Collection信箱 ~ 二手市場專訪 - CD篇 (上篇)
本帖最後由 Collection 於 2014-7-13 11:38 編輯以下訪問內容,
並不代表 "Post76玩樂網" 立場
Collection信箱 ~ 二手市場專訪 - CD篇 (上篇)
要數二手碟舖, 旺角信和中心一定係首選, 我諗呢度應該冇乜人未去過,
今次就搵來它做訪問
當大家睇到呢篇訪問時, 旺角信和中心"古今"已經結業, 但唔緊要 !
正正因為佢結業, 所以訪問更無保留, 有嗰句講嗰句 !
"古今"老闆Ken, 2007年開業至今, 八年時間裡, 可為見証影音嘅成長路!
以下就透過這訪問, 讓大家對呢個日行夜行的地方, 加深一點了解!
C代表 Collection
K代表 "古今"老闆Ken
C: 講下CD其實又係點樣厘定二手價 ?
K: 最直接都係睇正價幾多嚟定, 咁你定價有咗, 二手價自然容易定!
C: 都好似blu-ray咁, 一新出果嗰禮拜你就放, 咁就可以7至8折回收 ?
K: 可以咁講.....
C: 但而家新個輩d歌星其實唔賣得, 咁你無理由再用正價去定價收架 ?
K: 理論上新出果嗰禮拜都重ok.......係以前嚟計呀 !
C: 以前係講緊幾耐 ?
K: 都已經係講緊四五年前嘅事 !
C: 嘩......咪好耐!
K: 總知以前新cd正價100, 我哋二手收60, 再標價88都好快就賣走, 但而家個
d唔知點解真係唔得, 你唔好講噏唔出名個d, 噏得出新個輩嗰d名, 佢哋d碟
都係唔賣得 !
C: 咁都係老一輩嗰d先賣得 ?
K: 都係, 所以而家d人不斷咁追求d翻出囉 ! 但係咁樣有個問題, 嚟來嚟去都係個d歌!
C: 或者唔翻出而家都不斷舊歌翻唱!
K: 最大問題係變咗無創意, 熬嚟熬去又係咁嘅歌! 而家我覺得個d舊版炒碟其實
係一個泡沫, 日後一定死, 打個比喻 : 陳百強隻碟, 可以炒到一萬蚊隻, 但係你諗下,
十年後可能已經無人接手, 你明唔明 ?
C: 因為而家新一輩已經唔識邊個陳百強!
K: 係喇, 到嗰時咁邊個接手 ? 到時重有幾多個阿叔會買 ? 到時無咗需求, 咁d碟咪變番
一個最低價!
C: 算新一輩唔會買番舊歌星, 咁佢哋唔會支持自己偶像, 買番d新一輩嗰d歌星 ?
K: 算la......而家呢代o靚仔o靚妹邊會買碟, 你睇佢哋d電話, 有邊部唔係DL咗幾千首歌 !
C: 一笑.............
K: 其實係而家文化真係改變咗, 你睇重有幾多新一輩係用CD機聽歌 ?
C: 咁又係, 其實我都冇CD機.....哈哈!
K: 咪係囉, 我自己都唔知幾多年無用CD機聽歌 !
C: 咁不如轉下話題, 其實CD分咁多乜K2, SACD, LPCD, 7N, AMCD, XRCD, HDCD......
係你哋二手市場其實係點睇 ?
K: 其實係信和呢個二手巿場只係分發燒同唔發燒兩種 !
C: 咁我有時見CD寫住早期銀圈, 又乜東芝, 天龍靚版....發燒友必儲.....咁嗰d算係發燒碟 ?
K: 唔算, 呢d其實叫中古二手收藏碟 !
C: 中古 ?
K: 即係一d高價二手收藏品, 你當古董就得!
C: 咁通常貴係因為佢停產咗, 定真係咁靚聲所以貴 ?
K: 你當佢係一個清朝花樽, 清朝時代造出嚟, 遺留到而家,
咁今時今日d人搵就係因為佢係清朝, 係儲佢個年份 !
C: 我對CD其實乜都唔識, 咁CD有冇分入門版要聽乜 ?
K: 其實無, 但如果你玩專業就要玩埋年份........
C: 嘩! 聽見都頭痛, 有冇簡單d !
