論壇 › 電影討論 › 末世列車...J J小評 (超含內容，未睇勿看)

lkljason 發表於 2014-3-25 16:11

末世列車...J J小評 (超含內容，未睇勿看)

一套用末世黎做背景，反映人性既自私、貧富懸殊、階級觀念既革命電影，大道理我唔深究，2個鐘頭o係列車裡面好似打機過關咁，導演可以o係一個咁狹小既空間裡面拍到套緊張剌激既電影唔在講，而同時亦都帶到 d message比觀眾，韓國導演實在不容忽視。

雖然話係漫畫改編，本身都有個故事大綱，但拍出黎做到呢種feel真係唔容易。而呢套戲既卡士亦都唔野小，個個都熟口熟面，最為人熟悉當然有呢期當紅既美國隊長，佢今次拋開超級英雄既面具，演譯一位革命領袖，因為睇呢套戲之前我無睇任何故事簡介同人物介紹，所以一直睇都唔肯定係佢做，到最後完場search翻imdb至confirm係佢，可想而知個角色感染力有幾大。而每個角色形像都好突出鮮明，無論主角、配角、甚至乎奸角都恰如其份，到結尾知道原來一直敬佩既"師傅"竟然係內奸，同車頭話事人串謀黎控制人口，呢下真係估佢唔到。而男主角亦都講述翻18年前初上列車時弱肉強食既情況，同埋知道如無人管治既情況下就會好似結尾咁樣，而每次革命無論成功與否，其實都係迎接下次既革命來臨無止境落去。男主角知道呢個道理後果種無奈洩氣，知道就算推反而家既狀況都唔能夠有乜改變，到最後男主角都係應韓國仔要求炸毀列車，導演其實可以選擇灰爆咁全部死鬼晒，但佢就保留人類尚存有一丁點既將來，都算o係呢套陰暗既電影裡面帶點希望。

總結：非常值得一睇既電影，雖然戲院應該已經落晒畫，但出碟時我個人覺得呢套係唔可以錯過既電影。

rle18322 發表於 2014-3-25 18:34

{:1_351:}{:1_351:}{:1_351:}

teddyng637 發表於 2014-3-25 18:53

{:9_426:}{:9_426:}

xianglan 發表於 2014-3-27 11:58

{:6_148:}

查看完整版本: 末世列車...J J小評 (超含內容，未睇勿看)