我的新歡 - CS2
上星期6收到我人生第一個木箱!第一眼見到個木箱真係大到無嘢講, 然後就諗唔要個木箱得唔得呢??
最後我都決定放棄個木箱, 淨係帶紙箱走就算…..
講真, 部amp真係重到無朋友
如果唔係手瓜起蹍, 記得搵個朋友幫手
特別係要放上架嘅師兄
返到屋企當然第一時間梗係即時開………冷氣先啦
之後先用手機影吓相先, 然後先慢慢拆箱
部機做功算唔錯, 正面一個超大表頭真係幾靚仔
兩個大扭製(power及voloume), 另外仲有兩粒細製(input及dim)
機背輸入有XLR x 2 加RCA x 3, 當然仲有一對喇叭插啦
而且仲有款optical俾同廠嘅DAC連接用
個金屬remote好靚仔吓, 而且都好重手
跟機有個靚仔搖控, 真係會用得開心D
上架真係一個大考驗, 一個人真係有D吃力
好在最後都算任務完成, 即時影返張相先
之後嗱嗱聲駁返D線, 經常一輪努力........可以點燈
講返小小之前嘅器材先
喺CS2前一路用緊Lyngdorf 2200 , 佢係一部可以直食digital嘅int. amp
所以我得部transport都未有解碼
開聲時都係用住部oppo頂住先
希望盡快揾返部DAC就齊返腳
因為新機而又喺咁嘅條件下開聲真係無咩期望
所以先由得佢play返一陣, 而我先去食個晚飯先
約一個鐘後, 終於可以坐定定咁聽吓
初步聽感比預期好好多
部amp背境好靜, 真係比得起之前部出名靜嘅Lyngdorf
雖然CS2係新機, 分析力同密度相當唔錯
因為好怕D機有細節得嚟但好薄聲
而且感受到佢力量, 喇叭音場明顯比之前深咗,同闊咗
相信力水方面已經唔需擔心, 只係低頻有D一舊舊
第一日開機都唔可以要求咁髙, 相信時間可以修正呢個問題
之後就主力聽吓人聲先, 聽咗張敬軒, Danny Summer, 羅敏莊, 陳潔靈同陳潔儀等
部CS2無特別為佢地加上色彩, 只係好原原本本咁播返CD內應有嘅data出嚟
而且相當musical, 係會攪到你想不停聽落去嗰種
相信呢樣就係B.M.C.廠方嘅設計理念 - Balanced Music Concept
不經不覺一聽就5個幾鐘, 新機嚟講真係好滿意
其實星期日都試咗AV Bypass俾佢推返對前置
但真係未有時間再去set部AV amp, 所以等set好再講
順便等我再認真煲吓部機再同大家分享吓
最後希望可以快D入返部DAC, 等我可以感受吓部CS2嘅真正實力!
嘩，巧靚仔，恭喜師兄^^ 嘩，巧靚仔，唔知幾銀？^^ 超正！{:6_178:} {:6_195:} {:6_193:} {:6_212:} {:6_195:} 部機好靓!請pm價錢及那裏買?聲底如何?和金仔E-460比那部較好。謝謝! 好靚仔
我都想有一部
有無usb dac架？ wai1968 發表於 2014-9-24 18:24 static/image/common/back.gif
部機好靓!請pm價錢及那裏買?聲底如何?和金仔E-460比那部較好。謝謝!
Please check PM. s92204 發表於 2014-9-30 22:45 static/image/common/back.gif
好靚仔
我都想有一部
有無usb dac架？
部CS2無USB in.
不過你可以留意吓同廠部PureDAC.
http://bmc-audio.com/index.php/PureDAC-EN.html
價錢唔貴而且功能全面!