「天下無難事，只怕有心人」——Parco家訪體驗
本帖最後由 Bomb_Dance 於 2014-5-7 11:59 編輯首次留意到Parco是在post76上的某主題，及後我在某一次tst123的家訪中遇上了Parco，並聽他提及一些數碼音響理論後，開始令我覺得他相當有意思。我也是CAS用家，不過表現一直受限卻苦無對策。最近聽到Parco府上的CAS大有提升，心想或許是一次很好的取經機會。
先說一下Parco府上的環境吧，當日我一上到去，便覺得相當不妙。喇叭上的高音，長得很像鴨寮街路邊的便宜貨。而且Parco家的音響環境其實相當糟糕，放在櫃上的喇叭；喇叭距離才50cm左右；喇叭之間放著電視和後級；喇叭離後牆也就50cm左右。種種問題都是死症，我心想好聲有限……應該是不衰聲已經要偷笑。
結果我在這次家訪第一次被打臉了。
當Parco一播某德國版的《Carmen Ouverture》時，我真的相當意外。沒錯，音場左右規模比起一些喇叭距離更大的系統小，但還是能夠感覺到音場的存在。真正令我意外的是音場的前後規模比想像中要大，明顯感覺到音場延伸到後牆之外。而喇叭的高低頻引延也相當足夠，聲音方面交代明確和爽快。單單是音場已經令我大惑不解，到底是要怎樣做，才能在這麼糟糕的環境下讓CAS發出如此的聲音？
巧合的是，我當日也帶上另一個日本版的《Carmen》到Parco府上。據Parco所說，他的CAS能把音訊檔放到RAM中再播放，使音質進一步提升，所以他先把我手上的CD用EAC轉換成flac檔案，再在Parco的CAS上播放。
結果我在這次家訪第二次被打臉了。
我帶上來的版本，完全比不上Parco本身的版本。Parco說道，他所聽過頂級的錄音，大都是來自德國。最少在這次家訪，我不得不承認，德國版的《Carmen Ouverture》的確比我手上的日本版好。
接下來Parco便很用心的介紹他的系統，我在此做一個記錄。
音效介面︰Echo AudioFire4
前級(Mixer)︰Mackie 1202-VLZ
後級︰H&H MX250
喇叭︰Wharfedale Delta 70
就這樣看上去，任何部分都很親民，線材也是專業音頻用線材，甚至我有部分地方比他的投資更多，只是為甚麼他的系統比我的好上那麼多？Parco解釋道，他對系統電源的投資很重視。比如是Echo AudioFire4雖然本身只是比較入門的產品，但在特別訂製的瑞士EI牛2A線性電源下力量和反應都大為提升。Parco特別鍾情於EI牛，認為EI牛在音響系統中是最佳選擇。後級內的電源濾波電容也曾作改動，令後級電源更穩定。
我喜歡做實驗來比較系統的差異，當日我也帶上Lavry Blue來跟他的Echo AudioFire4作一次簡單比較。
結果我在這次家訪第三次被打臉了。
其實這麼說對Lavry Blue也不太公平，Echo AudioFire4只有Coaxial輸出，Lavry Blue要用轉接頭才能接到Echo AudioFire4，當時也沒有XLR轉TRS的平衡線材，Lavry Blue要用轉接頭用XLR接到Mackie 1202-VLZ。只是當時出來的結果很明顯，Lavry Blue不論在聲音的分離度和力量表現，都比Echo AudioFire4有所欠缺。當然這到底是不是由於線材限制，還是Lavry Blue本身的電源有所欠缺，那就要日後進一步比較才能得知了。
接下來我還是乖乖做一個學生，聆聽一下Parco對於CAS的心得，比如是他如何調整系統的延時，硬件IRQ的調整，以及MMCSS的改動，這些都是我一直以來未曾接觸過的領域。
其實我對於這次的家訪是相當五味雜陳的。我一方面為Parco的CAS系統感到驚喜，Parco不論器材和聆聽環境都比我的差，但看到Parco兄的系統表現至此，似乎我手上的CAS也不一定是無藥可救。另一方面，卻不得不承認自己在音響路上還有很大的進步空間，一想到這點，我又頭痛了！ 大開眼界 大開眼界x2 大開眼界x3{:6_128:} 很有興趣學習一下 我再補充一下
balanced 線：Canare 2B2AT 灰線
喇叭線：Canare 4S8 灰線 (四芯，不過我只用得上兩芯，於是每邊用兩個德國簪二簪一)
