louis001 發表於 2014-6-15 23:04 static/image/common/back.gif
其實或者咁講 條X號碼 吹左幾個月後的吹既人就潛晒水兼大把人大量出貨
紅腸吹左幾年 都仍然有好多師兄願意 ...
師兄講左我想講嘅嘢。{:6_193:}
只係希望唔好神化一條二百零蚊呎嘅入牆線，世上有好多其他選擇，線材亦唔係靈單妙藥，唔係所有問題都可以用線材同fuse救得到，
留意一下鍾意玩calibration同diy器材嘅人多唔多玩線材，再諗諗點解，當然hifi係個人娛樂，錢點駛無人阻到你亦無人有權干涉，
咩叫識玩，唔同觀點唔同角度，不過喺76就嚟七年，眼見成個影音版效為有啲技術性嘅討論少之有少。
louis001 發表於 2014-6-15 23:04 static/image/common/back.gif
其實或者咁講 條X號碼 吹左幾個月後的吹既人就潛晒水兼大把人大量出貨
紅腸吹左幾年 都仍然有好多師兄願意 ...
睇咗十幾頁紙, 都諗咗陣講唔講吓嘢, 不過作為POST76會員, 有嘢分享係好正常, 小弟都唔知會唔會比人插, 大概回完就算, 唔想成日見到有爭吵....{:8_395:}
好多師兄新手都會鍾意上嚟POST76問吓嘢, 因為POST76係玩樂網亦係新手網, 的確係有好多啱入門師兄睇既POST~~!! (小弟都係新手所以啱睇, 不過有時都會去望吓hiandy睇高級嘢~~!! {:8_368:} ) 但係各位睇POST既師兄有無留意3個重點:
1. forum都係睇字, 唔會有聲你聽, 唔係毒氣室, 就算有幾高資歷乜金乜鑽大師講嗰樣嘢有幾勁幾好幾抵幾應該要入手都好, 你始終都係得個"睇"字~~!! 咁究竟盲目去相信定點? 可能你要喺呢度多啲時間去真係"認識"啲會員. 小弟有幸都真係"認識"某一啲會員, 知道佢哋既喜好器材, 甚至去過家訪等等, 咁起碼你都會知佢既嘢有"幾多成"你係可以去信. 而呢"幾多成"既信任先吸引到你去親身試吓佢介紹既嘢....盲目睇post買嘢, 雖然小弟都試過, 但係衰咗我唔會出post去話人呃人, 可能係唔夾自己, 可能係自己太心急, 乜都好, 其實係自己唔啱, 唔關人地推介嘢事~~!! {:9_436:}
2. 究竟大家知唔知自己其實係鍾意啲咩? 王羽大哥棄x25/x40/x60要紅腸, 小弟就棄紅腸要x25/x40/x60, 但小弟從來都無講過紅腸係唔得唔好買, 小弟問過晶爺借紅腸返去試, 紅腸比到我既viablue比唔到, 同樣viablue比到我既紅腸做唔到, 根本係風馬牛不相及既2樣特色, 何來比較?? 只係去揀咗夾自己器材令自己耳仔同荷包都舒服罷鳥. 我自己覺得, 你自己器材出嚟既效果唔係會放出嚟比全世界人聽, 要交待既唔係別人, 而係自己. 唔知夾唔夾, 咪試吓問人借嚟試, 小弟都試過借線比人, 有人即買, 有人覺得我耳仔有問題. 不過對我無咩所謂, 反而係幫到人揀啱嘢~~~!! {:8_376:}
3. 我諗呢度有95-98%既人小弟都係唔認識, 而玩AV/HIFI既人就一定係主觀, 因為AV/HIFI本身就係一件主觀既事情, 小弟老闆唔會明白我用咗咁多錢放喺呢度為咗出某一啲聲嚟做乜, 但就係呢種主觀會令我好深信某一啲器材. 主觀唔係問題, 但"排外"就有少少過份. 有人認同自己當然係開心, 但唔認同唔代表自己有問題, 耳仔荷包都係自己既, 只係需要同自己交待就可以啦. 無謂爭吵邊個係打手邊個係啱邊個有問題....{:9_431:}
以前呢度既氣氛真係好唔同, 大家會好肯去share, 好肯去講, 唔怕啱與唔啱, 因為大家比較理性, 講出某啲器材既特性分享, 自己諗啱唔啱自己. 但係呢1-2年, 真係唔知點解睇POST嘈咬多過分享, 結果好多老朋友都唔再出現, 出現都只係吹水唔分享, 因怕被插被圍....我唔知點解要咁, 就算真係有利益關係, 唔啱睇咪唔睇囉, 無謂一個問題引發咁多言論....{:6_194:}
小弟純粹舒發個人感受, 不喜勿插~~!! {:8_387:}
ykluk 發表於 2014-6-15 23:47 static/image/common/back.gif
睇咗十幾頁紙, 都諗咗陣講唔講吓嘢, 不過作為POST76會員, 有嘢分享係好正常, 小弟都唔知會唔會比人插, 大 ...
