我的CHORD HUGO感想 PART 2 - 愛情篇
本帖最後由 甜鬆潤 於 2014-3-25 01:38 編輯加返part 1條link
http://post76.hk/forum.php?mod=viewthread&tid=184186&extra=page%3D2
每一次耳擴跟耳機的相遇，都是一段情。
“也許相愛很難，就難在相方各有各寄望怎麼辦？” - HD700
其實你應該要明白，因為身邊既朋友一早就同你講過，話HD700要求高。
要求高唔同眼角高，要求高係因為HD700值得有個更好既人。
作為依家最大紅大熱（最貴？）既隨身耳擴，你曾經有一刻以為自己可以高攀得起HD700。
係，我承認，我一直都唔睇好你地，但係當我聽FROZEN 既 LET IT GO，開頭一分鍾既時間，高頻細膩，人聲甜美，低頻量多，質素亦唔差，你分析力高既優點，表露無遺，過一刻，我相信你地深愛過。
但係去到中後段，我無辦法唔承認，世上有d野，係勉強唔黎既，當去到比較層次多既位置，聲音開始亂，高音位有d散，人聲薄左，係未因為你唔夠愛佢，所以搞到咁呢？我唔敢肯定，但係我知道你既愛係自給自足，唔洗插插騷，所以能夠行到依一步，你都應該今生無悔。
最後我都只能夠講句 - 恨鐵不成鋼，只差一點點，你就可以得到HD700既愛。
我知你已經好盡力，但係你要承認一個事實，就係你只係一部隨身耳擴，無論你點樣做都唔會擺脫到依個命運。
我見到你個6.35插頭，就明白你好想為一系列既耳牛而生，但係我只能講句，今日既你，未能令HD700 真正愛上你。至於HD700有個要求仲高既家姐，我諗你都應該要放棄。
不是不愛你，只是不夠愛你。
“無奈只是好朋友 別吻我。” - D7100
D7100不愧係出名平易近人，你地兩個的確相處得幾好，係幾襯既，尤其係一d高位都總算係高貴優美，雖然唔大火花同埋都係意料之內既事，但係你地依個組合的確係令我聽得幾舒服。
不過由於你既性格本身就比較高傲，所以顯得你既聲音有d dry，有d枯燥，D7100既活力未能夠幫助你，我會認為你地依對組合比較適合聽一d旋律輕快既歌。
但係你地係未真心相愛呢？
我唔肯定，我只係覺得你地相處得無壓力，與其用愛黎形容，我會話你地都好喜歡對方。
真正既愛情應該係令人難以忘懷，感動，溶化於心裡，並隨著血液擴散開去。
或者可以簡單d講，你地依段關係係輕輕鬆鬆既感情，一d都唔浪慢。
我們只能成為知己，不能成為愛人。
“不要著燈 能否先跟我 摸黑吻一吻
如果我 露出了真身 可會被抱緊” - SM3V2, SE846
講真你都唔肯比機會人地，你點知結果呢？
你就去同人講，話只要你肯用個6.35轉3.5就可以試下係埋一齊。
但係你咁樣人地會覺得你好睇唔起人囉。
“最 茂盛的戀愛 靜靜蓋滿地
是否 這樣的韻律 也算自然定理” - IE800
世事難料，一直尋尋覓覓，直到最後，你最愛，而又最愛你既，竟然就係你一直都忽略既IE800。
IE800其實同你係埋一齊真係承受住好大既壓力，冒住生命危險，勉勉強強先能夠同你係埋一齊，稍有不慎，IE800就會比你高傲既性格趕走。
要怪只好怪你個設計咁古怪啦。。。
最愛的，往往是不曾重視過的。
有時侯你希望能夠得到更好既野，希望同更好既人一齊，反而令你唔懂得珍惜身邊更加值得珍惜既事。
IE800比較感性既性格，漸漸融化左你本身枯燥既特質，你係IE800面前，表現唔再只係高傲既分析力，依一刻既你好細心，IE800令你唔再忽略低頻既感動。同樣既LET IT GO, 你地合拍既表現令我覺得驚艷，你地既開始並不比HD700差，甚至乎多左一種感動，去到中期你唔再只係麻木既分析，依樣野你真係要多謝IE800，係佢令你獲得生新命。不過，另一方面，我相信IE800亦都明白，只有你既愛，佢先可以發揮得咁好。
你知唔知有時候你真係好黑人憎，成日都話自己係英國人，一尾賣弄高分析力，清析度，你根本就忽略左愛情既本質。
到今日，你終於都搵到你既the one。你應該要明白，真正既愛唔係去追求，而係去包容。。。
珍惜身邊值得珍惜既人。
By the way, 我未自我介紹，我係今次既媒人 - MACBOOK PRO。
多謝收看。
好一個戀愛報吿{:1_335:} 終於等到甜師兄出後續。真係又有趣又有用{:8_403:}
睇黎除左設計上未必夠user friendly，HUGO聲音上都有一定可取之處。意想不到地IE800同HUGO相性咁高，希望之後有時間試完唔會太有衝動啦{:8_384:} support!!!!!! 多情種子:P 師兄既文章越來越厲害，勁{:6_193:}
D7100不愧係出名平易近人，你地兩個的確相處得幾好，係幾襯既，尤其係一d高位都總算係高貴優美，雖然唔大火花同埋都係意料之內既事，但係你地依個組合的確係令我聽得幾舒服。
不過由於你既性格本身就比較高傲，所以顯得你既聲音有d dry，有d枯燥，D7100既活力未能夠幫助你，我會認為你地依對組合比較適合聽一d旋律輕快既歌。@
D7100推吾好高音會叫... 低音失控.... 本帖最後由 sennbeyer 於 2014-3-25 17:56 編輯
終於等到師兄既PART 2,好嘢！
估唔到推唔好隻700
睇師兄報告，入耳的話推動圈應該無咩問題，仲好好，推動鐵就難夾機啲
btw,呢篇風格好正，個人好buy，辛苦師兄下筆{:1_352:}
HUGO有crossfeed,會唔會都O岩ultrasone?有s-logic ma
唔知點解我有種感覺,話我知如果我有HUGO我會試下用嚟推T90(或者T5P,signature pro)
話唔定推拜亞有驚喜？ 甜兄的PART2 寫得很好呢, {:6_193:} jaffeinism 發表於 2014-3-25 00:27 static/image/common/back.gif
D7100不愧係出名平易近人，你地兩個的確相處得幾好，係幾襯既，尤其係一d高位都總算係高貴優美，雖然唔大火 ...
我又無乜試過推唔好隻d7100，可能因為我通常聽耳牛都會用amp sennbeyer 發表於 2014-3-25 00:43 static/image/common/back.gif
終於等到師兄既PART 2,好嘢！
估唔到推唔好隻700
睇師兄報告，入耳的話推動圈應該無咩問題，仲好好，推動鐵 ...
我有機會一定會試試~