Collection信箱 ~ 二手市場專訪 - CD篇(下篇)
本帖最後由 Collection 於 2014-7-13 11:26 編輯以下訪問內容,
並不代表" Post76玩樂網"立場
Collection信箱 ~ 二手市場專訪 - CD篇 (下篇)
續上篇............
C代表Collection
K代表"古今"老闆Ken
C: 好, 不如講下CD包裝, 你哋二手又點睇 ?
K: 包裝講咗好多年la, 我諗咁多年嚟都好多人提出過唔好整咁大件, 但都係無乜改進,
掉轉頭諗我覺得係個陰謀, 整d怪雞包裝等你難保全, 咁爛咗又等你再買過......
C: 哈哈......笑死我, 咁都比你諗到 !
K: 如果唔係咁我完全唔知點解 !? 又難擺, d包裝又唔環保!
C: 唱片公司而家都唔係賣歌, 個包裝等係整到似禮品咁la !
K: 咁成件事咪錯哂, 佢哋更本唔尊重件事, 唔尊重首歌, 更加唔尊重個歌手,
等你買隻碟好似變成買件精品 or 禮物咁 ! 完全同d歌無關 !
C: 其實唱片公司更本一早知隻碟唔賣得,咁點解重出 ?
K: 佢哋緊係知唔賣得la, 頭先講過d歌星已經係賣整個人出嚟, 佢哋出碟只係為咗
比人知呢個歌手出過幾多張碟, 咁就可以去登台, 拍廣告, 拍戲搵其它錢, 出碟
唱乜歌...難聽...唔賣得都已經唔係問題........
C:{:6_194:}
C: 另外我又覺得而家唱片公司不斷番出d舊碟, d舊碟賣得就用嗰d錢去貼唔賣得個d,
你又覺得點 ?
K: 佢哋出新歌又無人賣, 咁出番舊歌起碼有老一輩d人識, 比人容易d接受, 博d人
會再買多轉, 一過唔好彩...比多d人接受番, 咁又話經典再現, 咁唱片公司又番
印d舊歌又再出嚟搵錢 !
講真, 呢d錢唱片公司無限食la, 你睇草蜢.......佢哋當年dup 咗, 無人聽...跟住係樂壇消
失咗, 跟住過咗咁多年出番嚟試下, 點知無端端又紅番, 跟住又話經典再現賣一餐 !
C: 你睇草蜢演唱會開完又開真係 !
K: 係喇! 唱片公司連佢哋d歌都費事整, 又係唱番個d歌, 跳番個d舞, 你話從藝術角度睇,
佢哋出番嚟又唔係話有乜新意念, 比d新野大家睇, 咁點解以前唔得out走咗, 今時今日
大家又話得呢 ? 就係唱片公司無新歌, 無搵創作, 導致大家退步咗, 又係接受番d舊歌 !
C: 你對舊歌翻唱(口水歌)又覺點 ? 係二手市場個放賣情況又點 ?
K: 翻唱一定容易接受過新歌, 以前唱片公司會派台宣傳新歌, 日播夜播煲到你聽慣覺得好聽,
但而家派新歌都費事, 直接用舊歌翻唱歌去派台, 等你一聽就識首歌 ! 至少舊歌唔會難聽,
你睇胡琳舊歌翻唱先紅到而家咁, 我唔係話佢唱新歌唔得, 但收效一定冇而家咁好 !
C: 好似佢下一隻大碟都係翻唱舊歌 !
K: 其實外國60, 70年代都好流行舊歌翻唱, 佢哋一首歌起碼二三十位歌手翻唱,
但佢哋做到首歌完全變成另一種風格, 改頭換面去比你感受, 香港就唔係, 近幾
年d翻唱歌來來去去都差唔多, 不過無辦法,香港市場太細, 外國市場大, 可以
接受多d新嘢, 香港d唱片公司一定唔敢博 !
K: 至於舊歌翻唱放賣情況其實都係睇你哋 !
C: 講下你哋收番嚟d二手CD其實有冇打磨過 ?
K: 我唔會咁做, 但我知有d舖頭會 !
C: 個d舖頭磨碟為乜 ?
K: 利潤囉 !
C: 有幾多 ?
K: 打個比喻, 你攞隻陳百強絕版嚟放, 有花...我收你$100, 但我就咁放番出嚟最多標$200,
擺得耐重可能減價走, 但如果我磨一磨隻碟, 咁就可以放$1800走 !
