nat_nat 發表於 2014-4-17 16:31

銅鑼灣直擊 小環魚蛋好唔好食？

上星期有報導話94年港姐譚小環離開TVB之後，轉行開檔賣魚蛋腸粉小食。同其他毅然卸下明星光環嘅藝人一樣，得到唔少觀眾嘅支持，連女作家王迪詩都話由衷敬佩，仲叫大家每人買返串支持下。而小環今日接受訪問都話生意比想像中好，打算去旺角開分店添。

真係咁好生意？我哋下晝時份踩落銅鑼灣，見到無論午飯時間定係3點3，都有食客排隊幫襯。LUNCH TIME高峰時期更加有成十幾人排緊隊，畢竟成條街都冇乜幾多檔買呢啲「拮拮下」嘅小食。

到底小環嘅魚蛋好唔好食？一場落到去，我哋梗係去買返啲魚蛋腸粉燒賣嚟試食啦。比起同區其他小食檔，水準唔錯噃，魚蛋汁夠辣，腸粉又唔會淋PAT PAT。價錢就梗係旺區價啦，魚蛋10蚊6粒，腸粉10蚊4條，抵唔抵見仁見智。如果伙記手腳快啲，小環又落嚟多啲(兩次都見佢唔到)，怕且開勻19區都得呀！
( Source: Yahoo)

vincentysh 發表於 2014-6-27 11:01

知唔知係個位 ?

沙煞比 發表於 2014-6-27 11:21

藝人效應加埋不錯既產品質數
應該可以有唔錯既收入
起碼一定好過係無記捱
肯放下身段, 親力親為, 加上同傳媒既關係,
抵佢成功
頁: [1]
查看完整版本: 銅鑼灣直擊 小環魚蛋好唔好食？

重要聲明：本討論區是以即時上載留言的方式運作，Post76玩樂討論區對所有留言的真實性、完整性及立場等，不負任何法律責任。而一切留言之言論只代表留言者個人意 見，並非本網站之立場，讀者及用戶不應信賴內容，並應自行判斷內容之真實性。於有關情形下，讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限，故不能完全監察所有留言，若讀者及用戶發現有留言出現問題，請聯絡我們。Post76玩樂討論區有權刪除任何留言及拒絕任何人士上載留言 (刪除前或不會作事先警告及通知 )， 同時亦有不刪除留言的權利，如有任何爭議，管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論，敬請自律。本網站保留一切法律權利。權利。