兩樣都係好標準的 pro 線，乾淨，爽快，耐用，屏閉力強，所有聲都好均勻，好中性老實清楚無偏聲，耐防火，所以好多政府大會堂，兩大電視台，港台，政府 functions 等都有用佢，佢屏閉強到我見過係後台地下條線槽度同 AC 電源線黐纏打蛇餅都無問題 (但呢個當然係個壞習慣)
仲有我後級用的喇叭線插唔係一般的蕉，叉定裸線，而係 speakon 插
http://en.wikipedia.org/wiki/Speakon_connector
echo 用的 EI 牛其實我之前都係呢度貼過，其中有一粒金屬膜 30uF
http://post76.hk/forum.php?mod=viewthread&tid=176522&highlight=%E6%9D%B1%E6%9D%B1
前級其實係數字台都有好多 pro 師兄讚過，佢地自己都有部玩過，以同價機來講聲底算好超班實惠，不過由於佢係 mixer, fader 全部向上，加上小弟環境好易大塵，用耐左俾塵攝入左 fade同D掣中間，好易造成噼噼啪啪，所以周時有支 CRC 跟身
後級嚴格來講唔算係 hifi 後級，因為 mon 機係唔會有任何 signal filters, 一開聲，成隻碟的所有不論係 detail 定碟 noise 都全部出晒來，所以一般 hifi 唔會聽的聲，係我度就會全部照單全收忠忠實實。
雖然 HH 係純種全英製造，不過原機入面只係有兩支綠色的韓國水塘，但就俾我換成左八支黑色 UK BHC 10000uF parallel，所以佢 bass 快，推極都仲有，不過唯一副作用係，你要等佢大爺熄機真係好很耐，我試過計過一路播歌一路熄後級，啪熄左粒掣之後你都仲要等佢至少廿幾秒都仲正常有歌聽，之後先會聽得到佢好大力好沉的一響下啪一聲，咁先代表全體水塘放電完畢，所以下次如果係我度非要等佢後級熄機不可的話，急性子的人最好熄機後慢慢去廁所交個水費出來先再慢慢等佢
所以其實雖然佢聲稱出廠時 8ohm load 100Hz 下有 >300 damping，我懷疑其實而家已經遠遠超過呢個聲稱 damping，因為電流大左，內阻就可以更低 (echo 隻牛都係同樣道理)，再者我聽佢放電完畢最後果一野啪聲，我懷疑其實到目前為止我都只係有能力煲開其中四支而已。
除左電源，部後級其實仲有做左一個手腳好多人都唔知，其實佢個偏流係被我地故意輕微調大左少少，即係話佢既聲會再比一般的 AB 類更有少少接近 A 類聲底，所以聽落會比一般 AB 類靚聲D乾淨D，失真少一點，但當然不能調得太多，否則就真係變成左 A 類，會好很慶到 PK {:8_379:}
我簡單具體咁講，我將 A 類, AB 類同 B 類當成係酸鹼度的 HP 值，假設純 A 類係 PH15, 純 B 類係 PH0, 而正常 AB 類係 PH7 中性的話，我部後級就係 PH8
德國碟果方面，其實唔止係德國碟錄音最靚，仲要越後期做數碼化越好，因為通常 digital 既野，ADC 技術越新係越靚聲，我細佬有隻 Decca 係 2004 年做數碼化的德國碟，都唔夠我呢隻 ABC 2009 年數碼化的德國碟靚聲：
http://www.abcrecord.com/pro.asp?id=312
呢隻碟係一時好多發燒友的試音碟，連科寶的老細都有入過
不過其實英國碟都唔差，我有兩隻英國的流行碟分別係 Jamiroquai 同 Michael Learns To Rock 的碟，都好好聲
隻高音其實都唔係 Wharfedale 本身果隻，係早排開 mic 時唔記得著埋 limiter，一係 mixer 度啪錯掣就 feedback 燒左高音，之後再換上去，所以特別唔同色，開頭 Tony 拿上來換既時候以為會有好多地方唔夾，帶齊左焊槍焊錫電容電阻上來諗住需要再改過分音器，點知一裝上去一開聲，夾都無咁轎，就係緣份問題，一裝上去仲 match 過原廠舊高音，crossover 郁都唔使郁，Tony 連架餐都唔使拿出來，無野玩，佢都覺得無癮
不過話似鴨寮街路邊貨色，哈哈，呢個我要講少少，其實呢一隻 model 的高音我知係出面係有好多 AB 山寨假冒貨色，呢隻高音停左產好耐，而家市面上超過六七成其實都係山寨假貨，包括鴨寮街路邊檔，所以佢地果D衰聲係好正常，不過我呢對係果間正貨廠親手交到 Tony 手中，Tony 收埋無插過線無用過，到而家先拿返出來俾我新用，所以當然唔同鴨寮街路邊的聲音啦
