我以後唔會再去康泰旅行社買機票！
本帖最後由 tennishk 於 2014-3-22 08:01 編輯我以後唔會再去康泰旅行社買機票！
話說2月中去銀行中心康泰旅行社問複活節假期4月18日-21日台北機票+酒店。
過程如下：
我：請問4月18至21日台北機票酒店套票價錢？想要早機去晚機返。
康泰：要幫你睇睇有冇機位先。
康泰：而家睇到華航去程CI904仲有機位，早上11時05分，回程晚上7時半，酒店就要兩日後才確實有冇房。
我：機位時間我OK.
康泰：咁兩位台北來回機票連3晚捷絲旅飯店總數$10270，現收你$600訂。
兩日後。
康泰：X生，我係X小姐，你訂的酒店巳確實有房，但機票要4月頭才確幾點飛機，請你來交埋尾數。
我：點解4月頭才確實幾點飛機，你唔係話華航早機11點？
康泰：因為你訂係團體票，所以要遲些才確實到時間。
我：小姐，你話11：05早機我才比訂，我問你時你冇講過係要4月才確實到，如果你有講，我一定唔會比錢，我要求係11點早機，如果你班機變了下午，咁我係咪可以退款先？
康泰：唔好意思，冇係冇得退！
幾經交涉，康泰最後話如果班機遲過1點鐘起飛，會全數退錢。
3月21日：
康泰：X先，班機巳確實時間，係加班機，零晨05：55，你要起飛前早兩個半鐘前到，即03：30到機場搵我同事取機票！
我：點解會咁早？之前講過話時間差太遠可以退錢？咁而家可唔可以？
康泰：我只話遲過下午1點可以退，咁而家冇遲到呀。所以冇得退！
最後，我直接打去康泰總行投訴，我理據係：
我當初比錢前要求早上11點機，你比我張收據亦寫明CI904早上11時05分，而家你冇理由話改就改！
同埋，我之前問過幾間旅行社價錢都比你地平，但時間冇你地咁方便才幫你買，而家你比返咁既時間我，咁我駛乜幫你買？
如果你地冇早機，當初就唔應該收我訂話有機位！而你將收據亦寫明係CI904 早上11時05，而家比另一班機我，時間又差咁遠！
最後，總行終於肯全數退回比我。
但浪費左我好多時間，而家再搵另一間又冇哂機位。
真係有無搞錯 {:6_194:}{:6_194:} 講明CI904早上11時05分就應該比你CI904機票。{:6_194:} 旅行社經常用呢啲技倆收咗客先！{:8_381:} jt24 發表於 2014-3-22 09:34 static/image/common/back.gif
旅行社經常用呢啲技倆收咗客先！
近幾年分別去過永x，蹤x遊同東x遊，每次都係比錢前已經確實到有機位，
今次第一次幫康泰買套票票就有咁特別嘅待遇！真係好難有下次！ 康泰{:6_199:} 又真係幾激氣{:6_124:} 搵錢搵到搵人笨！唔好比佢得逞！絕對要永不録用！{:6_132:} {:6_133:} {:6_199:} 收番錢都無用
SIDE 左時間又BOOK 唔到其他
離譜
可唔可以去咩旅遊業議會投訴架? 康泰真係不知所謂{:6_199:}
頁:
[1]
2