C: 咁好利潤你都唔做為乜 ?
K: 咁做一定無回頭客, 重被人唱衰間舖 !
C: 有冇磨碟其實點睇架 ?
K: 呢個真係好難講你知, 買多d二手碟交下學費就學到......哈 哈
C: 少少提示都無 (我用進迫嘅唔氣追問 {:8_398:})
K: 睇多d CD, 到時你一拿起手就會感覺隻CD鬼鬼地!
C: 以上方法Ken係經過多年專業經驗練習, 大家切勿亂試, 如果誤會錯
人哋舖頭就唔好, 大家去幫襯番自己相熟二手舖便可!{:1_330:} {:1_330:} {:1_330:}
C: 講下而家d碟, 成日話首批made in japan, 又話德國壓縮, 係你哋二手市場又點睇 ?
K: 咪又係睇邊個歌星同唱乜歌, 收個價同首唔首批無關 !
C: 但見首批個d係二手市場係賣貴d架 ?
K: 其實係你哋心理作用, 你哋話首批好, 邊度邊度印好d, 咁市場有咗需求, 我哋咪因應
你哋去標價,你哋話第二批香港印唔好,咁咪收平d又平d走, 其實係二手市場嚟講係
無分別, 同埋通常呢個都係唱片公司銷售手法, 好似早期有d K2碟, 分初版有印編號
係個紙套度, 之後無編號, 但我攞哂兩隻碟拆開嚟對, 更本就一樣, 我哋連隻碟d NO都
對埋, 已我經驗睇得出更本就一樣 !
C: 咁後期d K2情況一樣 ?
K: 後期好d, 佢將個NO印係隻碟度, 咁起碼叫做隻碟有分別, 早期印係個紙套度真係把鬼!
C: 咁你做咗關於影碟同音樂咁多年, 你點睇而家嘅音樂前路 ?
K: 都冇乜特別好講, 由以前推廣乜嘢正視音樂到而家咁多年, 叫d人唔好DL買正版, 但
情況更本無好過...重越嚟越差!
C: 係有乜前因 ? 導致到呢個果 ?
K: 以前我哋聽70, 80年代d碟係成隻聽, 由頭可以聽到尾, 每隻碟都有個意思想話比你聽,
但近十年d碟, 十首歌可能得兩首好聽, 咁叫人點解為咗兩首歌買成隻碟呢, DL好過la,
我做呢行都係咁講 !
C: 其實做到而家iTunes咁比人鍾意邊首買邊首重好 !
K: 我都好贊成, 放便吖嘛! 同埋音樂個趨勢其實都係會發展到唔再需要
包裝, 運輸, CD舖同實物, 你直接比錢音樂公司買條line DL就得, 而
家全球趨向都係智能, 最緊要方便!
C: 就好似而家新嗰d家居設計, 用哂部智能電話嚟控制!
K: 咪係囉 ! 同埋而家d人情願比三, 四千蚊買個靚Headphone, 插係電話度聽歌, d聲又靚,
帶出街又型 ! 襯埋衫都重得!
C: HMV而家買Headphone個位都好大 !
K: 更係...你重有冇見人帶住部CD機出街 ? 聽完一隻碟換另外一隻架 ?
C: 現今邊個會呀 !
K: (一笑) 遲早CD就會變做黑膠咁, 變咗做一d高級品味嘢, 玩嗰班人係玩嗰種品味,
但一定唔係流行嘢!
C: 講起黑膠, 其實而家嗰市場係咪流行番 ?
K: 絕對唔係, 都係一小部份人圍住自己玩! 真係流行番係冇可能, 但我好贊成有人玩,
因始終係d情懷嘢!
C: 上次訪問講音樂比電影長壽, 有冇得詳細少少講下原因.........
K:一首好聽嘅歌, 你可以幾日內番聽1000次, 我唔係話電影唔可以番睇1000次,
但一套幾好睇嘅戲都好, 你無可能幾日內不斷番睇, 例如你話The Dark Knight
好好睇, 但比你幾日番睇第10次, 20次...之後, 你就會無咗新鮮感, 但相對歌
思考性大d !
同埋你音樂可以去度邊聽到邊, 自己哼又得, 心入面唱又得, 你可以邊聽歌邊做其它嘢,
但電影你要坐定定去睇, 人越來越大...係屋企內更有家務要做下, 結咗婚有仔女嗰d重忙,
邊有可能坐定定睇戲, 但邊聽歌邊做家務都得嘛, 相對性音樂彈性強好多 !
