大作都要降價?英版XBOX ONE《Titanfall》同梱套裝£349英鎊買得到
本帖最後由 @肥狗仔@ 於 2014-4-11 22:44 編輯次世代主機之爭已經開始了一段時間，拋開獨來獨往的WiiU唔計，經過上年年末商戰一役，SONY及MS的兩台新主機都取得一定成績。但講到尾新機試水，第一年有冇太多正game玩就見仁見智。但起碼我地都見得到SONY仍然靠著第一方工作室的優勢，保持住幾乎每季都推出獨佔作品，而微軟相比之下則比較遜色，除左首輪遊戲有過少井噴，其後幾個月都係得啲高層走出黎吹水完事，所以最近由"Call of Duty Modern Warfare"元老所開發的MS平台獨佔FPS遊戲《Titanfall》就正好解決XBO的遊戲荒。而根據VGchartz的數據，該遊戲單單是XBO版本就賣出超過120萬套，成績可謂不俗，但睇黎XBOX的主管並唔係咁唸...
事源今日英國零售商Asda及Amazon UK將XBO的Titanfall主機同梱套裝由£399英鎊降價至£349英鎊。該優惠套裝不但包含XBO主機,Kinect及Titanfall下載碼，£349的誘人價錢更貼近不連PlayStation Eye的PS4。有機有Kinect又連正game的確係玩家入手嘅好時機，但開心同時可能存在暗湧。
其實XBO在英國方面已經唔係第一次降價促銷，兩個月前該主機的英國地區零售價就由£430降至£400，此舉不禁令人質疑XBO的銷量是否未及預期或者係為趕上對手而採取的市場策略。如今就連大作同梱套裝都搞特價，當中若果唔係因為上述假設就真係耐人尋味了。直到現時為止，XBO無疑落後於對手約三百萬部，而到9月隨著有26個國家地區正式引入該主機，屆時銷量有機會黎個翻半(?)，加上有傳MS會在年內推出殺手級HALO新作，考慮到有關因素，相信去到今年年底SONY及MS會再一次進入膠著狀態。至於今次降價一事，假如MS真係為咗拉客的話，倒不如快啲將主機引入其他市場去仲好啦。 Titanfall之後，XB又換左新CEO，即係之前個PK CEO已經收左皮。
今次個CEO算是救亡，同之前XB二三代CEO唔同，
一個係買影視唔識賣GAME，又唔傾獨佔等，所以後期放軟晒比PS3上到位，仲整埋D唔俾二手等哀野落XBOXONE。
另一個廢柴(即係話賣XB果個)，未上手已經搞唔惦失地，Titanfall同捆都救唔到。
而加新CEO係打機友，佢開始傾翻獨佔遊戲等工作(之前第二代個白痴CEO已經放棄左Gears of War，下一集已經唔係 Epic Games 開發了)，
但我認為~~失地難收。
頁:
[1]