K: 咁首先你要了解下自己想聽純音樂定有人唱 !
跟住再分你想聽Rock, Jass, 古典, 發燒碟, 中古, 舊版, 新版定流行曲 !
之後專注咁上網搵下料, 睇下Hifi書, 唔同機配唔同喇叭又唔同聲, 你真係研究
其中一門都有排玩 !
C: 咁當我撰流行曲呢 ?
K: 咁你又可以試下你鍾意聽舊版定新版流行曲, 買d新舊版比較下d聲, 咁慢慢
你就搵到自己想聽乜 !
C: 你話買d新舊版比較下d聲, 如果我得部最普通嘅CD機又試唔試到架 ?
K: 同一隻CD新舊版, 用普通嘅CD機係一定聽得出 ! 但如果兩隻都舊版, 或者兩隻都新版,
咁就未必分得出 !
C: 未必分得靚聲同唔靚 ?
K: 錯la, 其實我唔係話新舊版邊隻靚聲d, 只係話有分別, 有d人只愛舊版夠原味,
有d人鍾意新版d味精, 所以各有支持者!
C: 味精係乜 ?
K: 比喻而家d新版碟, 鍾意做到好清, 連口水聲都聽到埋, 令你第一次聽就覺得好舒服個d!
C: 咁發燒碟有乜架 ?
K: 有好多, 例如結他, 小提琴個d都有, 係會上到Hifi發燒榜先算真正發燒碟 !
C: CD我一d都唔熟, 咁大路d嚟講...... ?
K: 或者你簡單d睇, 係二手市場流通分三種 : 中古, 發燒同普通CD !
C: 咁發燒碟內重有冇分 ?
K: 好似有d XRCD出嗰d發燒版, 係有分新舊版,舊版嗰d唔算係發燒碟, 但舊版再
番出新版, 寫明發燒制式嗰d真係整靚咗, 變咗新版先真係叫發燒碟 ! 但各有各喜好.
有d人聽開舊版就只儲舊版, 聽開新版就只買新版, 完全係兩班人!
C: 另外有個版友"jt24"想知二手價係咪隨住強人口袋裡面嘅銀兩多少而升跌嘅呢？
K: 一定la, 大部份其實都係比大陸人炒貴咗, 有咗需求, 變咗我哋肯比多d錢收, 賣出
個定價自然亦高咗 !
C: jt24........知道答案la{:8_390:}
C: 咁講唔講得用幾多錢去收個d炒碟 ?
K: 唔....(孝慮中的表情)
C: 你都就執la.....講出嚟la{:1_330:} ........
K: 其實無一個定位, 但通常公公度度用賣出價一半去收 !
C: Oic...........(以上收碟價並不等於其它二手舖)
C: 咁通常都係香港人放, 但就比大陸人買走 ?
K: 緊係la, 大陸人要放都係上面放, 點會攞番落嚟香港放. 佢哋上面大把人收la !
其實咁樣係一個問題嚟, d碟比大陸人買哂上去, 你以為賣得出有錢搵到, 去呀!
張d值錢舊版賣哂比大陸人, 但最終係香港嘅舊版只會越嚟越少, 本身已經唔多,
最後都導致我哋無得做 !你問我......我情願放比香港人la, 我當你係一個收藏家,
我今日賣比你 !
C: 佢終有一日係唔儲會放番出嚟 ? !
K: 無錯la, 咁樣先有流通有得做, 上咗去, 最終只係大陸流通 !
C: 之前訪問blu-ray嘅時候講過, 大陸人係唔多買影碟, 多數睇老番, 咁點解
CD碟d 大陸人又會買呢 ?
K: 幾個要點 :
1) 香港人而家文化係講方便, 後生個輩乜都講一部電話攪惦, 佢哋唔會再買隻碟去
支持偶像, 佢哋角度係DL咗就叫支持咗, 已經唔再會買返去! 變咗無人承接買碟呢個習慣 !
2) 相反大陸人承接到呢點, 佢哋後生個輩係會落嚟買番d偶像野, 發燒個班又會落嚟買
番d中古, 佢哋唔係為聽, 你話大陸真係聽歌個班大把野聽, 佢哋大把打口乜都有得聽,
落嚟買就係為咗想儲個件產品去支持偶像, 好似我哋90年代d偶像, 以前係好賣得,
但你諗下而家香港後生個d重有幾多個搵黎明, 郭富城個d, 呢咁多年我都唔知丟幾多,
但而家仍然有大陸人嚟特登搵, 現實睇承接呢方面變咗真係靠佢哋買落去 !
