暑假補習班2014~(完成最後一款 29樓Batman Arkham Origins小評)
本帖最後由 @肥狗仔@ 於 2014-9-1 01:27 編輯大家都知我平日係好少時間打機，所以今個暑假同往年一樣都盡量玩多少少...當然係指舊game。如果今次可以完成到4至5款都叫做超額完成喇。
上年紀錄
進度:
Grand Theft Auto V - (已爆~ 2樓小評) - 9/10分
Assassin's Creed III - (已爆~ 7樓小評) - 7.6/10分
YAIBA Ninja Gaiden Z - (爛尾~ 9樓小評) - 不予置評
Assassin's Creed IV Black Flag - (已爆~ 21樓小評) - 8.4/10分
Batman Arkham Origins - (已爆~ 29樓小評) - 8.8/10分
本帖最後由 @肥狗仔@ 於 2014-7-3 21:43 編輯
感覺打咗成個月，最後以happy ending爆機，支線任務盡做(收集元素除外)，完成77%。想繼續打都冇心機打落去。一黎個人唔太好sandbox，二黎遊戲都未吸引到要人廢寢忘餐的地步。所以都唔講太多，只能夠讚揚R星喺放開式遊戲處理上確係有一手。特別係今集玩三主角，每個角色的主線及支持排序上會花去唔少功夫，故事都頗為精彩的。@肥狗仔@事前擔心不時轉用唔同角色可能會影響代入感，不過出黎嘅效果比想像中要好，唯獨個人厭佢部份角色個性唔夠突出，好似中後期Trevor氣場絕對力壓於其他人物，搞到Franklin好似成個鵪鶉一樣。Michael個電影夢其實可以有更多玩法上的延伸，但可惜最後都係跟劇情走的。同樣道理，打劫任務其實可以整埋分支任務。
相對GTAIV，今集算係重回正軌，起碼撇除經常掛喺口邊嘅自由度/真實，gameplay都有好多花樣，亦終於可以一嘗做有錢佬嘅滋味。 default有樓有公司有靚車揸，主觀上叫做有個"享受生活"嘅環境，唔再係又係嗰啲哩頭去完做小混混轉頭去打高爾夫嘅違和感。
畫面之前都講過吓，稱得上係上一代主機的表表者，除咗路人甲同屏數量較少之外...整體係款不容置疑的3A大作，期待次世代版可以整多D街頭互動出黎。
個人評分: 9/10
獨立戰爭就是好~
又入手特價game，真係長命債長命還。
@肥狗仔@ 發表於 2014-7-9 15:01 static/image/common/back.gif
又入手特價game，真係長命債長命還。
c兄慢慢享受！
(Post76 Android 手機版送出) jamesbond168 發表於 2014-7-9 16:12 static/image/common/back.gif
c兄慢慢享受！
(Post76 Android 手機版送出)
到時就唔止哩兩隻喇{:6_123:} 本帖最後由 @肥狗仔@ 於 2014-8-1 15:16 編輯
今日終於爆咗機，大概花咗十嶺個鐘，首先我要承認自己俾哩隻game欺騙咗感情同時間。一開始的劇情鋪排其實唔錯，好有倚天屠龍記的既視感。無奈遊戲太多地方影響咗敘事，包括Desmond的現代情節，同埋三日兩頭的時間推進及場境變遷。雖然有關設定無礙於體現史詩式故事，不過講到要細品主角成長的心路歷程，Ubisoft仍然要向Naughty Dog學習學習。
故事都由佢喇，Assassin’s Creed以本人有限嘅經驗深知到主線可以好快完成，加上今次加入海戰，可探索嘅範圍都唔少，所以未入到紐約之前本人已經將波士頓及開拓地的堡壘逐一攻陷。而重點係因為先前見預告片入面主角可以飛簷走壁，又可以扮泰山喺樹林中飛舞，以為今集的暗殺及逃脫過程會非常有趣。點知由拔刀果一刻起...我@#%#&，打到好似無雙咁樣。我唔明點解主角咁好抽都仲要扮刺客，哩條友根本就係做劍士的料，心唸佢老母一定揀錯職業。
