物理制限與形上討論：小耳機與大耳機
好耐無見！過去兩個月非常地忙碌，聽歌時間大大減少，好似對玩head-fi既熱情都減退左些少。手上有既大耳機、便攜耳機以及入耳式都已經到達一個我自己聽唔晒既地步，有好幾對係度封緊塵，真係諗落都覺得浪費，痛定思痛打算黎個大出清。{:8_386:}雖然話大出清，但點都要留起幾對平時聽聽歌放鬆一下。決定左整頓一下器材就即刻發現其實都唔使真係諗太多就知邊類型必走：大耳機。
我玩大耳機既時間實在唔長，輾輾轉轉玩左兩三次左右，每次投資都倍數上升，但到最後我都係了解唔到大耳機既好處。反而便攜式耳機我相當滿意，而家手上亦留有beyerdynamic T51p以及DT1350。
講起玩head-fi，雖然我唔係玩得好耐，但印象中由開始玩到現在好多高燒友前輩們都會講，入耳式係head-fi既起步點，而對於音質開始有渴求之後，大耳機係一個(接近)必然既升級點。但我幾次既嘗試都令我意識到，我係呢方面相當唔主流。
大耳機與小耳機
雖然大部分大耳機基於開放式能夠做到唔焗促既聲音，亦因為單元較大能夠做出更多細節，但對我黎講，我無法取到聲壓以及動態既平衡。我聽歌音量稍稍偏細，聽大耳機聲壓足夠既時侯動態會過細，而動態足夠既時侯聲壓會過大。。即使係closed back設計既大耳機，例如係TH-600或者T5p，問題依舊。同時亦因為可能大耳機單元大，但對耳仔距離仍然較近，一直以黎我都覺得大耳機聲音係硬生生打埋黎，比較平面，欠缺我期望既立體感。聲音密度亦難以到達一個我要求，最主要係因為聲壓足夠時侯，closed-back耳機能夠做到concert hall既空間感，定位以及結像都比較疏落，比到盡都只係類似坐係一個比較大既concert hall既balcony後排，相當唔爽。
反而小耳機，例如beyerdynamic T50p，T51p或者DT1350，即使質素如伸延以及聲場未及大耳機，但聽起黎更舒服，亦更有聽緊音樂既感覺，而我自己而言，從未係大耳機上聽得出既廳堂感，係小耳機上反而較常有。即使聽出黎係耳機既聲音，但感覺上氣氛營造得同我平時去聽音場會會因為聲音密度、豐盈度以及引人入勝既程度而令我覺得小耳機現場感比大耳機做得好。
又或者會唔會係我前端唔夠好? 我同過Lehmann Black Cube Linear，而家主力用緊Violectric V800 + V200，簡單CAS組合亦無搞線材電源。不過即使係去showroom，感覺依然。不妨師兄們分享分享指教一下。
形上討論：追求緊咩野?
亦時常見前輩師兄們講多聽音樂會會令你知道你玩器材應該要咩野，以及對現場音樂、真既聲音有更高既了解。係玩耳機之前我都有輕微玩過下音樂，參加音樂會次數應該唔算太少，去過既演奏廳亦都有一定數量，但每每都只係令我感到，同高燒前輩們所講既相異，越去得多音樂會我越無衝動升級，不論係小耳機、大耳機甚至係過百萬元發燒喇叭。正如我相當喜歡既指揮Sergiu Celibidache講過，「聽錄音去享受現場音樂，同拎住張裸女硬照上床一樣」，係無法搵到個種感受既。
我覺得我自己升級主要衝動黎自物慾多過真係追求音樂啦{:8_384:}
尾語
有位師兄同我講過，玩左一圈都係鐘意聽入耳式。而我就玩左咁耐好似都真係偏向聽小耳機。打左咁多字除左都係減減壓，都想搵人分享下對於入耳式/小耳機/大耳機既睇法。有無人同我以及我個位師兄朋友一樣都係未能了解大耳機既好處? 聽得多音樂會既師兄們又會唔會覺得越聽得多就越想升級或者聽某種類型既耳機?
本帖最後由 johnmo 於 2014-7-20 00:00 編輯
雖然大部分大耳機基於開放式能夠做到唔焗促既聲音，亦因為單元較大能夠做出更多細節，但對我黎講，我無法取到聲壓以及動態既平衡。我聽歌音量稍稍偏細，聽大耳機聲壓足夠既時侯動態會過細，而動態足夠既時侯聲壓會過大。。即使係closed back設計既大耳機，例如係TH-600或者T5p，問題依舊。同時亦因為可能大耳機單元大，但對耳仔距離仍然較近，一直以黎我都覺得大耳機聲音係硬生生打埋黎，比較平面，欠缺我期望既立體感。聲音密度亦難以到達一個我要求，最主要係因為聲壓足夠時侯，closed-back耳機能夠做到concert hall既空間感，定位以及結像都比較疏落，比到盡都只係類似坐係一個比較大既concert hall既balcony後排，相當唔爽。
其實你自己都講左個系統問題出來
要加入新元素才能改善罷,通常都是換下線&玩下電之類,最後手段就是換音源
本帖最後由 斯路 於 2014-7-20 00:19 編輯
johnmo 發表於 2014-7-19 23:53 static/image/common/back.gif
雖然大部分大耳機基於開放式能夠做到唔焗促既聲音，亦因為單元較大能夠做出更多細節，但對我黎講，我無法取 ...
