我的CHORD HUGO評測 PART 1 - 包裝與產品設計篇
本帖最後由 甜鬆潤 於 2014-3-18 18:44 編輯有幸請黎自稱係HUGO既設計師，咁就緊係要趁依個咁難得既機會同佢做個訪問啦
我 - 甜
不願透露姓名既自稱HUGO設計師-HUGO
甜: 你好
HUGO: 你好
甜: 今日好高興可以邀請到阿HUGO上黎做訪問，不如我地入正題哪好唔好？
HUGO: 無問題
甜: 我地不如由包裝既設計開始講起，我研究過，依個盒既紙質同我部爆走兄弟四軀車既盒好類似。。。。
HUGO: 錯哪，依個盒既物料，係同惠康牌既廁紙盒同一種材料所做。我地細心考慮過，消費者一定會好心急咁拆開部機使用，為左方便我地既顧客，與其整個太難開既盒，不如整個一野就督得穿既盒，咁要拎出黎用嘅時候就變相非常方便哪。
甜: 嘩，真係細心哪，唔怪得之賣成 “一萬八千蚊”啦。
HUGO: 無錯。
就係依個咁型既盒，成個鞋盒咁
甜: 另外依部機既物料非常特別，點解咁似塑膠架呢。。。。
HUGO: 係鋁
甜: 咁點解咁似塑膠架呢。。。
HUGO: 係似普通既塑膠既鋁，仲難做過真塑膠。
甜: 。。。。。
HUGO: 。。。。。。。。。。。
甜: 你地output方面都好多元化喎，有光纖有藍牙有rca，仲有兩個一樣既usb頭添，我有做功課架，一個唔洗driver一個要丫嘛係未？
HUGO: 係，最重要係。。。壞左一個，你都仲有一個。
甜: 真係好利害喎咁。我好奇一問，有邊部隨身裝置支援rca呢？
HUGO: 好多都無問題，例如C4, C4 PRO, 同埋C4 特別版。
甜: 咁真係好多選擇喎。咁光纖呢？
HUGO: 最新款既ak240都已經有，不過由於我地唔記得左ak240原來係支援dsd嘅，所以無加到依個功能，家下你駁左都係聽唔到dsd file既。
甜: 少少錯誤咁緊係無可避免既，另外我想請問你地網站係話支援iphone架何？
（修正：根據師兄奧雲提出既資訊，光纖原身媒介並不support dsd，所以不支援dsd 非 hugo本意）
HUGO: 無錯。依個係我地公司最新既技術。
甜: 咁插係邊呢？
HUGO: 。。。。。。。
甜: 到底係插係邊呢？？
HUGO: 。。。。。。
甜: 我完全見唔到有地方可以插iphone線喎？？
HUGO: 。。。。。。。
HUGO: 我拒絕回答依個問題。
其實我可以試下夾硬對落去。。。
USB頭我算哪，喂，我條cardas線都隊唔到，你點解釋先？
好野，ie800“勉強”插得入，太好哪
甜: 。。。。
甜: 咁我想請問哪，點解無line in，line out呢？
HUGO: 依個原因好簡單，我地為左方便大家分享音樂，特別整左兩個3.5mm， 一個6.35mm既output，所以無晒位整line in，line out。
甜: 係未如下圖一樣，三個麻甩佬一齊插住同一部機一齊行？
HUGO: 無錯。
甜: 咁依三個人搭地鐵入閘既時候會唔會好麻煩？
HUGO: 會，不過真心愛音樂既人唔會介意。
甜: 明白。所以為左咁就連最基本既line in，line out都無哪？
HUGO: 係。但係我地有最高既科技，藍牙，雖然質素會差左好多，但係我地深信大部份既消費者都係麻木既，所以我地唔擔心依個問題。
甜: 你地真係非常細心，諗得好盡，不過話時話其實係唔係唔太適合市場上大部份既隨身播放器使用呢？
HUGO: 我地一路都係話出隨身耳擴，從來無話過要支援隨身播放器。
甜: 你啱。
HUGO: 當然。
甜: 多謝晒你接受我既訪問。
HUGO: 唔洗客氣。
甜: 容許我多口問多個問題嘛？
HUGO: 係？
甜: 你老老實實答我，部機真係你設計既？
HUGO: 其實唔係，不過我真係叫HUGO。
甜: 。。。。。
HUGO: 。。。。 笑死我，甜師兄真係好幽默。產品設計方面睇黎HUGO真係稍稍欠佳，但而家先係PART 1，即係重可以期待期待。師兄快d更新啦{:8_384:} 甜兄好野，快快更新part2 本帖最後由 owenlee 於 2014-3-20 00:23 編輯
DEL {:6_235:} owenlee 發表於 2014-3-18 01:31 static/image/common/back.gif
看完令人一笑置之既"評測"....另外文中既"訪問"係真定無中生有...?
相信甜師兄都係搞笑地分享下，應該都幾明顯地係純屬虛構? 小弟甘拜下風...
真係好特別~ 本帖最後由 owenlee 於 2014-3-20 00:24 編輯
{:6_176:} {:6_176:} {:6_176:} {:6_176:} muffy 發表於 2014-3-18 01:41 static/image/common/back.gif
小弟甘拜下風...
真係好特別~
MUFFY 兄我諗你都同意佢既設計唔太好，因為實在好多線材都用唔到 甜鬆潤 發表於 2014-3-18 01:45 static/image/common/back.gif
MUFFY 兄我諗你都同意佢既設計唔太好，因為實在好多線材都用唔到
係呀我所有靚頭都入唔到...
L頭我用swiftcraft
至於直頭, 我寧願加個adaptor, 經過千挑萬選下揀左VB果個L轉頭
問題叫做解決左...
btw 期待你既part 2 冇得頂！笑了出來！
(Post76 Android 手機版送出)