冇辦法，分享就俾人話係打手出黎昆人搵食
想真心分享嘅師兄見到都怕怕啦
希望76管理層可以正視呢個問題，有d貼真係離題離到離晒譜
alpinweissM 發表於 2014-6-16 00:01 static/image/common/back.gif
冇辦法，分享就俾人話係打手出黎昆人搵食
想真心分享嘅師兄見到都怕怕啦
師兄, 你提醒咗小弟一樣嘢未講.....{:8_387:}
有好多時小弟見到有POST有爭吵都會想POST76管理層出嚟搞搞佢, 咁但係點樣去"搞搞佢"呢~~??? {:9_419:}
需知道呢個係一個forum, 係比人討論吹水既地方, 除非有太過份人身攻擊粗口呢啲嘢, 唔係既話POST76管理層suppose係對任何會員所提出既意見係中立既. 咁既情況下POST76管理層就唔係太應該為咗唔同人發表唔同意見就去"搞搞佢", 咁就太專權喇我覺得.....{:9_428:}
例如POST76做過viablue sommer等等既嘢團購, 但有人可能會覺得viablue sommer嘢唔啱自己, 就出一啲POST去講, 唔通咁樣POST76管理層又"搞搞佢"?? {:9_422:}
我諗唔係咁囉....{:6_238:}
P.S. 可能有師兄以為小弟係POST76管理層, 但我可以好肯定咁講唔係, 小弟都係一個會員一個玩家, 只係出席活動多認識咗POST76既管理層, 有時佢地想搵人幫手設計嘢而小弟有時間都會幫吓手, 從來無錢落過袋, 亦無興趣參與任何POST76管理層事宜~~!!
ykluk 發表於 2014-6-15 23:47 static/image/common/back.gif
睇咗十幾頁紙, 都諗咗陣講唔講吓嘢, 不過作為POST76會員, 有嘢分享係好正常, 小弟都唔知會唔會比人插, 大 ...
師兄講得啱，理性討論少左，我都見到有人辱罵網友，所以有d勞氣~
大家就算網上世界都應以和為貴，理性討論分享，最緊要開心~
我自己都成日講，大家器材，環境，口味都唔同!!
根本就不能有絕對答案!! 唔同師父就唔同玩法，點拗都冇結果架啦~
器材線材唔係講平貴!!最緊要夾!!
離題野唔再講喇~
{:6_146:}
本帖最後由 臭鼬鼠 於 2014-6-16 00:41 編輯
viablue sommer我都仲用緊、
但已經被吹到一文不值、有新手想問呢兩條線既話通常都會被推去玩屎同腸
可知平有平玩、因為我窮
wadee 發表於 2014-6-16 00:23 static/image/common/back.gif
師兄講得啱，理性討論少左，我都見到有人辱罵網友，所以有d勞氣~
大家就算網上世界都應以和為貴，理性討 ...
理性討論已經唔係人人懂. 亦不打算去專重別人.
只因是網上世界, 有人覺得以禮待人是沒有必要了!
現金論壇風氣大多如此. 只能一笑置之!
可惜的是, 少了分享, 換來的是沒完沒了而沒素質的筆戰. {:6_194:}
ykluk 發表於 2014-6-16 00:16 static/image/common/back.gif
師兄, 你提醒咗小弟一樣嘢未講.....
有好多時小弟見到有POST有爭吵都會想POST76管理層出嚟搞 ...
我明白76討論區係一個吹水討論嘅平台，如果每個post都離題而冇人管理，咁其實使咩分區分topic？一個大topic任人吹未得囉！
管理員唔係下下要ban人封post先叫做野，一個post離題，管理員嘅責任係要將個post帶回正題，至於點做，作為一個會員唔應該干涉，但絶對係可以參考一下外國d成功嘅av / hifi forum。
至於forum跟商品/代理嘅千絲萬褸，我相信不作深入討論為妙。
Just my 2 cents
臭鼬鼠 發表於 2014-6-16 00:39 static/image/common/back.gif
viablue sommer我都仲用緊、
但已經被吹到一文不值、有新手想問呢兩條線既話通常都會被推去玩屎同腸
可知平 ...
根本唔關事. 當時依2條線都好多人推介
只不過依家講到'另一條線'點好點勁
