蜘蛛俠2之全景聲D-Box3D觀後感
本帖最後由 chakat 於 2014-5-1 19:51 編輯今天中午入海運一試全景聲D-Box睇3D蜘蛛俠2,因為自從上次在海運試完全景聲後，一直都想再去，今次睇英雄片便去試下，見有D-Box 3D,成二百元找三元（連網購收費），也一行六人入場試下。。。
講真，睇完後，內容可說豐富，但有點鬆散，氣氛上唔算緊湊，可能風格上蜘蛛俠都唔係咁搞黑暗和壓迫力，刺激場面似玩雜技多D，下半部份甚至有等完場的感覺，而且部片明顯地有很多伏線是留待下集交待，所以到完場一幕時，可說非常突然的，而對女角的處理更是有點草率。。。相對之下，我喜歡之前看的美國隊長2多D，若美國隊長2有八十分，蜘蛛俠2我比七十分吧！而全景聲今次的發揮也不如期待，定位不算很清楚，反而D-BOX效果勝預期，可惜可表現的場口不算多，反而最勁是主人翁父親在飛機上一幕最有感覺，直情搖到有D暈，勁似玩過山車，但可能銀幕效果仍不及I-max（感覺相對較細），很多空中場面不算震撼！其實現時大家好多家也有六七十吋電視，或八十至一百二十吋投射，到戲院看戲，有時真係要睇間戲院比多乜你，D-BOX+全景聲真係唔錯的視聽感受呢！{:6_211:} 多謝師兄分享！{:6_193:} 非常同意，入場睇呢套，都係為咗Sony嘅靚畫質、全景聲音效、同DBox效果啫！呢啲美國漫畫英雄片，幼稚就預咗架喇！入去睇劇情？！有幾多個Christopher Nolan？想睇由頭打到落尾？不如打機喇！3D全景聲DBox，兩舊水一位，入場至享受到，呢套總算收貨！
看這類美式漫畫英雄片已不再抱很大的期望 唯一可以給你的就是近乎完美的cg特技還有期望它的音效這套音效在同類片中不算十分出色 不夠緊湊冷場多已經是意料中事 差點就買左飛，好彩睇下評語先{:1_332:}
頁:
[1]