Budget-fi? 細預算大享受: 平價以及入門耳機分享
本帖最後由 斯路 於 2014-4-22 02:50 編輯特別嗚謝Budget-fi師兄借名用一用
應該係一至兩年前，係Headfi以及其他論壇有興起過Budget-fi呢個話題。咁岩見到有師兄用左呢個名字，又開始有返鋪癮想玩玩價錢平但高質素既耳機。以非常有限既budget其實可唔可以有非常唔錯既耳機可以玩玩呢?
我心目中覺得VSonic當初既R-02PRO相當唔錯，但始終當時入耳式耳機未及而家百家齊放，用返而家既水平去對比，R-02PRO或者唔再咁有吸引力。
HiFiMAN家將自己出既RE-400命名為標杆，想話係入耳式耳機入面，訂立一個高階水平既標準。我手上擁有既RE-400應該係最早期既，所以可能同而家既版本有出入。單講實力其實我手上既RE-400非常唔錯，先唔討論佢到底係咪係能成為高階耳機既標杆，但我認為以599人仔黎講，RE-400相當值得入手。佢令我鐘意既地方在於佢四平八穩，表現上無明顯缺陷，適性極高，亦唔算太難發揮。要挑或者係要戴岩耳膠低頻先能夠充分表現到出黎。但以599人仔呢個價錢，我覺得呢對真係相當抵玩。不過599人仔或者都未必稱得上為budget-fi。
而近日有朋友通知Amazon上面既Sony XBA-1劈價清倉，講緊USD 24就有一對，二話不說就入左兩對。本身對Sony XBA系列唔特別鐘意，只係試過XBA-3/XBA-4。其實XBA-3還好，但以本身個標價我就最多只能談得上遠觀啦。至於XBA-4，實在比較失望，高不成低不就，以Sony既人材技術以及產能，自家研發新既嘗試只係出到呢個程度，不論質素定係風格都有可挑之處，令我無心機理XBA系列。不過USD 24呢個咁平既價錢實在吸引，而家單買正版既Sony耳膠加起黎都唔止呢個價，就無理由錯過呢個機會既。
心中印有USD 24既Label，再加上對XBA-4既失望，再再計埋我本身對Sony染色有微微抗拒，心諗都有必要打定輸數。而耳機一到埗就當然係即拆即玩。先播一兩首鋼琴獨奏，再慢慢挑戰下中編制再玩埋大編制，心諗：「hmmm?」XBA-1較為傾前既表達手法竟然無毀滅音場，樂器遠近亦算清晰；稍稍著重中頻表現，而雖然高低頻伸延唔明顯但roll off得非常順滑，細節度高但唔表達手法唔強硬；細編制有唔錯既細緻度，中編制表現亦尚好，係大編制失色左，唔能夠控制大場面，會焗促同失條理，但因為高低頻較rolled-off而唔會刺耳難聽；林林總總我只可以話我當初完全underestimate左XBA-1呢對耳機。同我鐘意既Ultrasone Tio相比，我都唔知個價格差別對我有幾大影響，到底係因為XBA-1而家咁平我唔敢講到佢好好，定係Tio定價太高我唔敢話佢唔掂，但我覺得XBA-1並唔會比Tio差得幾遠。XBA-1不論係夾iPhone 4S，MacBook Pro，AK100都相當唔錯。200港紙，呢個質素，真係細budget大享受。
入門級別耳機或者係器材其實好似越黎越少發燒友會主動去試去討論。但其實出面係咪都重有好多唔錯既平價耳機都唔錯架呢? 各位師兄不妨又分享一下。睇下有無咩細budget大分享益益大家。 去到$200呢個價，好難揾到第二對喎。 "不過599人仔或者都未必稱得上為budget-fi"
師兄講到咁我點算好{:9_434:} 本帖最後由 斯路 於 2014-4-18 12:15 編輯
Hoyan 發表於 2014-4-18 11:50 static/image/common/back.gif
去到$200呢個價，好難揾到第二對喎。
200蚊又好似真係過分左些少，不過入門級以及低價耳機討論聲音比較少，所以睇睇可唔可以拋磚引玉啦
Budget-fi 發表於 2014-4-18 12:11 static/image/common/back.gif
"不過599人仔或者都未必稱得上為budget-fi"
師兄講到咁我點算好
{:8_386:}
能夠稱得上為Budget-fi(師兄)既唔係睇價碼而係睇價值既，而能夠稱得上Budget-fi(玩具)既，800蚊港紙好似真係難些少呢 作為一個平凡庸俗既人（我指我），將商品質素同價錢掛勾已經係必然既事。
有時侯見到千元左右或以下既耳機，的確無咁既勇氣去試，或者作出評論。
無錯，係勇氣，萬一自己喜愛既係一隻200蚊既耳機，會唔會比人笑？
笑我唔識欣賞，笑我魚蛋當魚翅，笑我東菇當黑松露？
斯路依一篇文章正正表現到，一個真正喜愛聽音樂既人既態度。
我唔否認價格高既產品的確係會有某程度上既保證，但係只要識得欣賞，有時侯，幾白蚊既紅酒，不比LATOUR差。
HEADFI從來就係自私鬼，自己聽自己HI，自己FI，識享受既，魚蛋幾時開始唔夠魚翅好食？
斯路兄一直都係小弟既啟蒙老師，每次觀賞你既文章，都穫益良多。 甜鬆潤 發表於 2014-4-18 12:32 static/image/common/back.gif
作為一個平凡庸俗既人（我指我），將商品質素同價錢掛勾已經係必然既事。
有時侯見到千元左右或以下既耳機 ...
甜師兄你太客氣。睇甜師兄既文章我都非常有得著，亦都對試過而唔鐘意既玩具有新睇法。師兄你笠咁大頂帽過黎我會唔好意思架{:8_369:}
不過的確係，對我黎講，價錢對於心理有一定影響。如果講對XBA-1賣到好似Tio咁樣3000蚊，或者我會變到出惡言批評佢，但200蚊，唔好意思我覺得我會被收買到。不過平心而論，比起手上既SM2V2，我更鐘意呢對XBA-1就真既。希望可以發掘到更多正野啦{:8_389:} 有好多時d劈價清倉到發現時已經賣晒{:1_255:}
不過好文一篇{:1_347:} budget-fi絕對是很有趣味的玩法啦
尤其當以比較低既價錢組合出高質素的聲音,果種成功感{:6_181:}
對玩budget fi,我想除左發掘平價既機,配搭都係好好玩
雖然配搭唔係budget fi先會玩,但若經過精心的配搭,要在某獨一方向做得比一些高價器材好,不是沒可能的
而發堀器材間的科學反應又是一個大坑{:6_243:}
講番xba1
其實我只係試過一次xba1,印象roll off都幾犀利,不過好順耳就真既
1k內xba1會係其中一對我可以推薦的,其他有mc5, im50
re400對我來說有點重口味呢{:6_123:} 師兄，想問下呢隻係唔係長短線架？ Amazon唔Ship嚟HK呀{:6_125:}{:6_125:}