其實鴨記真係有好多流野陷阱，聽講過數字台果邊話有好多人係鴨記買過假水塘，甚至連華輝樓上都有賣我果隻 Canare balanced 線，不過線質就軟過我果條好多，摸落都有點心寒的感覺。
其實 Bombdance 星期日來之前，為隻高音趕工整左好多野，要到星期五先開始有機會重新煲開機，即係話 BD 來既果日其實D線，機，水塘，喇叭等等跟本仲未煲得醒，你的反應已經如此，遲D如果你有機會再來的話，你唔需要對聽到的分別有太大的驚訝喎 {:6_175:}
我強調我仲要只係全部使用黃金地庫十零銀一條果D黑色電源線，我發誓，我從未玩過果D專為音響而設的電源線 {:6_183:}
不過我對喇叭係 monitor 類，只要有有質素的訊源，表現到音場係好正常不過的事，因為佢打聲係有集中直方去性，你係佢既前後左右所聽到既音量可以相差好遠，佢地係完全唔需要後牆左右牆反射都可以做到完整音場，所以箱體同後牆左右牆相距有幾近幾遠其實對我無咩影響，你諗下，絕大部份 studio 的聆聽房間都係好殘酷的無反射房間，四面八方天花地板一概照吸盡聲不留反射，如果你係咁既環境度仲要靠房間牆身反射來聽音場的話咁你晨早可以執笠返歸了，不過如果因為咁而聽唔出音場的話，我地仲何以靠 mon 來監聽我需要落幾多 stereo imager 或 soundstage imager? 我跟本唔可能適當地拉闊或夾窄一隻碟的音場，係咪？不過因為環境所限，我無法為 mon 做太多 toe-in，其實 mon 要聽到最大最盡最真的音場，係正式的 studio 度係需要 toe-in 到盡的，即係必須扭轉音箱角度變成等腰三角形陣，好似咁：
所以能聽到 monitors 的最盡最佳音場表現的聆聽位置，永遠只有一點，就係兩箱 toe-in 方向的相交叉一丁點位置，即係 producer 所坐正係中間的皇帝位，唔似一般擴散性 hifi 喇叭咁可以有一大片地方都聽到差唔多
不過要記住，我無果D tst 咁有米既果D擴散板放係中間
不過其實影響最大，最難改善，最繁複的一個最大因素就係 CAS 本身，尤其 interval latency 一大就即刻無左 bass，bass 最易散，所以要知道一部 CAS 得唔得，俾我一聽佢個 bass 的音場，力度同清晰度就知，不過呢D問題最終都俾小弟完全解決晒了，我發誓強調，我完全無 cut 過任何 service，所有 service 我照由佢 run，DPC latency 我完全當佢透明無到，十世前已經無理過佢，我電腦從來唔用任何線性牛，只係 watt 數預大左幾倍，我電腦只用二百幾 watt 電，不過我隻火牛係 Antec true power new 750w，即使開左機大半日，完全無乜熱量，其實大家都唔知，我仲有 run 緊大家最驚的 anti-virus 軟件，都阻我唔到，
1394 線都只係 echo 原廠俾我果條，因為 1394 高級線比較難搵，好在係有十足金屬屏閉同銅線質地非常硬淨，而唔係出面黃金果D軟到令人心寒的鎳線。
老實講，其實我真係有點心郁郁，想砌返一份好似 tst 隻新牛既果一種一排二十粒四百幾 uF 的水塘仔 parallel 埋一齊的水塘陣俾部 echo，相信到時 bass 反應同力度都會有大幅提升，立即變成兇殘暴戾的重炮手，到時聽 bass 真係要坐穩先好 {:6_235:} Parco 發表於 2014-5-7 18:59 static/image/common/back.gif
我再補充一下
balanced 線：Canare 2B2AT 灰線
恭喜parco兄！{:6_236:} 佩服!
nicknick 發表於 2014-5-7 22:26 static/image/common/back.gif
恭喜parco兄！
{:8_386:} 小意思，邊夠你地D金錢幫咁多野玩 {:8_390:} 本帖最後由 nicknick 於 2014-5-8 23:13 編輯
Parco 發表於 2014-5-8 22:48 static/image/common/back.gif
小意思，邊夠你地D金錢幫咁多野玩
我諗你真係認錯人喇，我幾年黎都冇錢買新野，我想出返篇窮人入門開箱文都冇得出，借機回來試就多，全部兩三個星期後就要還返俾人。
上年我仲窮到要放埋對喇叭都冇得買返，依家只係用緊朋友借來的4千蚊殘舊喇叭頂住咋，將來都要還返俾朋友㗎。