labkable 金銀雙頭USB線 + 靜電AMP & 耳機)，暫時都不想再煩換野，所以放錢去隨身度。 ghhf 發表於 2014-7-24 23:18 static/image/common/back.gif
小弟其實係睇緊d行native DSD既DAC同DAP, 唔想玩DoP過渡嘢. 不過AK240出價實在太進取 ..... 小弟一直忍手等 ...
Ching 可以試下QA360 或 Paw Gold, 兩部都可以硬解DSD files. 精彩報告{:1_347:} SCLEE 發表於 2014-7-25 07:43 static/image/common/back.gif
Ching 可以試下QA360 或 Paw Gold, 兩部都可以硬解DSD files.
qa360的聲音我不太對味
另一部我就未試過