C: 啱呀, 我身邊有位朋友, 佢以前睇碟係等老婆同個女瞓咗先有時間睇!
K: 咪係囉!
K: 同埋以前有d古典音樂遺留落嚟有d有幾百年歷史, 佢遺留得到而家一定有佢欣賞價值,
電影唔係冇經典遺留落嚟, 但你睇番會覺得個時代速擊太大, 藝術電影會好d, 如果係潮
流電影, 例如一百年前一部動作黑白片好經典, 遺留到而家播比你睇, 但你一定會覺得
好out, 但音樂唔會, 你聽幾百年前d古典都無問題, 始終音樂思想空間大!
C: 其實二手市場今時今日, 究竟實況係點 ?
K: 以前初初開舖我哋係唔憂收唔憂賣, 好多人嚟放碟, 賣更加無問題, 因為我標$100
無人買, 我可以改標$80, $60......最終都一定有人買! 後嚟開舖幾年後開始越嚟越少
人放碟 !
C: 咁d人係放比其它嗰幾間 ? 定直頭冇人放 ?
K: 係整個二手市場問題, 唔會話一間特別多! 係嗰樣野得就一齊得, 唔得就比你一間做獨市
都唔得 ! 你睇樓上賣電話殼嗰d, 越開越多, 你唔好理同場咁多間, 佢哋又做到搵到錢!
所以多係唔緊要, 最緊要係有得做 !, 但而家交租都唔夠 !
C: 賣呢 ? 減價都無人買 ?
K: 你唔好講我哋二手, 買一手嗰d CD舖, 你睇而家香港有幾多間 ?! 我諗信和叫最多la,
有d區直頭一間都冇, 以香港八百萬人口, 每區一兩間都做唔到 ! 一手都少人買, 可況
二手!
C: 又係, 而家二手舖得信和同188最多 !
K: 咪係囉! 都係做唔到, 香港租金貴, 時間唔容許你守住或者等機會, 唔同外國租金平,
你可以邊做邊試發展方向, 唔好講租金....而家連基本開支都搵唔到, 所以冇得做 !
C: 好la, 今次又阻你咁耐, 大家老友客氣嘢唔講la, 下次食飯我嘅 !
K: 多謝先.....
C: 多乜謝呀, 我請你去食飯嗰度, 但冇話埋單.....
K: {:6_146:}
C: {:6_174:}
全文完
Collection心聲 :
如果你睇到呢度, 就代表你睇完整個訪問, 係度再次多謝大家,
仍然係唔敢話寫得好, 但起碼咁寫實嘅post, 感覺算小有, 所以
我Collection, 仍然誠意推介比大家!
{:8_387:} {:8_387:} {:8_387:} {:8_387:} {:8_387:}
有心有力,值得支持,唇兄,期待你下一篇訪問{:6_193:} 確實完全正確講出左二手CD市場面對嘅問題!但仲有遺漏重要嘅point
(Post76 Android 手機版送出) {:6_193:}{:6_177:} 謝謝 ....Collection{:1_351:}{:1_351:} Collection C-hing, 謝謝你的專訪, 好野!尤其係K2編號和磨碟!
希望下次有空說說 白版碟,sample碟事跡(如有)和網上拍賣碟等等,謝謝.
{:1_351:} {:1_351:} {:1_351:} 本帖最後由 lamwaikit007 於 2014-7-7 02:32 編輯
謝謝Collection兄的文章。
個老闆有冇解釋為何少了人放碟?
是否就是 "連一手碟都冇人買，又何來有2手"?
最正個point是個唱片盒點解越整越大舊。
但黑膠會否重新流行，對我來說，未敢同意該位老闆所說。
再一次謝謝你的六個帖(連埋藍光碟 及 序言)。 唉.....................越睇越唏噓
手機耳機呢d幾千蚊一部都大把人爭住買, 相反, 幾乎好多年無乜受通脹影響只賣一百幾十的CD卻越黎越少人買
申利 : 我都係用幾千蚊手機, 但我照樣會買我喜歡的歌手的CD 首先你寫得好，好認同依家做唱片好難做，但係我自己唔係咁鍾意大部份D歌星都唱口水歌，無耐接受~~ {:6_194:}{:6_194:} 多謝Collection師兄分享，睇完晒BD及CD篇，獲益良多，謝謝{:6_162:}
(Post76 Android 手機版送出)