之後玩到中後期，對於一大堆暗殺任務﹑解放任務，本人一邊掛住劉馬車嘅金句: "面對死亡，我唔害怕"，一邊砍殺英兵。老實講，主角的通緝令已經非常容易就可以一筆勾銷，哩家敵人仲要咁弱，堡壘四面圍牆亦擺明車馬叫你硬碰。有時比人發現想體驗下走佬滋味，事後都會覺得自己攞苦黎辛。可見遊戲根本上喺設計階段就出咗問題，之後平衡工作又一錯再錯導致如此局面。
另外遊戲地圖其實都有做成開放式世界的潛力，但實際上玩家仍然要好似RPG咁樣切換版圖。既然稱得上當時系列最大投資，有咁嘅要求其實都唔係強人所難。而最唔能夠接受係支線任務除左家園任務還算有點新意及完成欲，其他都係千篇一律的內容，就好似紐約同波士頓的建築物，都係同一批建模配上不同擺位而已。所以喺紐約打滾咗一段時間後@肥狗仔@就正式向支線任務說不，拒絕再浪費時間(利申: 非成就犯)。
今次本人好似插得隻game好金，都講下值得一讚嘅地方。除左故事之外，海戰絕對係本作最大亮點。簡單的操作換來無比快感，雖則話與岸上的內容一比之下有點牛頭不對馬嘴，亦增添咗抽離感，但講到尾對流程有好大程度的調節作用，如果冇咗海戰本人真心恐怕自己捱唔到去爆機。
哩隻《Assassin’s Creed III》稱得上又一典型商業化的犧牲者，希望黎緊嘅《Assassin’s Creed Unity》會讓刺客們做返自己嘅份內事。
個人評分: 7.6/10 緊接係稻船敬二的作品《YAIBA Ninja Gaiden Z》。哩隻game自推出後劣評如潮，但見幾過癮就買返黎試試。遊戲什麼先唔講住，就係份說明書己經係近年見過比較厚道嘅一本。
本帖最後由 @肥狗仔@ 於 2014-8-11 09:44 編輯
最近前所未有的忙，不過未阻本人打機嘅熱情，本來係咁...之不過哩隻《YAIBA Ninja Gaiden Z》就連@肥狗仔@都要"退讓三分"。今日返屋企第一時間唸緊繼續打定直接出review，一輪掙扎後終於敵唔過自我，此因真心哩隻game玩一個鐘已經大概知道佢成個流程係幾咁重覆同苦悶。
首先要講係遊戲流程，本人玩左兩三粒鐘過咗三版，入面基本上就係斬喪屍 > 跳躍攀爬 > 稻船敬二的拿手惡搞，然後不斷循環。換言知你唔會喺本作中搵到任何新意。特別係關卡設計極之平庸，喺每章分開唔同關卡計分嘅情況下，重重覆覆的味度就更重了，所有場景就係為襯托喪屍，或者for你去玩忍龍戰神混合式的攀爬，果堆所謂解迷機關好似敷衍一樣了事，純粹搞笑都仲OK的。即使喪屍小卒仲可以令你爽翻夠本，但數量之多加上又係得一兩度板斧，玩家唔覺得膩都遲早斬到手軟。@肥狗仔@ loop咗幾次之後發現唔對路已經萌生收機之意。
話分兩頭，好多遊戲都著重遊戲性，關卡什麼都係浮雲。又睇下今次個系統，雖然遊戲主打群抽喪屍，但明眼人一睇就睇得出係戰神加無雙的混合體。遠程用"雅典娜之刃"，近距離則用唔洗用劍嘅"黑旋風"。最攞命係操作上，如果你係玩PS3版就有福喇，因為X360版竟然用RB緩充鍵做擋格，仲要無得改。@#$%*&，此舉令我懷疑開發團隊究竟有無測試過遊戲。你PS3打鎗game識用L1/R1，哩家輪到X360玩動作game又唔識調返轉頭用Trigger，受害嘅就係我哩種玩家，打到遴遴迍迍不突止，仲要成肚氣。
今次冇爆到機就唔出分，@肥狗仔@只可以話玩《YAIBA Ninja Gaiden Z》較easy模式先係最理想，因為你可以享受到爽快嘅喪屍殺戮，但如果係認真mod咁哩隻打住忍龍旗號嘅遊戲由設計同操作上都係玩家嘅一場惡夢。稻船兄，你話日本遊戲未死都要立論有據先得架@@
個人評分: 不予置評 明白{:6_234:}