嗯，我比較好奇係到底係真係發揮上既問題，定係本身上物理制限既問題。我疑惑緊到底會唔會係因為40-50mm既單元係一個咁近既距離發聲而致我有呢種諗法。
換言之，johnmo師兄係能夠係大耳機之下搵到呢個平衡點? 未知師兄介唔介意分享下投資左幾多落而家用緊既器材度? 對"我覺得我自己升級主要衝動黎自物慾多過真係追求音樂啦" 表示贊同{:1_256:} 斯路 發表於 2014-7-20 00:09 static/image/common/back.gif
嗯，我比較好奇係到底係真係發揮上既問題，定係本身上物理制限既問題。我疑惑緊到底會唔會係因為40-50mm ...
個人是沒有你那個音量&動態平衡的問題啦,而現在的耳機系統投資有6位數,不過要過心中合格線,應該2W也可以吧
不過師兄說因聽歌音量稍稍偏細令動態過細,事實是會有影響,但答案因人而異,不一而足,唔好運可能無得救,平衡唔到,唯有用"腦放"來補救了
自己經驗是耳機本身音場越大,對前端要求越高,越難發出飽滿有動感的聲音,情況如大空間下的喇叭系統雷同 小弟自問年資尚短，試過的，用過的耳機不多，沒有資格也沒有能耐去討論這問題，不過我很是同意"聽錄音去享受現場音樂，同拎住張裸女硬照上床一樣"，玩音響也好玩耳機也好，雖然叫high fidelity,但絕大部份器材都是有"味"的，就算器材本身無"味"，回放環境等等因數都會造成影響，很難完全模擬現場，就算有朝一日能完全模擬現場的種種因數，但我相信也沒法模擬得到現在的那種氣氛，我認為聽現場和用器聽錄音的分別不是在於那邊比較真或任何音效上的差別，而是現在的那種氣氛令聽眾不知不覺間開了"腦放"，還是極為強勁的一種。
說起這話題，也令小弟想起剛玩hifi不久時聽過一個故事，一位師兄用了數百萬組了一套系統，在系統配合，空間處理上花了不少力思去組了一套極度保真的系統，以後請了一眾燒友上門試聽，大家試完以後紛紛表示保真是保真，但他們卻不喜歡;另一位師兄也組了一套系統，並下了不少功夫去調整它，並同樣請了一眾燒友上門試聽，一眾試完後都稱讚其系統好聽，唯獨是一位師兄說了一番話"好聽是好聽，但卻和他在家聽女兒彈鋼琴時的聲音完全不一樣"
說到底，玩headfi，hifi的目的是否真的是追求high fidelity也是個問題，起碼，起碼小弟的答案是no，追求自己喜歡的就好，沒必要去在意真不真什麼的。
(Post76 Android 手機版送出) 現在，已經有小耳機主打有大耳筒 和 hi-fi 的感覺。 johnmo 發表於 2014-7-20 01:12 static/image/common/back.gif
個人是沒有你那個音量&動態平衡的問題啦,而現在的耳機系統投資有6位數,不過要過心中合格線,應該2W也可以 ...
聽歌音量偏細其實主要係對比其他用家。曾經去過做聽力檢查，測試過當時隨身聽既音量會唔會對聽力造成影響，個陣時聽開既音量係岩岩好可以長時間聽歌既音量，無記錯的話個測驗係CAP左係每日最多聽8個小時音樂。至於之後參加小聚會，都發現其他用家聽得偏大聲，聽家用耳筒既時侯更明顯。呢個分野亦令我有上文既疑問。
至於未知師兄會唔會可以解析下腦放呢一個詞? 到底係指自我催眠定係幻覺錯覺?
音場以及推力需求呢個講法相當有意思，諗落又好似真係呢。
dicky0411 發表於 2014-7-20 12:23 static/image/common/back.gif
小弟自問年資尚短，試過的，用過的耳機不多，沒有資格也沒有能耐去討論這問題，不過我很是同意"聽錄音去享 ...
我都真係好鐘意Celibidache個句，實在非常串咀但相當難反斥佢。{:8_390:}
至於專登提及到追求呢點，只係有感而發，覺得其實點玩都係個人選擇，但見到有人高姿態信條式地將玩器材以及聽音樂接連，我覺得咁樣有些少唔恰當。 斯路 發表於 2014-7-20 14:52 static/image/common/back.gif
聽歌音量偏細其實主要係對比其他用家。曾經去過做聽力檢查，測試過當時隨身聽既音量會唔會對聽力造成影響 ...
"腦放"即個人想像力也,說是自我催眠也可以,尤其定位音場結象之類,說穿都是模擬出來的幻覺 ,除非表現相差過大,毫釐之別在每人心中準則也可大不同,加上HEADFI有你聽無人聽,比HIFI更難有一個準確精細的客觀標準來參考
系統若調較得當,照計開大聲不會刺耳,小聲聽也不會糊成一團,推測師兄系統推大耳機時的失真度可能比推小耳機時高,所以才有大不如小的聽感