那夜凌晨，我坐上了旺角開往大埔的紅VAN ....J J小評 (含內容)
本帖最後由 lkljason 於 2014-4-14 15:34 編輯今次呢架紅Van係我同老細一齊坐，我個人就未至於某d影評咁講到咁一文不值，而我老細就覺得真係好麻麻 (記住係麻麻仲要好果隻喎)，個故仔其實確係唔錯，玩懸疑仲要咁貼身地點係o係旺角同大埔既”景點”，再加上每個角色都係貼近現實，包括乜都認叻扮大佬，但其實無料扮四條聲大大既華哥、入型入格小巴佬林雪、迷信神婆惠英虹、外貌娟好既Janice man，曾經坐過旺角Van既朋友相信唔多唔小都有d共鳴。
我係睇完電影後，堅頂唔X信即刻立下原著究竟係點收科，因為今次電影實在太X過虎頭蛇尾，我睇前都知陳導演講到明，如果呢集收得至會開拍下集，OK~~~~你分上下集留伏線留疑團無問題，但你結尾起碼留d高潮位比人覺得有追看性丫，加上疑團實在太多太唔X make sense既野啦，尤其事決定上大帽山開始，班蒙面人想做乜X野o者，阻止佢地上去？佢撞人又自炒都唔知做乜X？架Van仔撞到咁都無人受傷就更加 amazing？吸毒男璨森最後更加唔知做乜X野 (堅好想爆粗)，把刀劈到咁血都無滴仲識搞gag，忽然醒晒又跟翻大隊，係咪想我地當cult片睇先？同埋立過原著小說好似唔多覺Janice man 飾演既Yuki有電影裡面飛X起晒d頭髮既鬼樣，如果證實真係無，咁好X心導演你就咪X固弄懸虛啦！ (避免篇野變左18禁，X果d唔該自動幫我加d助語詞落去丫)
總結：其實我滿懷希望黎睇呢套戲，笑料對白係有D既，但絕對唔足已令套戲起死回生，可能導演實在太貪心乜都想講下，搞到而家恐怖又唔夠、串政府又唔到肉 (呢點唔係我考慮因素)、玩疑團我覺得好似想玩埋觀眾咁，好好地個故事仲要搞到肢離破碎，浪費晒一班好演員。
同埋建議結尾散場前加返句待續或者留待下集自有分曉，可能d觀眾會較為好過D~~~XDDDD
以下既疑團係o係其中一個版友度Cap出黎，其實我都想知陳導演或者原著係點樣解說：
1. 架紅VAN係咪去咗2018年既未來? 到底發生咩事?
2. 大學生 / 長毛仔 / 曼聯仔 / LV女點解會死? 因為病毒？
3. YUKI幾個迷團: 佢話唔係住太和, 咁前一晚佑南送返去果個係咩人? 恐佈YUKI係咩一回事?
4. 面具日本人係咩人? 目的係乜？
5. 最尾無啦啦有幾架裝甲車撞紅VAN咩事?
6. 架紅VAN識得自己開車避？
7. 紅雨係咩意思?
8. 邊個人打電話發訊號比所有人?
9. 點解佑南會接到佢女友電話?
10. 佑南屋企佈滿塵, 想表示丟空好耐, 但點解7仔, 超市, 茶餐廳D食物又無變壞?
我自己對套戲興趣不大，多謝你的介紹！！{:6_193:}{:6_193:} 當cult片看就算, 而且只係上半部.
頁:
[1]