今日試下調較十仔相位
本帖最後由 stm 於 2009-8-30 01:06 編輯器材: Yamaha DSP-A1, Mirage MX-HT, PS3
之前見到其他c-hing post 點樣較相位，自己download左隻碟黎試。
AMP 分頻點係90Hz，十仔係set左bypass
既然係90Hz.......就由track 9開始。跟住再去track 8..7...6 (Hz 越黎越低)，但係我摸下個十仔，好似無乜震咁，反而個中置就震到死死下!! 覺得好奇怪，於是睇下AMP入面speaker size setting，中置我係set 左 Large 我將佢set 番做small，d 低音即刻出番晒，我十仔震到飛起!! (原來一路都set錯左{:6_123:} )
試番Dark knight頭一段，多左一浸低音 (我又換埋QED Ref. Sub {:6_158:} )，同埋中置人聲清左，以前對白唔係聽得好清，依家唔睇字幕都聽到佢講乜。
跟住再去track 5...4....3......T3 已經聽唔到聲，去番track 4，發覺有震聲，應該係釘腳唔平，較一較個位好番d.....但都係有少少震，我諗要搵重野壓住佢先得!!
去番track 9/10 較相位，零度時感覺上d低音全部係十仔個邊出咁。一路較d聲開始大
去度二百幾就最大聲，跟住就細番d，但d聲就好似響中置個邊出黎。
如果用最大聲個相位，睇戲個時好似有d boom 聲咁，咁我試下較番去近零個邊，又好似唔夠勁......由於已經夜深，只好明天繼續。
唔知有無ching可以分享下點決定邊個相位係最好呢? Good try...你未試完...{:6_148:} 大至上有四個位，零度就響晒十仔發聲咁。
去到九十度左右就開始感覺到兩邊發聲。
大約二百度就最大聲，跟住就向左前面聲道發聲咁。
我試最初響十仔個邊發聲，低音好似軟左腳咁。
跟住就試九十度，再去百幾二百咁上，分別唔係太明顯，最後就用左二百度，自己感覺良好。
好奇怪set左中置做small之後，除左對白清左好多，surround 都明顯左，兩邊走呀，後去前都好感覺到。
Dark Knight 一開始影住大廈個度，原來係有d好細聲兩邊走，我之前一路都聽唔到，但係今日就聽到.......
不過Ironman 山洞個段始終都係唔好，成日都覺得d 聲怪怪地。
鐵甲人行出去一步一步，依家比以前好，唔會有好大boom boom 聲，聽到係結實一下下。
但係硬係覺得行行下又少左d聲咁........唔知點形容........最好可以去聽下人地播出黎係點!! 學到野!{:1_337:} {:6_139:}
頁:
[1]