發夢王大歷險…..J J小評 (含內容)
發白日夢呢家野相信唔小人都有呢種經歷，但發到好似男主角咁相信都絕無僅有，套戲係講一個宅男過住d平凡刻板既生活，就算遇到夢中女神連表白都要o係自己既世界裡面幻想，初段睇都鄧個主角悲哀，直到由唔見底片開始，諗住搵個神龍見首不見尾既名攝影師追問一下底片既下落，大歷險就由呢度開始勒，講真初頭一路睇佢發白日夢串個上司，再大打出手爭個童年公仔，再到自我良好咁發夢溝女，講真都覺得有dd悶場同無厘頭，直至開始出發去搵個攝影師，套戲先至漸入” 佳景” ，套戲本身個故事性唔算好強，所以唔好期望套戲有高潮迭起既劇情，而初睇戲名仲以為係一套胡鬧喜劇，但實質套戲喻意叫人唔好發咁多白日夢，唔好齋諗行動係最實際，享受人生放眼世界先係最重要，結局抱得美人歸證明佢既改變係無錯，套戲出發點都係正面。
總結：一套我覺得可以一睇既電影，但又未至於影評講到咁精彩，套戲裡面既取景真係幾得，睇完套戲你唔會第一時間覺得好正，但慢慢回味下佢裡面既細節，其實都幾貼近我地呢d繁忙既都市人生活，喂喂~~~唔好掛住做野啦，及時行樂都好緊要架。
我係戲院睇都覺得套戲唔錯 {:6_142:}{:6_142:} 呢套睇完, 搞到想去冰島.
頁:
[1]