《三日限殺令》(3 Days To Kill)… J J小評
本帖最後由 jayjay 於 2014-8-31 16:47 編輯因為Poster既介紹，什麼洛比桑繼(Luc Besson)繼 《救參96小時》(Taken) 後重火打造又一動作系列，更狠辣！更刺激！咁既標題想殺死人咩，所以乜都唔理就吸引左我去睇，睇完之後，超~~~~~真係一半水準都無，所以like呢套戲既朋友，我同你應該話不投機，你可以停止繼續睇呢個影評落去勒~~~XDDDDD
故事係講男主角係一名退休CIA，老婆因為佢既工作離開左佢，同個女關系又係麻麻，(妖~~~仲唔係Taken翻版，翻版唔緊要，最緊要夠緊張刺激) ，加上奇雲個造型都幾正，同埋一開波酒店果段情節，果然係《Taken》翻版，巧剪張啊！
不過越睇越覺得唔對路，可能套戲想描述多d父女既關系，但佢個囡個角色勁唔討好 (當然個樣唔靚係其中一個因素) ，而奇雲一到重要關頭就暈，妖~~唔係一次、兩次，係要三次都係咁，你暈夠未呀！套戲對我黎講唯一賣點只有女主角，戲份唔多，但養眼程度真係唔錯，但點唔錯都救唔到套戲，劇情鬆散，樣樣都想講o下，而女主角忽然出現救男主角果o下又好鬼神出鬼末feel，完全比唔到男主角有危險感。
總結：呢個題材其實都幾難拍得咁唔好睇，今次佢做得到，如果從新比我選擇，相信我係唔會睇呢套戲黎浪費左我兩個鐘頭既光陰。
agree. 本應好期盼, 聽完有D失望但都會一看.(I LIKE 奇雲)
可能看完師兄的評價會無咁大希望,反而會好睇左{:8_386:} 好似唔錯咁{:6_139:} 本帖最後由 jayjay 於 2014-8-4 13:51 編輯
great report{:6_139:}
頁:
[1]