lkljason 發表於 2014-4-15 12:20

出軌化學作用 Better Living Through Chemistry…J J小評 (含內容)



睇左套冷門野，如果唔係女主角同個故仔幾得意，相信唔會引起我興趣。


故事講男主角係一個平凡既藥劑師，好好先生一名但成日比人恰，包括老婆、仔、外父、甚至乎伙記，偶然認識左濫藥既怨婦女主角，o係女方主動底下仲搞埋一齊添，女主角仲要教埋佢o拍丸、Sexy，正所謂姣婆遇脂粉客梗係一拍即合啦，呢一刻男主角除左重振雄風外，仲要計劃同女主角合謀隊淋佢個有錢老公，繼而仲諗住私奔遠走高飛，不過現實又點會咁順利丫，o係陰差陽錯底下梗係殺人不遂之餘，竟然仲要化解埋佢私下穿桶底偷藥既事添。


講翻套戲我覺得係賣點既女主角先，Olivia Wilde我認識佢係o係In Time呢套戲裡面，雖然當時佢只係客串性質做男主角既阿媽，但都覺得佢好搶戲好吸引，而呢套既演出可能要配合翻怨婦既形象，所以個樣唔算討好，不過做得怨婦性感露肉就在所難免，到最後從良返藥房重遇男主角，個樣當堂靚返晒。


一套用藥物黎造就出軌既黑色喜劇，題材都幾特別，但非看不可又未至於，裸黎消磨時間我諗點都好過睇TBB d膠劇，一看無妨果隻啦。

day2013 發表於 2014-4-15 12:24

{:6_193:}

tsuiyuen 發表於 2014-4-16 07:35

謝ching report,我本來都有意入黎睇睇
頁: [1]
查看完整版本: 出軌化學作用 Better Living Through Chemistry…J J小評 (含內容)

重要聲明：本討論區是以即時上載留言的方式運作，Post76玩樂討論區對所有留言的真實性、完整性及立場等，不負任何法律責任。而一切留言之言論只代表留言者個人意 見，並非本網站之立場，讀者及用戶不應信賴內容，並應自行判斷內容之真實性。於有關情形下，讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限，故不能完全監察所有留言，若讀者及用戶發現有留言出現問題，請聯絡我們。Post76玩樂討論區有權刪除任何留言及拒絕任何人士上載留言 (刪除前或不會作事先警告及通知 )， 同時亦有不刪除留言的權利，如有任何爭議，管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論，敬請自律。本網站保留一切法律權利。權利。