3) 佢哋有d地方重out out地, 停留咗重聽緊90年代d歌, 而家佢哋有番d錢咪落嚟買番 !
C: 咁而家香港新E輩個d歌星, 係咪連大陸人都唔買 ?
K: 緊係la, 買嚟做乜 ? E輩個d歌星已經唔係賣歌藝, 佢哋係賣整個人出嚟 !
C: 咁而家二手香港邊d歌星較為多人搵 ? 計未退休又在生個d
K: 陳奕迅, 周杰倫....... !
C: 周杰倫重得咩 ? 我見佢係香港而家無咁勁 ?
K: 佢係大陸好紅嘛 !
代續..............
首先多謝各位睇完上篇{:8_387:}, 大家感覺點呀 ? 我自己唔敢話好睇,
起碼我問d問題可能唔夠專業, 始終CD自己真係唔熟, 係呢度班門弄斧了,
但已post嚟講應該算有新鮮感比大家, 我Collection仍然誠意送給大家{:1_249:} {:1_254:}
好了, 又嚟睇睇下期精彩預告{:1_330:} :
古怪CD包裝背後, 係一個陰謀 ?
新一輩歌星唔靠賣歌藝, 咁...靠乜搵錢 ?
呢d錢...無限食la! 食嘅一方會係何許人 ?
舊歌翻唱(口水歌), 是好 ? 還是不好 ?
CD打磨過的前因後果, 替你描述 !
首批made in japan 或德國壓縮, 真係靚聲d ? 係二手市場又點睇
二手市場今時今日, 究竟實況係點 ?
全部精彩內容, 盡收錄於下篇中{:6_229:}
Collection信箱 ~ 二手市場專訪 - CD篇 (下篇) is coming soon 始終係業内人，終於講出古董衣個point
(Post76 Android 手機版送出) 師兄個訪問{:6_193:}
陳百強舊版CD有無機會跌番$200以內{:6_187:} mhc 發表於 2014-7-1 15:32 static/image/common/back.gif
始終係業内人，終於講出古董衣個point
(Post76 Android 手機版送出)
清朝個比喻{:1_347:}
反而舊版英文CD無炒到咁誇 粗人敵卡 發表於 2014-7-1 15:46 static/image/common/back.gif
清朝個比喻
反而舊版英文CD無炒到咁誇
舊版英文CD一樣噤誇!只不過英文CD全球發行，量較大，中文CD只在亞洲，對比起上嚟量較細，加上近十年内地對中文碟嘅追捧因素，先令到舊版英文碟相形見拙
(Post76 Android 手機版送出) 粗人敵卡 發表於 2014-7-1 15:43 static/image/common/back.gif
師兄個訪問
陳百強舊版CD有無機會跌番$200以內
我個人認為
陳百強某D舊版CD係絕無機會跌番$200以內
例如 痴心,85/深愛著你 sony 版, 三洋果幾隻
跌一半已經唔少人會出手買
而高價買得呢幾隻o既人, 我估寧願打爛佢都唔會$200放出黎(以今日幣值計)
結業了可惜…… 本帖最後由 agic 於 2014-7-2 13:45 編輯
mhc 發表於 2014-7-1 15:52 static/image/common/back.gif
舊版英文CD一樣噤誇!只不過英文CD全球發行，量較大，中文CD只在亞洲，對比起上嚟量較細，加上近十年内地 ...
估吾刀果日本全球第一，搶闸广左爱自由但更爱荷包个point
又甘岩，甘多HK人5中2既<自由>神撑HK CD{:1_350:}
自由冇价，HK精神{:6_237:} 不得不面對的事實，D CD 還有多少人能承接下去。{:1_248:}
雖然 COLLECTION兄 不是聽開 CD ，但更加能中肯地 說出 CD 界 的現況。
繼續等埋下集。{:6_138:} COLLECTION 兄有心做，{:6_229:} 小弟拜服！{:6_193:} 感嘆是喜歡的東西少時沒有多錢買，現在己淪為炒買物品！聽隻唱片都難！{:6_191:}